Josué 11:12 - Ma Zhiklè

¹² A Josué a nduma kokwarhi mbibihiaʼa a bihi haha tèlèba, a mbazl ta a tsakwal. A ngedas ta, ara man Moise, ɓèl Ndo nzi pèc pècèk, a njo.

Josué 11:12 ပူးပေါင်းရင်းမြစ်များ

Deutéronome 7:2

aman Ndo nzi pèc pècèk, Zhiklè ngaya, a mpe ta a ri a ka a ka, ka ngul ta, sèi ka phomde ta. Ka derzla ma a nda tengaʼa ɓai, da se ka te va ɓai!

Deutéronome 9:3

A patsna ka suna, Ndo nzi pèc pècèk, Zhiklè ngaya, a dè a ma ngaya a ri na, ara vogwa man a ndi skwai; nengaʼa a da zede ta, nengaʼa a da wushede ta hai, a ka da dzam ta, a ka gedas ta tsam tsam, ara man Ndo nzi pèc pècèk a mpasla ka ri a pa.

Josué 10:20

Aman Josué a ndohi Israel ta bazl ta klèng ma, njèkè ko staɗ ɓai, a ndohi man ta ngots civèɗ a ta mbel ta, ta hu ta a kokwarhi nʼngalaʼa,

Josué 10:28

A pats nasa, Josué a nduma kokwar Makkéda, a mbazl ta ndohai a bi ta tèlèba a tsakwal. A ngedassa ndohai a skwi man a shèffè te pa tèlèba, a njèka ndo a pa ɓai. A nʼnga na bi Makkéda lèmèlèmè ara man a ga na bi Jéricho.

Josué 10:30

A Ndo nzi pèc pècèk a mpe ta, a bi tengaʼa ba, a ri a ndohi Israel, a ta bazl ta a tsakwal, ndohi tèlèba man ta zhè te pa, a njèka ndo a pa ɓai. A nʼnga na bi Libna lèmèlèmè ara man a ga na bi Jéricho.

Josué 10:32

A Ndo nzi pèc pècèk a mva ta kokwar Lakis a ri a ndohi Israel, a ta dumaʼa, te mʼmèn makulaʼa. A ta bazl ta a tsakwal, ndohi tèlèba man ta zhè a pa, a njèka ndo a pa ɓai, lèmèlèmè ara man a gu te Libna.

Josué 10:35

A ta dumaʼa a pats nasa, a ta bazl ta a tsakwal. A ngedas ta ndohi tèlèba te pa, lèmèlèmè ara man a gu te Lakis.

Josué 10:37

A ta dumaʼa, a ta bazl ta a tsakwal, a bi nengaʼa ba, kokwarhi mbibihiaʼa tèlèba, a ndohi tèlèba te pa. A njèka ndo a pa ɓai, lèmèlèmè ara man a gu te Eglon. A ngedas ta ndohi a skwi man a shèffè te pa tèlèba.

Josué 11:13

Aman kokwarhi mbibihiaʼa tèlèba a gèɗ za, ndohi Israel ta fa ta vogwa ɓai. Sèi Hatsor, man Josué a nfa na vogwa.

Josué 11:15

A ngu arsa, ara man Ndo nzi pèc pècèk a gaɗa na Moise, ɓèl nengaʼa, a Moise a ngaɗa na Josué. Skwi man Ndo nzi pèc pècèk a ngaɗa na Moise, man a nga ɓi ba, azɓai.

Josué 13:6

ndohi za tèlèba, a hinè te Liban, ha ndè Misrephoth-Maim, ndohi Sidon tèlèba. Iyè, i da dzam ta aussa a ma ndohi Israel. Ka, kezla ta kokwar tengaʼa a ndohi Israel a ji-mèr a skwi nʼndi gai, ara man i njè ka ma a gèɗ.

Josué 21:44

Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

Josué 8:31

ara man Moise, ɓèl Ndo nzi pèc pècèk, a njè ta a gèɗ a ndohi Israel, ara man ta Windo te ɗèlèwèr ma kita Moise: sam mvi skwi a Zhiklè a kwa, mwal ɓai, man ta pasla ka ɓai. A ta ndara na skwi a Ndo nzi pèc pècèk a pa, a ta zlaha na skwi te nshid gèɗ.

Josué 8:8

Aman kin duma kokwar ma, va-fa na vogwa, va-gu ara man Ndo nzi pèc pècèk a goɗa. Na haha, iyè man i njè kinè ma haha a gèɗ.

Josué 9:24

A ta mbeɗa na ma a Josué: ɓèlèlihi ngaya ta tsenaʼa, ara man Ndo nzi pèc pècèk, Zhiklè ngaya, a njè na ma a gèɗ a Moise, ɓèl na: i da va kinè kokwar tèlèba; a ndohi kokwar tèlèba ta da bazl ta a ma kinè, ar na. A nga gi zlau nshèffè nga a sam kinè, a nga gokoɗ ar haha.