Josué 10:40 - Ma Zhiklè

⁴⁰ Aranta Josué a nduma kokwar tèlèba: za, Négeb, der za, nkulgodok, a bihi tengaʼa tèlèba. A njèka ndo a pa ɓai, ko staɗ, a ngedassa skwi man a shèffè tèlèba, ara man Ndo nzi pèc pècèk, Zhiklè Israel, a nje na ma a gèɗ.

Josué 10:40 ပူးပေါင်းရင်းမြစ်များ

I Rois 15:29

Aman a gi bi ma, a bazl ta ndohi gi Jéroboam tèlèba, a njèka ndo te verzi Jéroboam a nshèffè ɓai, ara man Ndo nzi pèc pècèk a goɗ te ma Achija, ɓèl nengaʼa, te Silo,

Néhémie 9:24

A wudahi to do a pa, a ta duma kokwar. Ka pe ta ndohi Canaan a ri a tengaʼa, a ta ge ta a ɓèlè; bihi tenga ba, a ndohi kokwar ba, a ta gi skwi a sam ta ara man ta woyaʼa.

Psaumes 9:17

Ndo nzi pèc pècèk a ngrédè va nengaʼa auda, a gi kita, a gshè ndo ambaɓiaʼa a gèɗ skwi man a gau.

Exode 34:12

Gu maya, ka da derzla ma a nda ndohi kokwar man ka dè a pa bi kla, man bai a da kalda ka a gadda.

Nombres 13:17

Aman Moise a nzlinde ta a ta zeɓkodi kokwar, a ngaɗa ta: Va-beza a civèɗ man a da a za haha,

Deutéronome 1:7

Va-ngalda ma kinè a civèd ngidè, va-slambaɗa a sam na haha, vo-do a za ndohi Amor, a sam nslamagihi ta tèlèba, a vara, te za, tʼhèshèkèɗ, te Négeb, a ma woyam mbiaʼa, a kokwar ndohi Canaan a Liban, ha ndè a ma woyam mbiaʼa, woyam Euphrate.

Deutéronome 2:34

a nga duma kokwar nengaʼa tèlèba, a nga gedassa kokwar staɗ staɗ tèlèba, a nga phomde ta, ngurhi, ngwozai, wudahi nkèshkèshèʼa, ko staɗ mʼmbel ɓai.

Deutéronome 7:24

A da pa kinè bihi a ri a kinè, a kin zeda ta nzlembaɗ ta a gèɗ herkeda. Ndo azɓai man a da Sala kin va a gèɗ, ha ka gedas ta.

Josué 10:35

A ta dumaʼa a pats nasa, a ta bazl ta a tsakwal. A ngedas ta ndohi tèlèba te pa, lèmèlèmè ara man a gu te Lakis.

Josué 10:37

A ta dumaʼa, a ta bazl ta a tsakwal, a bi nengaʼa ba, kokwarhi mbibihiaʼa tèlèba, a ndohi tèlèba te pa. A njèka ndo a pa ɓai, lèmèlèmè ara man a gu te Eglon. A ngedas ta ndohi a skwi man a shèffè te pa tèlèba.

Josué 10:39

A ta dumaʼa, a bi nengaʼa ba a kokwarhi mbibihiaʼa ba. Ta bazl ta a tsakwal, ta gedas ta ndohi tèlèba te pa. A njèka ndo a pa ɓai. A ngu a Débir a bi nengaʼa lèmèlèmè ara man a gu te Hébron, lèmèlèmè ara man a gu te Libna a bi nengaʼa.

Josué 11:16

Aranta Josué a nʼndeda herkeda a ma tèlèba: za, a Négeb tèlèba, kokwar Gosen tèlèba, a var, a hèshèkèɗ, a za Israel, a vara nengaʼa tèlèba.

Josué 12:8

te za, a der za, a vara, a nkulgodok, te hèshèkèɗ, te Négeb, kokwar ndohi Heth, Amor, Canaan, Phérez, Hévi Jébus.

Josué 18:21

Kokwarhi ndohi te verzi Benjamin, a ndohi gi ta, ta a haha: Jéricho, Beth-Hogla, Emek-Ketsits,

Josué 6:17

Ndo nzi pèc pècèk a mphomde kokwar a skwi tèlèba te pa. Skwi ngiɗè a jèkè a nshèffè azɓai, sèi Rahab, fali ngwoz, a ndohi man ta zhè te gi nengaʼa tèlèba, a géɗ man a ngheda ndohi sak man nga zlinde ta.

Josué 8:2

Ka da gi a Ai a bi nengaʼa, lèmèlèmè ara man ka gu a Jéricho a bi nengaʼa. Aman skwi tengaʼa, skwi kuɗom ta, va-hulo a kin kezla a va kinè! Pau nzliagai a tsagi kokwar, te civèɗ nkèl pats, a ta dzadzar ta te deɓa.

Josué 8:27

Sèi skwi kuɗom a kolongwi kokwar, ndohi Israel ta hulo, ara man Ndo nzi pèc pècèk a gaɗa na Josué.

Josué 9:24

A ta mbeɗa na ma a Josué: ɓèlèlihi ngaya ta tsenaʼa, ara man Ndo nzi pèc pècèk, Zhiklè ngaya, a njè na ma a gèɗ a Moise, ɓèl na: i da va kinè kokwar tèlèba; a ndohi kokwar tèlèba ta da bazl ta a ma kinè, ar na. A nga gi zlau nshèffè nga a sam kinè, a nga gokoɗ ar haha.