Josué 10:25 - Ma Zhiklè

²⁵ A Josué a ngaɗa ta: Kin gu zlau ɓai, kin gudzu ɓai! Va-gu slagama, va-nze taraʼa! Aman Ndo pèc pècèk a da ga ta mayamhi kinè tèlèba man ta gi var a kinè lèmèlèmè arsa.

Josué 10:25 ပူးပေါင်းရင်းမြစ်များ

Psaumes 63:9

Ndav ga a gshè va a ka, ri mandi ngaya a ngakay auda.

Psaumes 77:11

I gaɗa: Na haha skwi man a laydyè, a gèɗ man ri mandi Zhiklè te géɗèʼa a nʼngwod na.

Romans 8:37

Aman te skwi haha tèlèba nga gi a ngulaʼa, a fena ndohi nʼngul skwi tèlèba, te Yèsu man a woy nga a ndav na.

2 Corinthians 1:10

man a mbel nga te mʼmetsi mbiaʼa arsa, a di a mbel nga zaʼa. Nga huro, a di a pats ngiɗè ba, a da mbelka nga auda.

Ephésiens 6:10

Te deɓaʼa: Va-nzala va kinè te Bi Zhiklè, a wuɗi nʼnjèl na!

Deutéronome 7:19

skwi mbiaʼa man a nga ta matakwan a vna, skwi man a ngreda auda, a nrkedai, a ri man wuɗi na zhè, man a ngeda, man Ndo nzi pèc pècèk, Zhiklè kinè, a ncka kine auda a vna. Ndo nzi pèc pècèk, Zhiklè kinè, a da gi lèmèlèmè arsa a sam ndohi herkeda tèlèba man kin gi zlau ta.

Josué 1:6

Gsa ndav ngaya a ka nze taraʼa a ma ma; ka da kezli kokwar a ndohi haha a skwi nʼndi gai man i woy a i va ta, ara man i mbaɗa ta babhi tengaʼa.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 10:8

A Ndo nzi pèc pècèk a ngaɗa na Josué: Ka gu zlau tengaʼa ɓai! I va ta a ri a ka. Ko ndo staɗ a slaha a nsala va a sam ngaya ɓai.

I Samuel 17:37

David a ngaɗa: Ndo nzi pèc pècèk man a mbelyè te ri marizhèlè a kokoya, a da mbelyè te ri ndo Philistie haha ba. A Saul a ngaɗa na David: Do, Ndo nzi pèc pècèk da zhè a ka!