Josué 1:7 - Ma Zhiklè

⁷ Aman gsa ndav ngaya genè a ka nze taraʼa. Dzodzor ma kita man Moise, ɓèl ga, a mva ka, pèc pècèk! Ka beza zlawa ɓai, aman skwi tèlèba man ka giaʼa a ngi amba.

Josué 1:7 ပူးပေါင်းရင်းမြစ်များ

I Rois 2:2

I da metsi ga ara ndohi tʼherkeda tèlè mènè. Mana ndav ngaya ara nguraʼa!

I Rois 2:3

Gu mizlinè ngaya a nlèɓèslè a sam Ndo nzi pèc pècèk, Zhiklè ngaya! Do a civèɗ nengaʼa! Dzodzor ma nkwèrè, a ma kita, a ma malwuɗi, a ma nengaʼa man a de nga a vna, ara man ta zhè te ma kita Moise! A skwi mèmè man ka da giaʼa, a skwi mèmè man ka da hinèʼa, a dè amba amba.

II Rois 22:2

Josias a ngu skwi nzuraʼa sam di Ndo nzi pèc pècèk, a ndzodzor civèɗ David, bab na, tèlèba. A mbeza zlawa ɓai.

I Chroniques 22:13

Aman ka da jèjèr ma nkwèrè a ma kita man Ndo nzi pèc pècèk a njè na Moise, a géɗ Israel, skwi tèlèba a da gi amba a sam ngaya. Gu slagama, nze taraʼa, ka gu zlau ɓai, ka gudzu ɓai!

II Chroniques 15:7

Gar haha, kinè va-mana ndav kinè, ri kinè da ngots wuɗai, aman skwi ntul kinè a zhè.

II Chroniques 26:5

A ngu maya a nhos Zhiklè te va man Zacharie a zhè a nshèffè dai, ndo man maya na zhè, a sun skwi Zhiklè. Te va man Ozias a hèsh Ndo nzi pèc pècèk, a wèl va.

Job 1:8

A Ndo nzi pèc pècèk a ngaɗa na madzagai: Ka rka Job, ɓèl ga, ɗè? Ndo ngar nengaʼa tʼherkeda azɓai. Ndo man amba zuraʼa, a gi amba amba tèlèba, a gi zlau Bi Zhiklè, a woy skwi amaɓiaʼa ɓai.

Psaumes 80:19

Ciɗ nga, a nga woy a nga da tsi rai a nzlembaɗ ngaya, a nga da jèke ka te deɓaʼa asaɓai.

Proverbes 4:27

Ka beza zlawa ɓai; ce na sak ngaya auda a sam malai.

Proverbes 8:20

I dè a civèɗ ngi-zuraʼa, man a dè te ndev skwi nzuraʼa.

Daniel 10:19

A ngadayè: Ka gu zlau ɓai, Zhiklè a woy ka kumba; gumi dá zhè a nda ka! Nzala va ngaya! Aman a ngadayè, i ngots wuɗai, a i gada: Bi ga, goɗ ma ngaya, ka vay wuɗi ma!

Nombres 27:23

A Eléazar a mfa na ri a gèɗ, a njè na ma nengaʼa, ara man Ndo nzi pèc pècèk a goɗ te ma Moise.

Deutéronome 11:8

Gar haha sèi kin jèjèr ma nkwèr tèlèba man i njè kinè a gèɗ a patsna, a kin ngècè wuɗai, a kin ndikè a kokwar, a kin dumaʼa, a kin da kwèrèʼa;

Deutéronome 12:32

Ma tèlèba man i njè ka, dzodzora nlèbèslè, ka pa na va ɓai, ka helaha ɓai!

Deutéronome 28:14

ko te civèɗ ri gula, a sam ma nkwèr tèlèba man i va ka a patsna, a ka dè a verzi zhiklèhi ngidè azɓai, a ka tsi ri a tengaʼa azɓai.

Deutéronome 29:8

Nga duma kokwar ta, nga va ta a ri a ndohi Ruben, Gad, a rèta ndohi te verzi Manassé.

Deutéronome 29:9

Gar haha va-dzodzor ma nderzlè-ma haha, a kin da giaʼa, a skwi tèlèba man kin giaʼa a gi amba.

Deutéronome 31:7

Moise a mbaha na Josué, a ngaɗa na a sam di ndohi Israel tèlèba: Gsa ndav ngaya, nze taraʼa! Aman ka dè a nda ndohi haha a kokwar man Ndo nzi pèc pècèk a mbaɗa ta babhi ta, a da va ta. Ka, ka da va ta.

Deutéronome 4:2

Ma man i njè kinè, kin pu a vaʼa ɓai, kin helaha ɓai! Va-dzodzor ma nkwèr Ndo nzi pèc pècèk, Zhiklè kinè, man i njè kinè!

Deutéronome 5:32

Va-gu zuraʼa ara man Ndo nzi pèc pècèk, Zhiklè kinè, a njè kinè a gèɗ. Kin beza zlawa ɓai, ko a civèɗ ri mandai, ko a civèɗ ri gula.

Josué 1:1

Aman Moise, ɓèl Ndo nzi pèc pècèk, a mʼmets na ma, Ndo nzi pèc pècèk a ngaɗa na Josué, kra Nun, ndo ntakaha Moise:

Josué 1:8

Goɗ ma nte ɗèlèwèr kita ga haha pèc pècèk, a ka hérèʼa, a pats a vaɗ, aman ka gu skwi tèlèba ara man ta windeda pa. Te deɓaʼa ka ndikè a civèɗ ngaya amba, a skwi man ka giaʼa, a da gi amba.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 11:15

A ngu arsa, ara man Ndo nzi pèc pècèk a gaɗa na Moise, ɓèl nengaʼa, a Moise a ngaɗa na Josué. Skwi man Ndo nzi pèc pècèk a ngaɗa na Moise, man a nga ɓi ba, azɓai.

Josué 23:6

Aman va-gu slagama, va-dzodzor skwi tèlèba, va-gu tèlèba ara man mwindèa te ɗèlèwèr ma kita Moise, kin beza zlawa ka ɓai.