Josué 1:5 - Ma Zhiklè

⁵ Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 1:5 ပူးပေါင်းရင်းမြစ်များ

Genèse 39:2

A Ndo nzi pèc pècèk a zhè a sam Joseph; a skwi tèlèba man a gau, ngau amba, a slaha a nʼnzi a gi ndo Egypte, babgi na.

I Rois 1:37

Ara man Ndo nzi pèc pècèk a zhè a nda bi ga, da zhè a nda Salomon. Da gu sam nʼnzi bi nengaʼa mbiaʼa a fena man a bi David, bi ga.

I Rois 11:38

Aman ka da fi géɗ a skwi tèlèba man i ngreda ka, aman ka dè a civèɗ ga, a ka gi skwi zuraʼa a sam di ga, a ka jèjèr ma nkwèr ga a ma kita ga, ara man David, ɓèl ga, a gau, i da zhè a nda ka, i da tila ka gi ngaya gedeng-gedengaʼa, a verzi ngaya a dè a ma ma, ara man i tila na David, a i da va ka Israel.

I Rois 6:13

I da nzi a gi te ndev ndohi Israel, a i jèkeda Israel, ndohi ga, asaɓai.

I Rois 8:57

Ndo nzi pèc pècèk, Zhiklè nga, da zhè a nda nga, ara man a zhè a nda babhi nga te va nasa. Da jèk nga ɓai, da kwol nga ɓai,

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Jérémie 1:8

Ka gu zlau tenga ɓai, i zhè a nda ka, aman i da mbélde ka. Ndo nzi pèc pècèk a gaɗa.

Daniel 11:16

A ndo ngi var a vna, a da gi ara man ndav nengaʼa a woyaʼa, ndo a slaha a nzlècè a sam nengaʼa azɓai. A da nzi te kokwar nkezlaʼa, skwi ngedassaʼa te ri nengaʼa tèlèba.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Romans 8:37

Aman te skwi haha tèlèba nga gi a ngulaʼa, a fena ndohi nʼngul skwi tèlèba, te Yèsu man a woy nga a ndav na.

Deutéronome 20:1

Aman ka da gi var a nda ndohi mayamhi ngaya, a ka da rka plèshihi a kiki var a ndohi kumba a fena man a ngaya, ka da gu zlau ɓai! Aman Ndo nzi pèc pècèk, Zhiklè ngaya, man a cka ka auda te kokwar Egypte, a zhè a nda ka.

Deutéronome 20:4

Aman Ndo nzi pèc pècèk, Zhiklè kinè, a dè a nda kinè, a nda gi var a mayamhi kinè, aman a da mbél kinè.

Deutéronome 31:23

A Ndo nzi pèc pècèk a njè na ma a gèɗ a Josué, kra Nun, a ngaɗa: Gsa ndav ngaya, nze taraʼa, aman ka, ka de ta ndohi Israel a kokwar man i mbaɗa, i woy a i va ta. Iyè a ri ga i zhè a nda ka.

Deutéronome 4:31

te man Ndo nzi pèc pècèk, Zhiklè kinè, Zhiklè man ndo a sia te va, a da jèke kinè a pa azɓai, a da zede kinè azɓai, nderzlè-ma nengaʼa man a nderzlaʼa a nda babhi kinè a mʼmbèɗè, a pca na a gèɗ azɓai.

Deutéronome 7:24

A da pa kinè bihi a ri a kinè, a kin zeda ta nzlembaɗ ta a gèɗ herkeda. Ndo azɓai man a da Sala kin va a gèɗ, ha ka gedas ta.

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Josué 1:17

Lèmèlèmè ara man nga fu gèɗ a Moise, nga da fi gèɗ a ma ngaya. Aman sèi Ndo nzi pèc pècèk, Zhiklè ngaya, da zhè a nda ka, ara man a zhè a Moise te va nasa.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 10:8

A Ndo nzi pèc pècèk a ngaɗa na Josué: Ka gu zlau tengaʼa ɓai! I va ta a ri a ka. Ko ndo staɗ a slaha a nsala va a sam ngaya ɓai.

Josué 21:44

Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

Josué 3:7

Ndo nzi pèc pècèk a ngaɗa na Josué: A patsna i hiné a i nzal ka a sam di ndohi Israel tèlèba, a ta da suna, i zhè a nda ka, lèmèlèmè ara man i zhe a nda Moise te va nasa.

Josué 6:27

Aranta Ndo nzi pèc pècèk a zhè a nda Josué, a labar ma Josué a zlèzlèmè te kokwar tèlèba.

Juges 2:18

Aman Ndo nzi pèc pècèk a mpa ta ndohi kita, Ndo nzi pèc pècèk a ntakaha ndo kita, a pats nshèffè nengaʼa tèlèba, a mʼmbel ta auda te ri ndohi mayamhi ta, a géɗ man ta si Ndo nzi pèc pècèk te va, a géɗ wobau tengaʼa, a sam ndohi nʼnga ta matakwan, a sam ndohi mparaha ta.

Juges 6:16

Ndo nzi pèc pècèk a ngaɗa na: I da zhe a nda ka, a ka da bazl ta ndohi Madian tèlèba, ara man ka keɗa ndo stadgenè.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.