Josué 1:17 - Ma Zhiklè

¹⁷ Lèmèlèmè ara man nga fu gèɗ a Moise, nga da fi gèɗ a ma ngaya. Aman sèi Ndo nzi pèc pècèk, Zhiklè ngaya, da zhè a nda ka, ara man a zhè a Moise te va nasa.

Josué 1:17 ပူးပေါင်းရင်းမြစ်များ

II Samuel 14:17

I huro: Ma bai, bi ga, a da menday mèzhèɓ a ndav. Te man bi ga nara gol Zhiklè, a slaha a nwoya skwi man amba te va skwi ambaɓiaʼa. Ndo nzi pèc pècèk, Zhiklè ngaya, da zhè a sam ngaya!

I Rois 1:37

Ara man Ndo nzi pèc pècèk a zhè a nda bi ga, da zhè a nda Salomon. Da gu sam nʼnzi bi nengaʼa mbiaʼa a fena man a bi David, bi ga.

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Psaumes 20:1

Psaume David.

Psaumes 20:4

Da hur skwi man ka va na tèlèba, skwi man ka ndara na, da ambaha.

Psaumes 20:9

Tengaʼa ta hurv ta a ta kèlèhai. Nga, nga slambaɗa a nga zlatsa.

Nombres 27:18

A Ndo nzi pècè pècèk a ngaɗa na Moise: Co Josué, kra Nun, ndo man Mèzhèɓ Zhiklè te ndav na, a ka fa na ri a gèɗ.

Nombres 27:20

Ka ngela na nʼnjèl ngaya, aman mpi ndohi Israel ta da fi gèɗ a ma nengaʼa!

Matthew 21:9

Ndohi nhayaʼa to do a ma, ndohi nhayaʼa ta dzodzor te deɓa, a ta boho a wuɗai: Va-nzala kra David! Nga slébèrdè nengaʼa man a shkè haha, a nzlembaɗ Bi Zhiklè. Nʼnjèlè te zhiklè te géɗèʼa!

Deutéronome 34:9

A Josué, kra Nun, nʼndha a Mèzhèɓ Zhiklè a maya, a géɗ man Moise a mfa na ri a gèɗ. A ndohi Israel ta tsena ma nengaʼa, a ta gu ara man Ndo nzi pèc pècèk a njè na ma a gèɗ a Moise.

Josué 1:16

A ta mbeɗa na a ma Josué: Skwi tèlèba man ka njè nga, nga woy a nga giaʼa. Ko ahngwa ahngwa man ka zlinde nga a pa, nga dè.

Josué 1:18

Ko wawa man a Sala va a sam ma nkwèr ngaya, a fi gèɗ a ma ngaya a skwi tèlèba man ka njè nga a gèɗ azɓai, da mets na! Gsa ndav ngaya, a ka nze taraʼa!

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 4:14

A pats nasa, Ndo nzi pèc pècèk a nʼnzala Josué a sam di ndohi Israel tèlèba, a ta gi zlau nengaʼa a pats nshèffè nengaʼa tèlèba, ara man ta gu zlau Moise.

I Samuel 17:37

David a ngaɗa: Ndo nzi pèc pècèk man a mbelyè te ri marizhèlè a kokoya, a da mbelyè te ri ndo Philistie haha ba. A Saul a ngaɗa na David: Do, Ndo nzi pèc pècèk da zhè a ka!

I Samuel 20:13

Ndo nzi pèc pècèk da gay skwi ambaɓiaʼa: aman bab ga a da hér skwi ambaɓiaʼa a géɗ ngaya, i woy a i ngreda ka, a i va ka civèɗ a ka dè ngaya, aman skwa da ga ka ɓai. A Ndo nzi pèc pècèk da zhè a nda ka, ara man a zhè a nda bab ga te va nasa.