Jonas 2:9 - Ma Zhiklè

⁹ Tenga man ta gshè va a skwi mbèh skwi ambalai, ta jèkeda sam ta nlèaʼa.

Jonas 2:9 ပူးပေါင်းရင်းမြစ်များ

Genèse 35:3

Te deɓaʼa ngo-slomboɗokoya, a ngo-dokoya a Béthel! Te pa i da rèm sam mvi skwi a Zhiklè, a Zhiklè man a takahayè a pats man skwi mwuɗitpa a gayè, a zhè a sam ga a civèɗ man i beza a pa.

II Samuel 15:7

Te deɓaʼa, te deɓ mvi fad, Absalom a ngaɗa na bai: Vay civèɗ a i dè a kokwar Hebron, a i gi ara man i gaɗa na hi a Ndo nzi pèc pècèk.

Job 22:27

Ka da tsi ri a nengaʼa, a nengaʼa a cè ntsi ri ngaya, ka da gi ara ma ngaya man ka gaɗdahai.

Psaumes 107:22

Sèi ta zla na skwi aman ta shida na gèɗ a vna, a ta njè skwi man a gau auda a mwuffè.

Psaumes 27:1

Man a David. Ndo nzi pèc pècèk, skwi nhél sam askwi mbelyè. I gi zlau ngè? Ndo nzi pèc pècèk, wuɗi nshèffè ga. I gudzi te ri ngè?

Psaumes 3:8

Ndo nzi pèc pècèk, slambaɗa! Zhiklè ga, takahayè! Ka tsama ta bazlazlam a mayamhi ga tèlèba, a ka prosloma ta zlèʼèn auda te ma a ndohi ambaɓihiaʼa.

Psaumes 50:14

Skwi man Zhiklè a woy a ka va na: nshid gèɗ, a ka gi ara man ka gaɗa na hi a Zhiklè te géɗèʼa.

Psaumes 50:23

Ndo man a shid gèɗ a Bi Zhiklè, kala man a va na skwai, a slébèrdyè zuraʼa; a ndo man a ɓer civèɗ na, i da ngra na skwi mʼmbel ndo ga.

Psaumes 68:20

Ngo-shüdokoy gèɗ a Bai, Zhiklè, pèc pècèk! Zhiklè a takaha nga, a mbel nga.

Psaumes 95:2

Ngo-zlotsokoy a sam di nengaʼa a nshid gèɗ, ngo-nzolokoya a dimèsh nshid gèɗ!

Esaie 45:17

Ndo nzi pèc pècèk a mbel Israel, a mbelaʼa a mèdèp; kin ngècè hori a di azɓai a mèdèp.

Jérémie 33:11

ta da cinè ma mwuffè a dimèsh te pa dai, ma ntsima a ma medemai, daʼai man a gaɗa: Va-slubordo Ndo nzi pèc pècèk, Zhiklè bi mbiaʼa, aman nengaʼa amba, Ndo nzi pèc pècèk, aman pombi nengaʼa a nzi a mèdèp! Daʼai tengaʼa man ta slébèrdè Zhiklè te gi Ndo nzi pèc pècèk, te man i da helka ta ndohi ɓèlè a deɓa te kokwar, ara halaʼa, Ndo nzi pèc pècèk a gaɗa.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Jean 4:22

Kin tsi ri a skwi man kin sun ɓai. Aman nga, nga tsi ri a skwi man nga suna: skwi mʼmbel ndo a shkè te ndohi Juif.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Romans 12:1

Dalahimam ga, anai i bid kinè a géɗ man ndo a si Zhiklè te va: va-vau va kinè a skwi man kin va na Zhiklè, man nshèffè te pa, nkezlaʼa, ambaha Zhiklè. Nasa mizlinè Zhiklè nzuraʼa!

Deutéronome 23:18

Suli fali dam, Suli ndo mphomaʼa ka ckoɗa gi Ndo nzi pèc pècèk, Zhiklè ngaya, ɓai, a géɗ ma mèmè man ta gadda hai. Aman cèw ba skwi man a ndara na Ndo nzi pèc pècèk, Zhiklè ngaya.

Hébreux 13:15

Gar haha ngo-vokoy skwi nshid gèɗ a Zhiklè pèc pècèk; nasa ma nga, man a ngrédè nzlembaɗ nengaʼa.

Apocalypse 7:10

a ta boho tèlèba, a ta gaɗa: Skwi mʼmbel nga a shkè te ri Zhiklè nga, man a nza a géɗ sam nʼnzi bai, a shkè te ri kra tambak.

I Samuel 12:21

a kin dzodzor mʼmbèh skwi ambali asaɓai! A takaha kinè azɓai, a mbel kinè azɓai, a géɗ man skwa ambalai.