Jonas 1:5 - Ma Zhiklè

⁵ Ndohi wurom ta gu zlau a ta kuɗau; staɗ staɗ a sam zhiklè na. A ta wusheda kolongwi a va iyam, aman wurom a njèlè azɓai. Jonas a zhè te verzi wurom, a mʼmanatʼhai, a nzhuna tsektsekaʼa.

Jonas 1:5 ပူးပေါင်းရင်းမြစ်များ

I Rois 18:26

A ta co marai, a ta tilaʼa, a ta tsu ri a nzlembaɗ Baal, daga prèk, ha ndè a géɗ pats, a ta boho: Baal, mbeɗka nga a ma! – Aman tètèʼa, a mʼmbeɗka ta a ma ɓai. A ta gècè a ta tèuda sam mvi skwi man ta gau a pa.

Job 2:4

Madzagi a mʼmbeɓa na ma a Ndo nzi pèc pècèk: Ta pil ndo te di ndo. Ndo a vi skwi tèlèba man a ngotso a géɗ nshèffè na.

Psaumes 107:25

Nengaʼa a prè ndombozlor, a slambadda iyam,

Psaumes 148:8

vogwa a vandzal, a minmèn a ndodok a ndombozlor, man kin gi malwuɗi ma nengaʼa.

Ecclésiaste 3:6

Man tiɗè sam nhèsh skwi ma, ta hèshèʼa; man tiɗè sam nzhidè skwi ma, ta zhidèʼa. Man tiɗè sam mɓer skwi ma, ta ɓerèʼa; man tiɗè sam nkèldè skwi ma, ta kèldèʼa.

Esaie 45:20

Va-ɓica va, vo-washkè, kin tèlèba! Va-herdeka va, kin njèkèdia ndohi herkeda man kinè a zhè a nshèffè dai. Tengaʼa man ta shèwèlè a vri te rai, man ta tsi ri a zhiklè mbèh skwai man a mbel ta azɓai, ta sun maya ɓai.

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Jonas 1:14

A ta tsu ri a Ndo nzi pèc pècèk, a ta gaɗa: Wa Zhiklè, ka zede nga ɓai! Aman nga da kalda ndo haha a iyam, ka fa nga mali a gèɗ a ka gaɗa: ta keɗa ndo ɓai! Aman ka ngu ara man ka woyaʼa.

Jonas 1:16

a ndohi ta gu zlau Ndo nzi pèc pècèk a vata, a ta zla na skwi a Ndo nzi pèc pècèk a ta gaɗa na ma a hai.

Jonas 1:6

Bi wurom a mshkè a sam na, a ngaɗa na: Ka nzhun ar ka genè kè? Slambaɗa, tsu ri a zhiklè ngaya! Wa ngiɗè ba nga da si Zhiklè te va ɗè, a nga gedèshè azɓai.

Matthew 25:5

A ntsima a ngu ndudoh, a dalahi tèlèba ta zhingètè, a ta nzhun ta.

Matthew 26:43

Aman a mshkè a deɓa zaʼa, a nʼngats ta, ta nzhuna.

Matthew 26:45

Te deɓaʼa a mshkè a sam golahi nengaʼa, a ngaɗa ta: Antanta va-nzhun ma! Va-sok va! Na haha, tiɗè sama ma, a ta va na kra-ndo a ri a ndohi malihai.

Actes 27:38

Aman ta ngeza ma, ta co skwi man a njèl te wurom auda, a ta wusheda dau a va iyam mbiaʼa.

Juges 16:19

A nengaʼa a mva na gèɗ a gsa aman a nzhun na a pa, a mbaha ndo a nshèma na bojokwom gwots gèɗ na 7 auda. A wuɗi a nshkè na auda, wuɗi na asaɓai.

I Samuel 24:3

A Saul a nhul ndohi 3.000, ndohi nsal-salhiaʼa te Israel tèlèba, a mdo, a nda woy David a ndohi nengaʼa, te za ɓok dak te civèɗ mvèng pats.