Joel 3:7 - Ma Zhiklè

⁷ Na haha i da bahka ta a deɓa a sam man kin pre ta a pa, a i ngwoda kinè skwi man kin gu a haha a gèɗ.

Joel 3:7 ပူးပေါင်းရင်းမြစ်များ

Esther 7:10

A ta ktsalda a pa a wof man a tildahi a géɗ Mardochée. Te deɓaʼa ndav bai a mʼmanahai.

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 49:12

Na haha ndohi ngiɗè ta shkè dra, ndohi ngiɗè ta shkè te civèɗ man a géɗèʼa, te civèɗ dukwaɗ, ndohi ngiɗè te kokwar ndohi Sinim.

Esaie 66:6

Tsenaʼa! Mbèhè ngiɗè, nhè-zlèwè ngiɗè a cinè te kokwar! Mbèhè ngiɗè a cinè te gi Zhiklè! Daʼai Ndo nzi pèc pècèk, man a ga ta ndzoan a mayam-hi nengaʼa.

Jérémie 23:8

Aman ta gèɗè: Ndo nzi pèc pècèk a zhè a nshèffè, nengaʼa man a nhelka ta ndohi te verzi Israel auda te kokwar te man a géɗèʼa, te kokwar tèlèba man a dzam ta a pa, a ta da nzi a herkeda ta.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:16

Aman ta tèlèba, man ta nde ka ma, ndohi ngiɗè ta da nde ta ma. Mayamhi ngaya tèlèba, a vava ta tèlèba, ta da gi ɓèlè. Ndohi man ta gu metsar a sam ngaya, metsar a da helama ta skwi ta. Ndohi man ta derde ka, i gi a ndohi ngiɗè ta derɗe ta lèmèlèmè arsa.

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Jérémie 32:37

Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 38:8

Te deɓ nʼnzi a zhè i da baha ka, te deɓ mvi kumba ka dè a sam ndohi man ta mbel ta auda te ri tsakwal, man i ɓic ta te va ndohi herkeɗa kumba a deɓa a géɗ za Israel, man nʼnzi a zhè a nʼnza ara hèshèkèɗ. Ta shkè auda te va ndohi herkeda ma, a ta nzi amba amba.

Joel 3:4

Kinè ba, kin woy te ri ga mè, Tyr a Sidon a kinè ndohi kokwar Philistie tèlèba? Kin woy a kin pelay gèɗ ɗè, ɗè kin woy a kin gay skwi ambaɓiaʼa ɗè? I da ngwoda kinè skwi man kin woy a kin giaʼa a gèɗ tsam-tsam.

Zacharie 9:13

I mana lèkèɗ ga, nengaʼa Juda. I pi sulom a pa, nengaʼa Ephraim. I poko ta gèɗ auda a wudahi ngaya, Sion, a ta gi var a ndohi Javan, a i ge ka a tsakwal ngul ndo.

Matthew 7:2

Skwi man kin ga ta ndohi ngiɗè, ta da ga kinè lèmèlèmè; a skwi man kin livè a vna, ta da livè a kinè.

2 Thessalonians 1:6

Nengaʼa kita nzuraʼa a sam Zhiklè, aman a pela ta ndohi man ta ga kinè matakwan, a matakwan.

Jacques 2:13

Ndo man ndo a sia te va azɓai, kita ndo man ndo a sia te va azɓai a gshèʼa. Aman nsi ndo te va a fena kita.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.

Apocalypse 19:2

Aman kita nengaʼa amba zuraʼa, aman a ga na kita a gèɗ a ngwoz mphömè mbiaʼa, man a gedassa herkeda a mphömè nengaʼa, a pil ɓèlèlihi nengaʼa man a bazlaʼa, a ri na.

Juges 1:7

Adoni-Bézek a ngaɗa: Bihi 70 man i ngelama ta babgi-rai a babgi-sak, ta ndau boborɗi skwi tʼhwaɗ table ga. Zhiklè a pela di man i gau. Ta da a kokwar Jérusalem, a mʼmets na te pa.

I Samuel 15:33

Samuel a ngaɗa: Ara man tsakwal ngaya a mbazl ta wud ndohai, sèi ta keɗa kra man mam ngaya a nyokoɗi ba, lèmèlèmè ara man a ngwozi ngiɗè. A Samuel a nkeɗa Agag a sam di Ndo nzi pèc pècèk te Guilgal, a nratsaʼa.