Joel 2:3 - Ma Zhiklè

³ A ma tengaʼa vogwa a hèrè a pa. Te verzi tengaʼa, vogwa a gskaɗa pa. A ma tengaʼa sam mbelaʼa ara gi lak Eden; te deɓ tengaʼa tazli hèshèkèɗ. Ndo ngiɗè ko staɗ njèka ɓai.

Joel 2:3 ပူးပေါင်းရင်းမြစ်များ

Genèse 13:10

A Lot a nʼngul dai, a nrka, dak a ma woyam Jourdain, iyam te pa kumba – ga Ndo nzi pèc pècèk a gedassa Sodome a Gomorrhe — nara gi lak Ndo nzi pèc pècèk, nara kokwar Egypte, ha ndè a Tsoar.

Genèse 2:8

Te deɓaʼa Ndo nzi pèc pècèk Zhiklè a ngu gi lak te Eden, te civèɗ mvèng pats, a mfeda ndo man a gu a pa.

Psaumes 50:3

Zhiklè nga a shkè, a nzi tètè azɓai, vogwa man a ndi skwai a dè a ma nengaʼa, ndombozlor a beza a tsagi nengaʼa.

Psaumes 97:3

Vogwa a dè a ma na, a ndeda mayamhi a tsagi nengaʼa a ma.

Exode 10:15

A ta tutpa a géɗ herkeda, herkeda a rkè azɓai. A ta ndeda skwi a géɗ herkeda, ko nyi wof a ma tèlèba, skwi tèlèba man vandzal a jèkaha. Te kokwar tèlèba, skwi mɓayaʼa te wof, te dak, azɓai.

Exode 10:5

Ta da zede gèɗ herkeda, a ka slaha ka rka herkeda ɓai, a njèkèdi skwi man vandzal a njèkaha, dzarai a da ndevda, ta ndi vah wof te dak, a ta nzi kurayaʼa.

Esaie 14:17

Man a nʼngwoda sam herkeda a hèshèkèɗ, a ngedassa kokwar mbiaʼa, man a pra ta ndohi dangai azɓi ɗè?

Esaie 15:6

Thai Nimrim ta jèke-da, kuza ngwora, lak nhus na aussa, skwi mɓayaʼa asaɓai.

Esaie 33:4

Ta ndeda skwi ta a ma ara ntandla, a ta gi gazawa a géɗèʼa ara dzarai.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 9:18

A gèɗ ndzoan Ndo nzi pèc pècèk, vogwa a nʼndeda kokwar a ma, a vogwa a ndi ndohi tèlèba. Ndo ngiɗè azɓai man a nhur a woya a ntakaha kra-mam na.

Esaie 9:19

Ta gi metsar tʼuna, mi a keɗ ta genè. Ta ndi skwi tʼuna, a ngeza ta ɓi genè. Ndo staɗ staɗ tèlèba ta ndi va ta a ma a dai.

Jérémie 5:17

Ta da ndi skwi man ka ɓicaʼa, movar ngaya; ta da ndev ta wudahi a dalahi ngaya; ta da ndi tambakihi a zlèhi ngaya, a wof barassa a wof kslor ngaya; ta da gedassa kokwar ngaya nʼngala te pa a tsakwal, kokwar man ka gso va a vna.

Ezéchiel 36:35

A ndohi ta da gaɗa: Kokwar haha man ngedassa, a nda lèmèlèmè ara gi lak Eden. A kokwar man a nde na dikai, man ta gedassaʼa, a ta mbeɗdahai, ani ndo te pa, nʼngala te pa.

Amos 7:4

Bi Zhiklè Ndo nzi pèc pècèk a ngrayè: Na haha Bi Zhiklè Ndo nzi pèc pècèk a nzlündo vogwa a ngi kita a vna. A vogwa a nʼndara herkeda, kala vèvèɗ, te deɓaʼa a nʼndeda gi dau a ma.

Habakuk 1:6

Na haha, i da baha ta ndohi Chaldée, ndohi mwuɗitpa, ndohi shèwa, man ta hi a verzi herkeda, a ta duma gihi man a tenga ka ɓai.

Zacharie 7:14

A i ksar ta te ndev ndohi herkeda man ta sun ɓai, a herkeda a nʼnde na hèshèkèɗ te deɓ tengaʼa, ndo a shèwèlè te pa azɓai. Ta ngwoda herkeda mbelaʼa aranta a hèshèkèɗ.