Joel 2:26 - Ma Zhiklè

²⁶ Kin ngézhè va a skwi nʼndai, a kin da slébèrdè nzlembaɗ Ndo nzi pèc pècèk, Zhiklè kinè, man a ngu nrkedi a sam kinè.

Joel 2:26 ပူးပေါင်းရင်းမြစ်များ

Genèse 33:11

Co skwi man i ga ka mbali a vna! Bi Zhiklè a mvayè te pombai, a skwi a zhè a vata. A ntetika na a gèɗ, ha a mco.

Néhémie 9:25

Ta duma kokwar mbiaʼa nʼngalaʼa, a herkeda mbelaʼa nduzoʼa. Ta duma gi a kolongwi te pa kumba, thal nraʼa klèng, gi lak, wof tsna, wof man a yiè kumba. Ta ndau skwai, ta ngeza, ta gra, ta wèl va, a ta wuffè a skwi ngaya man ka va ta kumba.

Psaumes 103:5

Nengaʼa a walde ka te nshèffè ngaya tèlèba, a mende ka auda gola ara vezai.

Psaumes 116:7

Menkada deɓa, ndav ga, a ka sok va, aman Ndo nzi pèc pècèk a nʼnga ka skwi man amba.

Psaumes 13:6

Aman iyè, i gshè va a pombi ngaya. Ndav ga a wuffè a géɗ man ka mbelyè. I woy a i sla na dimèsh a Ndo nzi pèc pècèk, te man a ngay skwi man amba.

Psaumes 22:26

I woya man a i slébèrdè ka te ndev ndohi Zhiklè mɓicaʼa a vata. I woya man a i gi ara ma ga man i gaɗda hai a sam di tengaʼa man ta slébèrdèʼa a zlau.

Psaumes 37:19

A pats man mwuɗitpa, ta kèlèhi azɓai. A pats man mi a gai, skwi nʼndi a da ngeza ta genè.

Psaumes 67:5

Kokwar bihai sèi ta wuffè a ta gi ngolala, a géɗ man ka ga ta kita a ndohi herkeda zuraʼa, a ka lè ta kokwar bihai a ma a civèɗ.

Psaumes 72:18

Ngo-slubordokoy Ndo nzi pèc pècèk, Bi Zhiklè, Zhiklè Israel, man a gi nrkedai, nengaʼa staɗgenè.

Proverbes 13:25

Ndo nzuraʼa a ndi skwai, ha a ngeza na; hwaɗ ndohi ambaɓihiaʼa tèslè a deɓa.

Cantique des Cantiques 5:1

Demam ga, nshib ga, i shkè a gi lak ga; i ngèl mwurzhè man a zhkè, a i pèr vahaʼa man a zhkè, a i ndu vongwom ga a ɗazliaʼa, a i su zom a wa. Kinè mandalahi ga, va-ndau, va-sau, ha a ngeza kinè te mwoy dam.

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 29:22

Gar haha Ndo nzi pèc pècèk, Zhiklè ndohi Jacob, man a nsumko Abraham a deɓa, a gaɗa: Te deɓaʼa Jacob a da ngècè hori a di azɓai, a ngwodama na di kuftor-hoʼa azɓai.

Esaie 45:17

Ndo nzi pèc pècèk a mbel Israel, a mbelaʼa a mèdèp; kin ngècè hori a di azɓai a mèdèp.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 54:4

Ka gu zlau ɓai, ka da ngècè hori a di azɓai; ka hur gèɗ ɓai, ka da gi hori azɓai. Hori ngaya man ka bidalai, a da pca ka a gèɗ. Matakwan ngaya man ka ngwoz mazai ka da hérè azɓai.

Esaie 55:2

Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Lèv. 25:19

a herkeda a yi skwai, a skwi nʼndi dèʼa kinè, kin nza genè.

Lèv. 26:26

Aman i cèma kinè movar kinè auda te ma, ngwozi kula ta ti skwi a rèwèc staɗ, a ta kezla kinè te deɓaʼa, a slra a ngeza kinè ɓai.

Lèv. 26:5

Te deɓaʼa kin ɓicè dau, ha kin pèr nyi wof, a kin pèr nyi wof, ha kin zleki skwi zaʼa. A skwi nʼndi kinè a da ngeza kinè, a kin nza bar-ɓararaʼa te kokwar kinè.

Michée 6:14

Ka ndi skwai, a ngeza ka a hwaɗ azɓai, mi a keɗ ka genè. Ka da feda skwi a hai, ka slaha ka nghédè azɓai. Skwi man ka mbeldaha, i da heldama te var.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Zacharie 9:15

Zhiklè bi mbiaʼa a da ɓer ta, a ta da fen ta, a ta mbatsaha kwa man ta pi a vangava. Ta da si pombaz tengaʼa ara barassa, a ta zlama ta daʼai a ta bazl ta, ara man ta keɗa zluèɗ a sam mvi skwi a Zhiklè.

Zacharie 9:17

Mwuffè a zhè, a gi amba! Dau a zom a zhè a pa. Golahi a dalahi ta ara kwahi mbelaʼa man ta si dai.

Romans 10:11

Ndo man a cè a ndav na, a ngècè hori a di azɓai.

Romans 5:5

Nzhèrè te ndav a pa nga hori a di azɓai, te man mwoy-ndo Zhiklè a zhè te ndav nga te Mèzhèɓ nengaʼa nkezlaʼa man a mva nga.

Romans 9:33

ara man ɗèlèwèr Zhiklè a gaɗa: Na haha, i geda kwa ntse sak ndo te Sion, a za man a slafaɗama ta sak. Ko wawa man a cè a ndav na, a ngècè hori a di azɓai.

Deutéronome 11:15

A i va na mandi a skwihi kinè te dak. Kin da ndi skwai, a kin ngézhè hwaɗ a vna.

Deutéronome 12:12

a kin wuffè a sam Ndo nzi pèc pècèk, Zhiklè kinè, kinè a wudahi a dalahi kinè, a ɓèlèlihi kinè, ko ngurhi ko ngwozi, a ndo Lévi man a zhè a samaʼa, a géɗ man nengaʼa a ngatsa skwi nʼndi gi a sam kinè ɓai; skwi nʼndi gi nengaʼa azɓai.

Deutéronome 12:18

Sèi ndau a sam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda; ka a kra ngaya, a dem ngaya, ɓèl ngaya, ko nguraʼa ko ngwoz, ko ndo Lévi man a zhè a samaʼa, a kin wuffè a sam Ndo nzi pèc pècèk, Zhiklè ngaya, a géɗ skwi ri ngaya.

Deutéronome 12:7

A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

Deutéronome 8:10

Aman hwaɗ ngaya a nda ngeza ma, sèi ka shid gèɗ a Ndo nzi pèc pècèk, Zhiklè ngaya, te kokwar mbelaʼa man a mva ka.

1 Timothy 6:17

Ngreda ta ndohi mèshèlè, man ta zhè tʼherkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba.

1 John 2:28

Anai wudahi ga, va-nza te Yèsu; aman a di a gudko va a dai, nga wuffè a nga ngècè hori a di a sam nengaʼa azɓai.