Joel 2:17 - Ma Zhiklè

¹⁷ Ndohi mvi skwi a Zhiklè sèi ta kuɗi te ndev mozodo, a sam mvi skwi a Zhiklè. Ndohi mizlinè Ndo nzi pèc pècèk ta gaɗa: Ndo nzi pèc pècèk, ka ga ta matakwan a ndohi ngaya holholaʼa ɓai, ka gedas ta ndohi nʼndi gi ngaya ɓai, man ɓai ndohi herkeda ta ngwossaha ta. Ndohi herkeda da goɗa: kos Zhiklè tengaʼa tema, èhèmè?

Joel 2:17 ပူးပေါင်းရင်းမြစ်များ

I Rois 6:3

Hwaɗ gala gi Zhiklè, ngur nengaʼa a tsi ri 20, ara nguzloh gai. Nguzlohaʼa a tsi ri 10, a dalmagiaʼa.

I Rois 9:7

i da zedko Israel auda te kokwar man i va ta, a i kwola gi haha man i baha na a nzlembaɗ ga. A ndohi ngiɗè a géɗ herkeda ta livèʼa, a ta ngwossaha ta ndohi Israel.

II Chroniques 7:20

i da zede kinè auda te kokwar ga man i va kinè, a gi haha man i baha na a nzlembaɗ ga, i kwolaʼa, a ndohi herkeda tèlèba ta livèʼa a ta ngala na gèɗ.

II Chroniques 8:12

Te ndev nasa Salomon a nʼndara na skwi a Ndo nzi pèc pècèk, a géɗ sam mvi skwi a Zhiklè, man a rom a ma gala gai;

Néhémie 9:36

Gar haha nga a patsna, nga ɓèlèlihai te kokwar man ka va ta babhi nga a ta ndi skwi te pa. Nga a kokwar nga, nga te ɓèlè.

Psaumes 115:2

Ndohi nte deɓa da goɗ: kos Zhiklè tengaʼa tema, ɓai!

Psaumes 42:10

I gaɗa na Zhiklè, sam ga ngedeng-gedengaʼa: I pca ka a gèɗ èhèmè? I dè a i lèyè, mayam ga a parahayè èhèmè?

Psaumes 42:11

Ngwoshè ndohi man ta parahayè a dzahay te nguzgoz ga, te man ta gaɗayè pèc pècèk: Ani Zhiklè ngaya tema?

Psaumes 42:3

Mpataka Bi Zhiklè, Zhiklè man a zhè a nshèffè, a keɗyè te ndav ara mi iyam. I dè a i zlècè a sam di Zhiklè a ngèmè?

Psaumes 42:4

I nèkèɗè kuɗa ga a hwaɗ ara skwi nʼndai, a pats a vaɗ, aman pèc pècèk ta gaɗayè: Kos Zhiklè ngaya tema?

Psaumes 74:10

Bi Zhiklè, ndo shèwa ngaya a da jèkè nlivè nga a ngèmè? Ndo mayam da durdo nzlembaɗ ngaya a mèdèp dè?

Psaumes 79:10

Zhiklè tengaʼa tema?—ndohi herkeda da goɗ; arsa èhèmè? Ngra ta ndohi herkeda skwi mpil gèɗ pombaz ɓèlèlihi ngaya, a sam di nga.

Psaumes 79:4

Ndohi a tsagi nga ta derd nga, ta liv nga, ta ngwossaha nga, ta tèlèba man nslamagihi nga.

Psaumes 89:41

Ka mbeɗa zlazlar nengaʼa; gi ngurè ba ka ndedaussa.

Psaumes 89:51

Bai, Zhiklè, hur hori ɓèl ngaya, ngwoshè ndohi herkeda man a dzay te ndav,

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Esaie 37:20

Anai, Ndo nzi pèc pècèk, Zhiklè nga, mbel nga te ri nengaʼa; a kokwar-bihi a géɗ herkeda tèlèba ta shinèʼa, ka staɗgenè Ndo nzi pèc pècèk, man ka Zhiklè.

Ezéchiel 20:9

Aman a géɗ nzlembaɗ ga i ga ndzoan a vata bai; ndohi nte deɓa da durɗo nzlembaɗ ga bai, te ndev tengaʼa man ta zhè, a sam di tengaʼa man i gudoko ta va a dai, aman i helka ta auda te kokwar Egypte.

Ezéchiel 8:16

A ndyè a gi nʼngalaʼa tʼhwaɗaʼa te gi Zhiklè. Na haha a ntamagi gi Zhiklè, te ndev gala a sam mvi skwi a Zhiklè, ndohi ta zhè, ta gi 25 ma ba, ta ngwoda na deɓa a gi Zhiklè. Ta gurɓahai a ta tsi ri a pats, ta peda di a civèɗ mvèng pats.

Osée 14:2

Va-nju ma mali kinè, va-menkaɗa a deɓa a sam Ndo nzi pèc pècèk, va-gaɗa na: Pra mali nga tèlèba, a nga ngècè pombai, a nga slébèrde ka a ma, te di man a marai.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Joel 1:9

Te gi Zhiklè ta va na movar a skwi nsi a Zhiklè azɓai, ta jèkeda. Ndohi mvi skwi a Ndo nzi pèc pècèk, man ta gi mizlinè Ndo nzi pèc pècèk, ta kuɗai.

Amos 7:2

Aman ta ndeda skwi nɗaʼa a ma, i gaɗa: Zhiklè, pra ta malai!

Amos 7:5

A i gaɗa: Bi Zhiklè Ndo nzi pèc pècèk, jèkeda! Jacob a da gi kè? Nkèshèa genè!

Michée 7:10

Mayam ga da rkaʼa, da ngots hori a dai, nengaʼa man a gaɗayè: Ndo nzi pèc pècèk, Zhiklè ngaya, tema? Di ga a da wuffè a géɗ nengaʼa, man ta mbatsaha a sak ara koskosi a civèɗ.

Mal. 1:9

Aman vo-ɗöl te pa, kinè man kin va na skwi a Zhiklè arsa; ndav nengaʼa a mènèhai a kin sia te va-ɗè? Kin gau aranta a ri kinè; a slaha a fi ndo staɗ te ndev kinè a ndo na zura ɗè?

Nombres 25:6

A na haha, ndo Israel ngiɗè a mshkè, a nco ngwoz Madian, a nckoɗa a sam kramamhi na, a sam di Moise, a sam di mpi ndohi Israel tèlèba, te ndev man ndohai ta gi wobau a ma gi Zhiklè.

Matthew 23:35

Pombaz ndohi nzuraʼa tèlèba na gèɗ kinè, a hinè a sam Pombaz Abel, ndo nzuraʼa, ha ndè a Pombaz Zacharie, kra Barachie, man kin keɗaʼa a ma gi Zhiklè, a sam mvi skwi a Zhiklè.

Matthew 27:43

Nengaʼa a pi ndav a Bi Zhiklè, Bi Zhiklè da mbelaʼa antanta, man a woyaʼa. Aman a ngaɗa: I kra Zhiklè, ar na.

Deutéronome 28:37

Ndohi herkeda tèlèba man Ndo nzi pèc pècèk a de ka a sam ta ta da rzl ta a géɗ ngaya, ta ngwossaha ka, ta paraha ka.

Deutéronome 32:27

aman i woya ɓai, man ɓai ndohi mayamhi ta tsi wagèsh a ta hur a ta gaɗa: nga gu a wuɗi nga, Ndo nzi pèc pècèk a ngu ka ɓai.

Josué 7:9

Ndohi Canaan a ndohi kokwar tèlèba ta da tsenaʼa, ta da tèuda nga a pa, a ta zeda nzlembaɗ nga tʼherkeda. A ka da gi nzlembaɗ ngaya mbiaʼa a mè?