Joel 2:14 - Ma Zhiklè

¹⁴ Nsun wa? Wa ngiɗè ba a hèrè te deɓaʼa, a jekeda ngi ndzoan, a pshè kinè ma a movar a skwi nsai man a Ndo nzi pèc pècèk, Zhiklè kinè.

Joel 2:14 ပူးပေါင်းရင်းမြစ်များ

II Samuel 12:22

David a mʼmbeɗa ta a ma: Aman kra a zhè a nshèffè dai, i jèkeda skwi nʼndai, i kuɗai, a i huro: Wa ngiɗè ba i si Ndo nzi pèc pècèk te va, a kra a da nzi a nshèffè.

II Samuel 16:12

Gar Ndo nzi pèc pècèk a da rka nlèyè ga, a da vay pombai a géɗ man a nderdyè a patsna.

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

Exode 32:30

Te mangoslèmaʼa a prèk, Moise a ngaɗa ta ndohai: Kin gu mali mbiaʼa. Anai i woya man i dè a géɗ za a sam Ndo nzi pèc pècèk, a i rka, aman i slaha a i pil mali kinè.

Esaie 65:8

Ndo nzi pèc pècèk a goɗ ar haha: Aman ta ngècè nyi barassa iyamaʼa, a ta gaɗa: Ka gedassa ɓai, skwi mbelaʼa te pa! I woya a i gi lèmèlèmè a géɗ ɓèlèlihi ga, a i da gedassa tèlè ɓai.

Jérémie 18:8

Aman i goɗ ma ambaɓiaʼa a géɗ ndohi sa, te deɓaʼa ta ngwode ndav ta, i jèkeda, i ga ta ɓai.

Jérémie 26:13

Anai, va-tila civèɗ kinè, a skwi man kin giaʼa. Va-tsena ma Ndo nzi pèc pècèk, Zhiklè kinè. Te deɓaʼa ndav Ndo nzi pèc pècèk a da mènèhai, a gi skwi ambaɓiaʼa man a hodko ma a géɗ kinè azɓai.

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Joel 1:16

Skwi nʼndai nde na auda a sam di nga, a mwuffe a dimèsh kala auda te gi Zhiklè nga.

Joel 1:9

Te gi Zhiklè ta va na movar a skwi nsi a Zhiklè azɓai, ta jèkeda. Ndohi mvi skwi a Ndo nzi pèc pècèk, man ta gi mizlinè Ndo nzi pèc pècèk, ta kuɗai.

Amos 5:15

Va-gu shèwa a skwi man ambaɓai, va-woy skwi man amba, va-gu kita nzuraʼa a ntamagi kokwar, wa ngiɗè ba Ndo nzi pèc pècèk, Zhiklè bi mbiaʼa, a da va ta pombai a njèkèdi ndohi te gi Joseph.

Jonas 1:6

Bi wurom a mshkè a sam na, a ngaɗa na: Ka nzhun ar ka genè kè? Slambaɗa, tsu ri a zhiklè ngaya! Wa ngiɗè ba nga da si Zhiklè te va ɗè, a nga gedèshè azɓai.

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Aggée 2:19

Tser dau a zhè te wov ɗè? Gi lak, wof kslor, wof ngurɗyök, wof tsna, ta yi skwi ɗè? Aman a hinè a patsna, i da pshè ta ma.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Josué 14:12

Anai, vay za haha, man Ndo nzi pèc pècèk a goɗ a géɗ nengaʼa a patsaki sa, a géɗ man ka tsenaʼa, a pats sa, ndohi Anakim ta zhè a pa, a kokwarhi mbibihiaʼa, a zlazlar heɗawaʼa. Wa ngiɗè ba Ndo nzi pèc pècèk a takahayè, a i da dzam ta, ara man a goɗa.

I Samuel 6:5

A géɗ nengaʼa va-gau skwi nlèmdè a mblè kinè, a skwi nlèmdè a koʼom kinè, man ta gedassa kokwar. Va-nzala Zhiklè Israel; gar a da cè kinè kita nengaʼa mwuɗitpa auda a gèɗ, a géɗ zhiklèhi kinè, a géɗ kokwar kinè.