Joel 2:13 - Ma Zhiklè

¹³ Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Joel 2:13 ပူးပေါင်းရင်းမြစ်များ

Genèse 37:29

Aman Ruben a mshkè a deɓa a sam vèvèɗ iyam, a nʼngatsa Joseph te pa bai. A nkuratseda maslaka nengaʼa aussa a va.

Genèse 37:34

A Jacob a nkuratsa maslaka nengaʼa, a nkalda maslaka sam kuɗa a va, a nkuɗi kra na nʼnzi a zhè.

II Samuel 1:11

David a ngso maslaka a va na, a nkuratsedaussa, a ndohi a sam nengaʼa tèlèba ta gu arsa.

I Rois 21:27

Aman Achab a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a njèkeda skwi nʼndai. A vaɗ a mʼmanahi a maslaka sam kuɗa a va, a pats a shèwèlè a gèɗ a ndav.

II Rois 22:11

Aman bai a ntsena ma te ɗèlèwèr ma kita, a nkuratseda maslaka nengaʼa aussa.

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

II Rois 5:7

Aman bi Israel a njongo ɗèlèwèr ma, a nkuratseda maslaka nengaʼa aussa, a ngaɗa: I Zhiklè dè, man a i gu keɗa ndo, a i va na nshèffè a ndo — aman a i suɗa na hutsoɗ auda a va ndo haha? Va-rkaʼa, ndo haha a woy ma ga!

II Rois 6:30

Aman bai a ntsena ma ngwoz haha, a nkuratseda maslaka nengaʼa aussa, a shèwèlè a géɗ zlazlar kokwar, maslaka ngiɗè az a va ɓai, sèi maslaka sam kuɗa a va.

II Chroniques 6:27

ka da tsenaʼa te zhiklè te géɗèʼa, a ka pra ta malai a ɓèlèlihi ngaya, ndohi Israel, ndohi ngaya, a ka ngra ta civèɗ nzuraʼa man ta jèjèrèʼa, a ka zlündoko ta iyam a herkeda, a herkeda man ka va ta ndohi ngaya a skwi nʼndi gi ta.

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Job 1:20

Te deɓaʼa Job a nslambaɗa, a nkuratseda maslaka nengaʼa aussa, a nsha gèɗ, a nkalda va na a hi a herkeda, a ntsu rai, a ngaɗa:

Psaumes 103:8

Ndo nzi pèc pècèk, man ndohi ta sia te va, man a woy ndo, a gi ndav tsam-tsam azɓai, pombi nengaʼa a ndev ɓai.

Psaumes 106:45

a nhur nderzlè-ma nengaʼa man a mbel ta a vna, a nʼngwoda gèɗ na te pombi nengaʼa mbiaʼa.

Psaumes 34:18

Aman ta bèhè, Ndo nzi pèc pècèk a tsenaʼa, a mbel ta te ri skwi tengaʼa mwuɗitpa tèlèba.

Psaumes 51:17

Bai, Zhiklè, winè tapiɗaf ma ga, a i njè ma nʼnjèl ngaya a ndohai.

Psaumes 86:15

Aman ka, Bai, Zhiklè man ndo a se ka te va, man ka vi pombai. Ka gi ndav tsam-tsam azɓai, ka woy ndo a ndav.

Psaumes 86:5

Bai, ndav ngaya amba, mprè malai ambaha ka, ndohi tèlèba man ta tsi ri a ka, ta se ka te va kumba.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 58:5

Njèkè skwi nʼndi aranta ambahay ɗè? Pats man ndo a ga na va na; a kalda gèɗ a ndav ara mwurzhè mɓutoʼa, a mana a va mèrwèc a maslaka sam kuɗa a va; nasa njèkè skwi nʼndi ɗè? Pats man ambaha Ndo nzi pèc pècèk ɗè?

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 41:5

ndohi Sichem, Silo a ndohi Samarie, ta gi 80, bozozom nshaʼa, ta shkè, maslaka nkuratsa, mblè a va, movar a ɓurdi te rai, man ta woy a ta hulkoɗi a gi Zhiklè.

Jérémie 42:10

Aman a vava, kin da nzi te kokwar haha, i da til kinè, i da gedas kinè azɓai. I da nge kinè a pa, i dzam kinè azɓai. Aman skwi ambaɓiaʼa tèlèba man i ga kinè, i da gia asaɓai.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Nahum 1:3

Ndo nzi pèc pècèk a gi ndav tsam tsam azɓai, a woy ndo kumba; aman a gi ndzoan a géɗ malai. A dè te ndev lokotor a ndombozlor, vanai nara lokotor man sam sak nengaʼa a nslambaɗda.

Nombres 14:18

Ndo nzi pèc pècèk a zhèr skwi a ma ma, ndo a sia te va kumba, a prè mali a mphöme a ndohai, aman a pra ta ambali ka bai, sèi a gi kita a sam wudahai a géɗ mali bab ta, te verzi bab ta, te mamakaraʼa, te mafaɗaʼa.

Romans 2:4

Pombi nengaʼa mbiaʼa, nzhèr skwi nengaʼa dai, a ndav nengaʼa man a slèmbèɗè tsam tsam azɓai, ka kwola ka ɓi ɗè? Ka sun ɓi ɗè, pombi Zhiklè a zhèr ka, aman ka da ngwèdè ndav.

Ephésiens 2:4

Aman Zhiklè, man ndo a sia te va kumba, a géɗ mwoy-ndo nengaʼa mbiaʼa, man a woy nga a vna,

1 Timothy 4:8

Sundo zlau Zhiklè a ri ngaya! Mwu-shè va a takaha ka kètè genè; aman zlau Zhiklè a takaha ka te skwi tèlèba. Zlau Zhiklè a mpasla nga ri a nshèffe tʼherkeda antanta, a nshèffè man a di a shkè.