Joel 2:12 - Ma Zhiklè

¹² Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Joel 2:12 ပူးပေါင်းရင်းမြစ်များ

II Samuel 24:10

Te deɓ nengaʼa, mèzhèɓ ndav a nʼngra na David: i gau ambaɓai, a géɗ man i nger ta ndohai. A ngaɗa na Ndo nzi pèc pècèk: I gau malai te skwi man i gau. Anai, Ndo nzi pèc pècèk, pray malai. I gau ara ndo nrzlaʼa.

II Chroniques 30:6

Ndohi sak to do, a ɗèlèwèr bai a tsuvomhi nengaʼa, a kokwar Israel a Juda tèlèba, a ta menda ta ma bai: Ndohi Israel, va-menkaɗa a deɓa a sam Ndo nzi pèc pècèk, Zhiklè Abraham, Isaac a Israel, a nengaʼa a shkè a deɓa a sam kinè, njèkèdiaʼa man kin mbel kinè auda te ri bihi Assyrie.

II Chroniques 6:27

ka da tsenaʼa te zhiklè te géɗèʼa, a ka pra ta malai a ɓèlèlihi ngaya, ndohi Israel, ndohi ngaya, a ka ngra ta civèɗ nzuraʼa man ta jèjèrèʼa, a ka zlündoko ta iyam a herkeda, a herkeda man ka va ta ndohi ngaya a skwi nʼndi gi ta.

Esther 4:16

Do a ka ɓic ta ndohi Israel tèlèba-man ta zhè te Suse, va-jèkeda skwi nʼndai mʼmèn makar, va-tsu rai a géɗ ga Kin ndau skwi bai, kin sau skwi ɓai, mʼmèn makar, a pats ba a vaɗ ba. Iyè a dalahi mizline ga nga da jèkeda skwi nʼndi lèmèlèmè arsa. Te deɓaʼa i da de a sam bai, ko ma kita a goɗ arsa ɓai. Ko i dè a mʼmetsai, i da metsu mènè!

Exode 33:5

A Ndo nzi pèc pècèk a ngaɗa na Moise: Gada ta ndohi Israel: Kinè ndohi man kin tsena gèɗ bai. Aman i do do a ndev kinè, a i nzi te ndev kinè kèshkata genè, ar i gedas kinè ma. Anai va-peda skwi wi kinè a hai, a i da rka skwi man i da ga kinè.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Esaie 58:4

Kin jèkeda skwi nʼndai, a kin gi wuɗai, kin bèzl va, a kin dük ndo ntawassaʼa. Njèkè skwi nʼndi aranta, Zhiklè a slaha a cinè te géɗèʼa asaɓai.

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Daniel 9:3

A i ngwoda na ma a Bi Zhiklè, aman i tsi ri a nengaʼa, a i gi mbuh mbuh, a i jèkeda skwi nʼndai, a maslaka sam kuɗa a va te mèrwèc;

Osée 12:6

Ndo nzi pèc pècèk, Zhiklè bi mbiaʼa, nasa nzlembaɗ nengaʼa.

Osée 12:7

Ka, sèi ka menkada deɓa a sam Zhiklè ngaya; gso va a mwoy-ndo a ngi-zuraʼa, zhor Bi Zhiklè ngaya!

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Mal. 1:9

Aman vo-ɗöl te pa, kinè man kin va na skwi a Zhiklè arsa; ndav nengaʼa a mènèhai a kin sia te va-ɗè? Kin gau aranta a ri kinè; a slaha a fi ndo staɗ te ndev kinè a ndo na zura ɗè?

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Juges 2:4

Aman gol Ndo nzi pèc pècèk a ngaɗa ta ma haha a ndohi Israel tèlèba ma, ndohi ta hüno a ta kuɗai.

Juges 20:26

Te deɓaʼa ndohi Israel tèlèba, mpi ndohai, ta shkè Béthel. Te pa ta zlatsa a sam Ndo nzi pèc pècèk, ta kuɗai, ta jèke-da skwi nʼndai, ha dakwa. Te deɓaʼa ta va na skwi a ta ndara na skwi a Ndo nzi pèc pècèk.

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.

I Samuel 7:6

A ta ɓica va te kokwar Mitspa, ta gudz iyam, a ta badahai a sam Ndo nzi pèc pècèk, a ta jèkeda skwi nʼndai a pats nasa, a ta gaɗa: Nga gu malai a sam Ndo nzi pèc pècèk. A Samuel a nʼnga ta kita a ndohi Israel te kokwar Mitspa.