Job 1:3 - Ma Zhiklè

³ Skwi kudom nengaʼa, tambaki 7.000, zlugumihi 3.000, zlèhi 1.000, kɗèhi 500. Ndohi mizlinè nengaʼa ta zhè kumba. Job a mfena ndohi te man a verzi gi tèlèba.

Job 1:3 ပူးပေါင်းရင်းမြစ်များ

Genèse 12:16

A ta ga na skwi man amba amba a Abram a géɗ ngwozaʼa. A nʼngots tambakihai, zlèhai, kɗèhihai, ɓèlèlihai, ngwozi a ngurhai, mam kɗèhihai, a zlugumihai.

Genèse 12:5

A Abram a nco Sarai, ngwoz na, a Lot, kra kramam na, a skwi ta tèlèba, a ndohi man ta ngots te Charan, a to do aman ta dè a kokwar Canaan. A ta ndikè a kokwar Canaan.

Genèse 13:6

Kokwar a slra ɓai, a ta nzi a sam staɗ, te man skwi ta kumba, ta slaha ta nzi a sam staɗ bai.

Genèse 24:35

Ndo nzi pèc pècèk a mpshè na ma babgi ga a vata, a nʼnda a ndo mèshèlè. A mva na tambakhi a zlèhi a verzhè-genè a guro, ɓèlèlihai – ngwozi a ngurhi – zlugumihi a kɗèhihai.

Genèse 25:6

A wudahi ngwozi ngiɗè a mva ta skwi mbalai, a nzlinda ta dra a sam Isaac, kra na, a herkeda te man a civèɗ mvèng pats, te va man Abraham a zhè a nshèffè dai.

Genèse 29:1

A Jacob a nslambaɗa, a ndo a kokwar te man a mvèng pats.

Genèse 32:14

ɓokhi 200, mazawalhi 20, tambakihi 200, drokhi 20,

Genèse 34:23

Te deɓaʼa skwi gi tengaʼa, a skwi man ta ngotso, skwi ndzham tèlèba, kala man skwi nga. Halau, ngokoy ara man ta woyaʼa, a ta nzi a sam nga!

II Samuel 12:2

Ndo mèshèlè a nʼngots tambakihi a zlèhi kumba kumba.

I Rois 4:30

Maya Salomon a fena maya ndohi te civèɗ mvèng pats tèlèba, a fena maya ndohi Egypte tèlèba.

II Rois 15:20

Menahem a ntsakala Suli a sam ndohi Israel, a sam ndohi mèshèlè tèlèba, a mva na bi Assyrie: ndo staɗ staɗ tèlèba 15.000. Te deɓaʼa bi Assyrie a ndo a deɓa a ngwai, a nʼnza a pa asaɓai.

II Rois 3:4

Mésha, bi Moab, rèwè tambak nengaʼa a zhè. A mvi a mvai a mpa na tambaki 100.000 a droki 100.000 ma ta zla gwotsa di ɓai a bi Israel, a skwi mpil gèɗ.

I Chroniques 27:30

A géɗ zlugumihai: Obil, ndo Ismael. A géɗ kɗèhihai: Jechdia, te Méronoth.

II Chroniques 26:10

A nrom gi ngurèʼa te hèshèkeɗ, a nrau thal kumba, te man rèwè skwi nengaʼa a zhè kumba te slrats, a vara; a ndohi mizlinè a ndohi ngi gi lak te za, te Carmel. Aman mizlinè mpizhè ambaha.

II Chroniques 32:29

A nrom kokwarhai, rèwè zlèhai a tambakihai a ndev ɓai, a géɗ man Zhiklè a mva na skwi kumba.

Job 1:10

Ka ɓerèʼa, nengaʼa a gi nengaʼa a skwi nengaʼa tèlèba. Ka pshè na ma te mizlinè nengaʼa tèlèba, a rèwè skwi nengaʼa a grè a mènè te kokwar tèlèba.

Job 1:4

Pats ngiɗè pats ngiɗè wudahi nengaʼa ta gu do a gi ngiɗè, do a gi ngiɗè, a ta gi ngolala, ta venu nvenai. A ta baha ta dalahimamhi ta makar a pa, a ta ndi skwai a ta si skwai a nda ta.

Job 21:28

Kin gada: Gi ndo mbiaʼa tema? Gi man ndohi nderɗe Zhiklè ta nza a pa tema?

Job 29:25

I gaɗa ta skwi man ta giaʼa, i tsuvom ta. I nza ara bai te va ndohi nhayaʼa, ara ndo man a bid ta ndohi man ta lèyè.

Job 31:25

I wuffa a géɗ skwi mèshèlè ga kumba dè? A géɗ skwi kumba man ri ga a ngotso dè?

Job 31:37

I woy a i ngra na civèɗ tèlè man i do a pa. I woy a i herda na va ara bai.

Job 42:10

Te deɓaʼa Ndo nzi pèc pècèk a nʼngwoda matakwan Job, aman a ntsu ri a géɗ nslamagihi na ma, a Ndo nzi pèc pècèk a mva na skwi ta ta man a ngots halaʼa cèw.

Job 42:12

A Ndo nzi pèc pècèk a mpshè na ma a Job zaʼa, a fena halaʼa. A nʼngots tambaki 14.000, zlugumihi 6.000, zlèhi ncèw cèw 1.000, kɗèhi 1.000.

Proverbes 10:22

Mpshè ma Ndo nzi pèc pècèk, nengaʼa man a walde ka; wuɗi ngaya a va ka skwi a vaʼa azɓai.

Jérémie 49:28

A géɗ Kédar, kokwar-bihi Hatsor, man Nebucadnetsar, bi Babylone, a gu ngulaʼa, Ndo nzi pèc pècèk a gaɗa: Va-slambaɗa, vo-do, va-gu var a Kédar, va-dum ta ndohi te civeɗ mvèng pats!

Nombres 23:7

A Balaam a hüno ngèɗè ma, a ngaɗa: Balak a bahkay te Aram, Bi Moab te za, te civèɗ mvèng pats, washkè! A ka phomda Jacob, ar na. Washkè, durɗo Israel!

Juges 6:3

Pats ngiɗè, aman ndohi Israel ta zlekau skwai, ndohi Madian ta shkè a nda Amalek a ndohi te kokwar te civèɗ mveng pats, a ta kala ta a va.

Juges 6:5

Aman ta shkè, tengaʼa a rèwè ta, a gi ta, rèdèdèa ara dzarai, ta ngrè azɓai, tengaʼa a zlugumihi ta. Ta shkè aman ta gedassa kokwar.

Juges 7:12

Aman ndohi Madian, a ndohi Amalek a ndohi te verzi gi tèlèba, rèdèdèa ara dzarai. Zlugumihi tengaʼa a ngrè azɓai, ara wyak te woyam.

Juges 8:10

Zébak a Tsalmunna ta zhè te Karkor, a ndohi var a nda tengaʼa ta gi 15.000, njèkèdia te va ndohi var tèlèba man ta shkè te civèɗ mvèng pats. Ndohi var mbazlaʼa, a tsakwal te rai, tèlèba, ta gi 120.000.

I Samuel 25:2

Ndo ngiɗè a zhè te Maon, skwi na a zhè te Carmel, ndo mèshèlè mbiaʼa. Tambakihi nengaʼa 3.000, ɓokwi 1.000. A zli gwots tambak te Carmel.

I Samuel 27:9

Aman David a nkala na va a kokwar, a njèka na nshèffè a ndo ɓai, ko nguraʼa, ko ngwoz, a nhul tambakihai a zlèhai, kdèhihai, zlugumihai a maslaka. Te deɓaʼa a mshkè a deɓa a sam Akish.