Jérémie 9:7 - Ma Zhiklè

⁷ Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Jérémie 9:7 ပူးပေါင်းရင်းမြစ်များ

II Samuel 13:26

Absalom a ngaɗa: Man ar haha, Amnon, kramam ga, da shkè a verzi nga! Bai a ngaɗa na: Do do a verzi ngaya èhèmè?

II Chroniques 36:15

Ndo nzi pèc pècèk, Zhiklè babhi ta, a nʼngatsa ta maya a ndohi sak na, pèc pècèk, a woya a ngedassa ndohi na a gi Zhiklè na ɓai.

Psaumes 120:4

A ve ka a ri a sulom var, ntasla a ndazli vogwa dayak.

Psaumes 55:22

Ma nengaʼa a hi ara iyam te woyam; aman te ndav nengaʼa a her shèwa. Ma nengaʼa ara mbar wa, njèkèm ɓai nara tsakwal nzlatsedaʼa.

Psaumes 62:5

Ta vhè ma, ta woy a ta zukdahai a sam nʼnzi na; ncèkèlma ambaha ta. Ta pshè ka ma a ma, te ndav ta tʼhwaɗaʼa ta phomde ka.

Esaie 1:25

I woya a i ngwoda gèɗ ga, a i wosl ka a ri ga, a i pon-ko derɗa auda tèlè, a i cko zi auda tèlèba.

Esaie 48:10

Na haha i wosl ka, aman ara mwèsl verzhè-genè ka ɓai; i jkede ka a matakwan, ara man ta wèsl züdo te gezla.

Esaie 59:3

Pombaz a ri kinè. Ri kinè a lama na skwi man ambaɓai. Kin gèɗ ma ambaɓiaʼa; ncèkèlma a zhè te ma kinè.

Jérémie 31:20

Ephraim kra ga mbelaʼa, kra ga man i wuffè a géɗ nengaʼa, man pèc pècèk i slefiaʼa, i woya a i hérèʼa, di ɗè? Ndav ga a gudzi a géɗ nengaʼa, a siyè te va, a vava, Ndo nzi pèc pècèk a gaɗa.

Jérémie 5:1

Vo-do a hwaɗ kokwar a civèɗ Jérusalem tèlèba, vo-wora: Kin ngècè ndo staɗ man a gi zuraʼa dè, man a woy ma nzura dè, a i da pra na mali na.

Jérémie 6:27

Zhiklè a ngaɗa na Jérémie: I ge ka a ndo njkeda ndohi ga, a ka suna, a ka jkeda maya nshèffè ta.

Osée 4:1

Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Mal. 3:3

Ndo nzi pèc pècèk a da nzi a hai, a wèsl skwi tèlèba, a pènè skwi tèlèba, a da til wudahi Lévi, a da wosl ta ara guro a verzhègenè, aman ta va na skwi a Zhiklè zuraʼa.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

1 Peter 4:12

Kinè dalahimam ga, kin rzl kin ɓai a géɗ skwi mwuɗitpa man a ga kinè antanta, aman ta pe kinè a wi tsaɗ tsaɗ. Kin hur ɓai: skwi haha nkèkèkè?