Jérémie 9:24 - Ma Zhiklè

²⁴ Aman ndo man a woya a nfi va, da fu va a géɗ skwi haha: aman a hér maya, aman a senyè. Aman iyè i vi pombai, i gi kita nzuraʼa a géɗ herkeda. Aman skwi haha ambahayè, Ndo nzi pèc pècèk a gaɗa.

Jérémie 9:24 ပူးပေါင်းရင်းမြစ်များ

Psaumes 20:7

Antanta i suna, Ndo nzi pèc pècèk a mbel ndo man a mbaɗa na mbar a gèɗ, a mbedka na a pa a sam nengaʼa nkezlaʼa te zhiklè, a takaha a skwi man a gau a wuɗi ri mandi nengaʼa.

Psaumes 34:2

I woy a i slébèrdè Ndo nzi pèc pècèk lèk lèk. Nshid gèɗ a nengaʼa da nza a ma ga pèc pècèk!

Psaumes 34:3

Ndav ga da wuffa a géɗ Ndo nzi pèc pècèk! Ndohi manta manda ta gèɗ a hai ta da cinèʼa, a ta wuffè.

Psaumes 44:8

Aʼai, sèi ka ka takaha nga a sam mayamhi nga; ka pa ta hori a di a ndohi shèwa nga.

Psaumes 44:9

Nga njèl Zhiklè pèc pècèk, ngaslébèrdè nzlembaɗ ngaya a mèdèp.

Psaumes 51:1

Psaume David,

Psaumes 91:14

Te man a gso va a iyè, i woy a i mbelkaɗauda; i da ɓerèʼa, a gèɗ man a sun nzlembaɗ ga.

Psaumes 99:4

Bai, wuɗi na zhè, kita ambaha. Ka, man ka vi ma kita. Ma kita a ngi-zuraʼa ka gu te Jacob.

Esaie 20:5

A ta da gi zlau, a ta da gi horai a géɗ kokwar Ethiopie, man ta pi di a pa, a géɗ kokwar Egypte, man ta fi va a vna.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 45:25

Ndohi te verzi Israel tèlèba ta da gi a ngul ndo-hai, a ta wuffè a géɗ Ndo nzi pèc pècèk.

Esaie 61:8

Aman iyè, Ndo nzi pèc pècèk, i woy ngi-zuraʼa, i gi shèwa a ndohi metsar. I woya a i va ta skwi ntul ta zuraʼa, a nga derzla ma nga a tengaʼa a mèdèp.

Jérémie 22:16

A nʼnga ta kita a ndohi ntawassaʼa, a ndohi man ta ga mali ɓai, a wuffè a vna. Nasa nshin Zhiklè ka bi dè? Ndo nzi pèc pècèk a gaɗa.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Luke 10:22

A ngaɗa ta golahi nengaʼa: Skwi tèlèba Bab ga a mvay a rai. Ndo ngiɗè a sun kra ɓai sèi bab na a suna a vava. A ndo ngiɗè a sun Bab kra ɓai, sèi kra na a suna a vava, a ndo man kra a ngreda na.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Romans 5:11

Aman klèng di ka ɓai. Aman nga wuffè a géɗ Zhiklè te Bi nga Yèsu Kristi, te nengaʼa nga ngots skwi mʼmindè gumi a hai.

1 Corinthians 1:31

gar haha, ara man ɗèlèwèr Zhiklè a gaɗa: Ndo man a woya a njégèr va, sèi a jégèr va a géɗ Bi Yèsu.

2 Corinthians 10:17

Aman ndo man a jégèr Va, da dzugor va a géɗ Bai Yèsu.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Galates 6:14

Aman i woy a i jégèr va azɓi fèt ba. Aman nʼnjèl ga staɗgenè, nengaʼa wof ngézlèl Bi nga Yèsu Kristi, te nengaʼa herkeda ngezlala a sam ga, a iyè a sam herkeda.

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.