Jérémie 9:10 - Ma Zhiklè

¹⁰ I hinè nkuɗi za, i hinè ntsi nguzlah a géɗ sam nɗaʼa. A nde na hèshèkèɗ, ndo a bizhè a pa azɓai, kuɗ skwa a te pa ɓai; ɗiakihi a skwi dak tèlèba ta venda gèɗ ta ma.

Jérémie 9:10 ပူးပေါင်းရင်းမြစ်များ

Esaie 41:15

Na haha i ge ka a mbelau züdo, man züdo ndizlèa te pa zuraʼa. A ka da dum za a vna, a ka kerd ta, a ka düm kwazlazlamhai a vna ara topok dau.

Esaie 49:19

Sam hèshèkèɗ ngaya, gi ngaya man mʼmbeɗ na, kokwar ngaya man ngedassa, a slra ta a ndohi kokwar ɓai; a ndohi ngedas ka ta zhè dra.

Jérémie 12:10

Ndohi mɓer skwi kumba ta gedassa gi lak ga, ta gatseda gi dau ga a hi a sak. Ta ngwoda sam nwèr skwi ga mbelaʼa a mèdèp, a nde na tazli hèshèkèɗ.

Jérémie 12:11

Ta ngwoda a hèshèkèɗ, ngedassaʼa a sam di ga, a lèyè. Kokwar tèlèba ngedassa, a layde ta ndohi azɓai.

Jérémie 12:4

Kokwar da loyo, skwi mɓayaʼa te dak da gwor na, ta ngèmè? Skwi dak a ɗiakihai ta azɓai a géɗ shèwa ndohi na, man ta gaɗa: Zhiklè a rka civèɗ nga azɓai.

Jérémie 14:6

Kɗèh dak a zlècè a ntskal, sam nkurndazlndazlaʼa, a ta nzi a nèʼèn tʼuda fala-falaʼa, di ta helwuslaʼa tʼhwaɗaʼa.

Jérémie 2:15

Wud marizhèlèhai ta bebrè a géɗèʼa, ta kuɗi a vata, ta ndede kokwar na a hèshèkèd, man ndo a nza a pa azɓai.

Jérémie 2:6

Ndo nzi pèc pècèk tema? ta dzhaɗa te deɓaʼa ɓai. Nengaʼa man a nhelka nga auda te kokwar Egypte, a nde nga tʼhèshèkèɗ, te tazli hèshèkèɗ, te kwazlazlam, tʼherkeda ngworaʼa, man di a rkè a pa azɓai, a herkeɗa man ndo a mbeza a pa ɓai, man ndo a nzi a pa azɓai.

Jérémie 23:10

Aman herkeda nʼndha a mphöme. Kokwar mphomda a géɗ nengaʼa, a lèyè. Sam nɗaʼa tʼhèshè-kèɗ ngwora. Nshèffè tengaʼa, maya man ambaɓai. Ta manda ndav ta a verzi skwi nzura ka ɓai.

Jérémie 50:3

Aman ndohi herkeda te man a géɗèʼa ta shkè a ta gi var a Babylone, ta da gédèshè kokwar na, ndo a nzi a pa azɓai, ko ndo, ko skwi dak, tèlèba ta hu ta, to do ta.

Jérémie 7:29

Shè gèɗ ngaya, a ka wusheda gwots aussa, a ka gu wobau! Aman Ndo nzi pèc pècèk a nkwol ta ndohi man ta poko na gèɗ ndav auda.

Jérémie 8:18

Nlèyè ga a ndèlè azɓai, ndav a dzayè!

Lamentations de Jérémie 1:16

I kuɗi a géɗ nengaʼa, kuɗa a pay a dai; aman ndo mbidyè, ndo ntaslyè, dra a sam ga. Wudahi ga ta gedas ta, aman ndo mayam a nfa nga a gèɗ.

Lamentations de Jérémie 2:11

Di ga a nhezl na a kuɗa, ndav ga a hubètè, ndav ga a mbeɗ na a géɗ man kokwar ndohi ga ngedas na. A wudahi, a wudahi man a rai, ta ɓerzl ta a dal kokwar.

Lamentations de Jérémie 5:18

a géɗ man za Sion a nʼnde na hèshèkèɗ, barkdadihai ta shèwèlè te pa.

Ezéchiel 14:15

Aman agassa i pra ta skwi dak a va kokwar, a ta dè a ta zede ndo te pa, a ndi na hèshèkèɗ, a ndo a bizhè a pa azɓai, a géɗ zlau skwi dak –

Ezéchiel 27:2

Ka ndo, tsu nguzlah a géɗ Tyr! Ka gaɗa na Tyr man a nza a ma woyam mbiaʼa, kokwar man a gi gani a ndohi herkeda te civèɗ tsaɗ tsaɗ tèlèba: Bi Zhiklè a gaɗa:

Ezéchiel 29:11

Ndo a da mbatseda sak a pa ɓai, ko sak skwi ndzham. Ndo a da nzi a pa azɓai, skwi a da gi a pa azɓai, ha a gi mvi 40.

Ezéchiel 33:28

I ndeda kokwar a hèshèkèɗ, a sam ngedassaʼa. Wuɗi nengaʼa mbiaʼa klèng. Zahi Israel ta ndi a hèshèkèɗ, ndo a shèwèlè a pa azɓai. A ta da suna, i Ndo nzi pèc pècèk,

Ezéchiel 6:6

A sam kinè tèlèba kokwarhi ta da ndi ta a hèshèkèɗ; a sam mvi skwi a Zhiklè sèi da gedas ta, a ta ndev ta. Mblomhi kinè sèi ta zukde ta a hai; skwi man kin gu a ri kinè da ze na.

Osée 4:3

A géɗ nengaʼa herkeda a lèyè, a skwi man a géɗ herkeda a gédèsh na; skwi dak, a ɗiakihi tʼhwaɗ gidfèk, a klèf te woyam mbiaʼa ta ndev ta.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Joel 1:19

Ndo nzi pèc pècèk, i kuɗi a sam ngaya! Vogwa a nʼndeda dak tʼhèshèkèɗ a ma, vogwa a nʼnde ta wofhi a ma te dak.

Amos 5:1

Kinè ndohi Israel, va-tsena ma haha man i gèɗè a géɗ kinè, ma kuda.

Amos 5:16

Gar haha Ndo nzi pèc pècèk, Zhiklè bi mbiaʼa, Bi Zhiklè, a goɗ ar haha: A dal kokwar tèlèba ta gi wobau, a civèɗ tèlèba ta tsi lalau. Ta baha na ndo mpizhè a ndo man a sun nkudi ndo a sam kuda.

Michée 2:4

A pats nasa ta da gèɗè ngèlègèɗ ma a géɗ kinè, a ta tsi nguzlah: Ta dum nga ma, nga gedassa. Ndohi nga ta pe ta a ri a ndohi ngiɗè, a nga ngècè a deɓa asaɓai. Ta ngela sam dak nga a ri a ndohi man ta dum nga.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.