Jérémie 8:2 - Ma Zhiklè

² Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Jérémie 8:2 ပူးပေါင်းရင်းမြစ်များ

II Rois 17:16

Ta jèkeda ma nkwèr Ndo nzi pèc pècèk, Zhiklè tengaʼa, tèlèba, a ta vüɗo marihi cèw, a ta gu mblom, a ta tsu ri a bantihai, a kia, a pats, a ta dzodzor Baal.

II Rois 21:3

Nengaʼa a hüno a nrom sam mʼmbèh skwai a géɗ za, man Ezéchias, bab na, a mbeɗdaussà zaʼa, a ngau sam mvi skwi a Baal. A ngau mblom, lèmèlèmè ara man Achab bi Israel, a ngau, a ntsu ri a bantihai, a kia, a pats te giɗfèk, a ndzodzora.

II Rois 21:5

A nrom sam mvi skwi a bantihai te giɗfèk tèlèba te gi nʼngalaʼa cèw ba te gi Zhiklè.

II Rois 23:5

A ndzam ta ndohi mvi skwi a tengaʼa auda te mizlinè ta, man bihi Juda ta pe ta a mizlinè, man ta ndèr burdi a géɗ za, te kokwar Juda, a sam Jérusalem tèlèba, a tengaʼa man ta ndara na burdi a Baal, a pats a kia a bantihai, tʼhwaɗ giɗfèk tèlèba.

Psaumes 53:5

Ndohi malihai, maya ta azɓi dè, man ta woy a ta ndi ndohi ga a ma a dai, ara man ta ndi movar, a ta tsi ri Bi Zhiklè azɓai.

Psaumes 83:10

Ga ta skwi lèmèlèmè ara a sam ndohi Madian, a Sisera, a Jabin a ma woyam Kison!

Psaumes 83:11

A ta bazl ta te En-Dor, a ta nde ta a ndaderda herkeda.

Ecclésiaste 6:3

Ndo man ar agassa da yau wudahi 100, mvu kumba, nhala ma, aman a ngècè mwuffè te pa azɓai, ndo a ri a vèvèɗ azɓai, ta kalda a dala, dara kra mʼmèn-mʼmènè.

Jérémie 14:16

A ndohi man ta hada ta ma, ta tiɗ ta a mai a civèɗ Jérusalem, a ta kèlèhi a géɗ tsakwal, ndo nda re ta azɓai, tengaʼa a ngwozi ta, a wudahi a dalahi ta. Aranta i da ngwoda ta shèwa tengaʼa a gèɗ.

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 16:6

Mbibihiaʼa a nkèshkèshè-hiaʼa ta da bazl ta te kokwar haha, ndo nda re ta asaɓai, ndo nda kuɗ ta asaɓai, ta hi a verzi mbav a gèɗ kinè asaɓai, ta shè kinè gèɗ a verzia asaɓai.

Jérémie 19:13

Gihi Jérusalem a gihi bihi Juda, sèi ta gi lèmèlèmè ara sam te Topheth, man ta lizhèʼa, gihi tèlèba a géɗ gi tèlèba man ta zla ta skwi a bantihai a giɗfèk, a ta va ta skwi nsai a zhiklèhi ngiɗè tsaɗ.

Jérémie 22:19

Ta da riaʼa ara kɗèh, ta da ngezldauda a ta kalda a dalmagi kokwar Jérusalem.

Jérémie 25:33

Ndo nzi pèc pècèk a da bazl ta ndohai a pats nasa, a hinè te verzi herkeda ngiɗè, a ndè a verzi herkeda ngiɗè. Ta kuɗi a géɗ tengaʼa azɓai, ta hel ta azɓai, ta re ta a vèvèɗ azɓai, ta da gi a ndaderɗa herkeda.

Jérémie 31:40

Te deɓaʼa slrats nʼndha a nckondohai a mèrwèc. Herkeda tèlèba, ha ndè a sam woyam Cédron, ha ndè a sam nderzlè ntamagi ‘plèsh’ te civèɗ mvèng pats, a gi a skwi nkezlaʼa man a Ndo nzi pèc pècèk. Ndo a da mbedè te deɓaʼa asaɓai, ndo a da gédèshè te deɓaʼa asaɓai.

Jérémie 36:30

Gar haha Ndo nzi pèc pècèk a goɗ a géɗ Jojakim, bi Juda: Ndo te verzi nengaʼa da nza a gèɗ sam nʼnzi bi David ɓai! Nckondo nengaʼa sèi ta kalda a dala, a pats a dza na a pa, a vaɗ a nʼnga na a gèɗ a pa.

Jérémie 9:20

Kinè ngwozai, va-tsena ma Ndo nzi pèc pècèk, va-fu zlembaɗ a ma man a shkè auda te ma na, va-slebda ta ntsi lalau a dalahi kinè, ngiɗè da slebda na ntsi nguzlah a ngiɗè.

Jérémie 9:21

Mʼmetsai a mwucka nga a va nvakavar, a mshkè a gi nga, a zeda wudahi man ta mbèhwali a civèɗ, a golahi a luma.

Jérémie 9:22

Goɗa! Ndo nzi pèc pè-cèk a gaɗa: Nckondohi ta zhè zlerzleraʼa ara ksof, ara bak pandar te deɓ ndo ntsi dau, man ndo a ɓicè azɓai.

Ezéchiel 29:5

I da kaldeka ka auda a hèshèkèɗ, kinè a klèfi te woyam ngaya tèlèba. Kin da mènè a dala, kin huslè a dala wunap, a skwi dak a ɗiakihai ta nde ka a ma.

Ezéchiel 39:5

Ka da kèlèhi te dal var, te man iyè, i goɗa, Bi Zhiklè a gaɗa.

Ezéchiel 6:5

I da wusheda nckondohi Israel a sam skwi mbèh skwi ta, a i ksarda vatasl ta a tsagi sam mvi skwi a Zhiklè kinè.

Ezéchiel 8:16

A ndyè a gi nʼngalaʼa tʼhwaɗaʼa te gi Zhiklè. Na haha a ntamagi gi Zhiklè, te ndev gala a sam mvi skwi a Zhiklè, ndohi ta zhè, ta gi 25 ma ba, ta ngwoda na deɓa a gi Zhiklè. Ta gurɓahai a ta tsi ri a pats, ta peda di a civèɗ mvèng pats.

Sophonie 1:17

I da pra ta zlau a va ndohai a ta dè ara mandazlihai, a géɗ man ta gu malai a sam Ndo nzi pèc pècèk. Pombaz tengaʼa mbada tʼhai ara skwi ambalai, zluèɗ va tengaʼa ara zai.

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Actes 7:42

Aman Zhiklè a mʼmenda va na a deɓa, a njèke ta, aman ta tsi ri a mèzhèɓhi tʼhwaɗ giɗfèk, ara man ta Windo te ɗèlèwèr ndohi nhadka ma: Kinè ndohi Israel! Mvi kinè kulkul Gad te hèshèkèɗ, kin zlau skwai a kin vayè a iyè dè?

Deutéronome 17:3

a ta tawaɗaha nderzlè-ma, a ta jèjèr zhiklèhi ngidè tsaɗ, ta gi mizlinè ta, ta gurɓahi a sam ta, ta tsi ri a pats, a kia, a bantihai te giɗfèk – i nja nengaʼa ɓai;

Deutéronome 4:19

Skwi te giɗfèk tèièba, ara pats, kia, bantihai, skwi a giɗfèk tèièba, da pe kinè a wi ɓai, kin tsu ri a tengaʼa ɓai, kin gurɓahi a sam ta ɓai! Ndo nzi pèc pècèk Zhiklè kinè a ngeda a giɗfèk a gèɗ ndohi herkeda tèlèba.