Jérémie 8:14 - Ma Zhiklè

¹⁴ Nga nza ɓlussaʼa kè! Ngo-hokoya, a kokwar nʼngalaʼa, a nga zi nga a pa! Te man Ndo nzi pèc pècèk, Zhiklè nga, a zede nga, a va nga iyam dèrè a nga siaʼa, a géɗ man nga gu mali a sam na.

Jérémie 8:14 ပူးပေါင်းရင်းမြစ်များ

II Samuel 20:6

David a ngaɗa na Abishai: Shéba a da ga nga matakwan holholaʼa, a fena Absalom. Hul ɓèlèlihi bi ngaya, hau a verzi ta, aman a slaha a nduma kokwar a mbel na te ri nga ɓai.

Psaumes 39:2

I huro: I woy a i ɓer civèɗ ga, a nèʼèn ga da gu mali ɓai! I woy a i dzawa ma ga a teɓa, te va man ndo ambaɓiaʼa a zhè a sam ga dai.

Psaumes 69:21

Ta derɗyè, a dzay a ndav, a tilè azɓai. I zhèr man i si ndo te va, aman ndo azɓai. I zhèr ndo mbidyè, aman i ngatsa ndo ɓai.

Esaie 47:5

Nza a hi tètè, do a va ruva, dem Chaldée! Antanta ta da baha ka dem bi kokwarhi asaɓai.

Jérémie 14:20

Ndo nzi pèc pècèk, nga sun shèwa nga, nga sun mphömè babhi nga, nga gu malai a sam ngaya.

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 23:15

Gar haha Zhiklè bi mbiaʼa a goɗ a géɗ ndohi nhadka ma: Iyè i da va ta skwi nsi mwuɗitpa, i da va ta iyam man dèrè te pa. Aman ma nʼngwèɗè ndo te kokwar tèlèba a shkè auda te ndohi nhadka ma te Jérusalem.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 35:11

Aman Nebucadnetsar, bi Babylone, a mshkè a ngi var a kokwar, nga gaɗa: Vo-washkè, ngo-dokoya a kokwar Jérusalem, a géɗ ndohi var Chaldée a ndohi var Syrie. A nga nza a Jérusalem.

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Jérémie 9:15

Gar haha Zhiklè bi mbiaʼa, Zhiklè Israel, a gaɗa: I woya a i ga ta madzaf a skwi nʼndai, a i va ta dèrè a iyam.

Lamentations de Jérémie 3:19

Aman i hér nlèyè ga, a i hér civèɗ man i zlak ga a pa, nara dèrvowa, nara dèrè.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Amos 6:10

Ko ndo ngidè a dè a gi ndo ngidè, a nzuɓkoɗi nckondohi te gai, a ngaɗa na ndo man a nza te gi tʼhwadaʼa: Njèkèdia a zhè a sam ngaya di dè? A nengaʼa a gèɗè: Aʼai, i mbèɗè a nzlembaɗ Ndo nzi pèc pècèk azɓai!

Habakuk 2:20

Ndo nzi pèc pècèk a zhè te gi nengaʼa nkezlaʼa: Herkeda tèlèba da nza tètèʼa a sam na!

Zacharie 2:13

Herkeda tèlèba da nza tètè a sam di Ndo nzi pèc pècèk! Aman anai a slèmbèɗè a sam nʼnzi na nkezlaʼa.

Matthew 27:34

ta va na barassa a mèdètèr, te pa, aman a nsiaʼa. Aman a ntoro, a woya a nsia ɓai.

Deutéronome 29:18

Te ndev kinè, ko nguraʼa, ko ngwoz, ko ndohi gai, ko gwol ngwai, da jèkeda Ndo nzi pèc pècèk, Zhiklè nga, a patsna ɓai a nda tsi ri a zhiklèhi mbèh skwi ndohi herkeda sa. Zluzlor man dèrè te pa, a dèrvowa, i woya a sam kinè ɓai.

Deutéronome 32:32

Aman wof tengaʼa, verzi wof man a ftskaɗa te Sodome, verzi tengaʼa te Gomorrhe. Nyi tengaʼa duzlekzlekaʼa a dèrè te pa.