Jérémie 7:9 - Ma Zhiklè

⁹ Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Jérémie 7:9 ပူးပေါင်းရင်းမြစ်များ

I Rois 18:21

A Elie a mshke a sam ndohai, a ngaɗa: Kin pi gèɗ cèw cèw ta ahngwa? Aman Ndo nzi pèc pècèk Bi Zhiklè, vo-dzodzor nengaʼa! Aman Baal Bi Zhiklè, vo-dzodzor nengaʼa! Aman ndohi ta mbeɗa na a ma ɓai, ko staɗ.

Exode 20:3

Ka gu Zhiklè ngiɗè a tsagi ga bai!

Esaie 1:13

Kin vay skwi ambali te deɓaʼa ɓai! Skwi man kin vayè aranta a ndarayè. Ngolala mvèng kia, ngolala pats nshèk va, ngolala mɓicè va: i woy ngolalahi a mali te pa ɓai!

Esaie 58:2

Ta woy iyè lèk-lèk, a ta woy a ta sun civèɗ ga. Ara ndohi man ta gi skwi nzuraʼa, a ta jèkeda ma kita Zhiklè ɓai, ta jhèɗè ma kita nzuraʼa a sam ga; ta woya aman Zhiklè a herda ta va.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 18:15

Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 19:4

A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 32:29

Ndohi Chaldée ta da shkè a pa, ta da gi var a kokwar haha, ta da fa na vogwa a kokwar haha, a vogwa a nʼndeda ma. Lèmèlèmè gihai man ta va na skwi a Baal a géɗèʼa, a ta va ta skwi a zhiklèhi ngiɗè, a ta pokoy gèɗ ndav auda a vna.

Jérémie 44:3

A géɗ skwi man ambaɓai man ta gau, a ta pokoy gèɗ ndav auda a vna, a to do a ta vi skwi a ta gi mizlinè zhiklè ngiɗè, man ta sen ta ɓai. Kinè a babhi kinè kin gau arsa.

Jérémie 44:8

Kin pokoy gèɗ ndav auda a skwi man ri kinè a giaʼa, a kin va ta skwi a zhiklèhi ngiɗè te kokwar Egypte, man kin do a pa, a kin da nzi a pa, a kin zede nshèffè kinè; kin phomda, a kin gi a skwi horai a sam ndohi herkeda tèlèba.

Jérémie 44:9

Mali babhi kinè a mali bihi Juda, a mali wud bihi na, mali kinè a mali ngwozi kinè, man ta gu te kokwar Juda, a civèɗ Jérusalem, ta pca kinè a gèɗ ma dè?

Jérémie 48:35

Ndo nzi pèc pècèk a gaɗa: I da zedkoɗauda te Moab, ndo man a vi skwi a zhiklè a géɗ za, a ndo man a vi skwi a vri na.

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Jérémie 7:6

kin ga ta matakwan a ndohi mbrokihi a kra dikai a ngwoz mazi ɓai, kin keɗa ndo man nʼnga mali ɓi ɓai, kin dzodzor zhiklè mbèh skwi ɓai, kin gedassa va kinè a vna ɓai;

Ezéchiel 18:18

Bab na, a géɗ man a ngu malai, a ngu metsar, a ngu skwi man ambaɓai a sam gwoli na, a metsi na a géɗ mali na.

Ezéchiel 20:30

Gar haha gaɗa ta ndohi Israel: Bi Zhiklè a goɗ ar haha: kin lizhè va kinè a maya babhi kinè, a kin jèjèr mʼmbèh skwi tengaʼa dè?

Ezéchiel 23:39

Aman ta zlaha wudahi ta, a ta va ta a vrihai, a pats nasa to do a gi ga nkezlaʼa a ta derɗaʼa. Na haha skwi man ta gu te gi ga.

Ezéchiel 5:11

Gar haha, ara man a vava i zhè, Bi Zhiklè Ndo nzi pèc pècèk a gaɗa, a géɗ man ka lizhè sam ga nkezlaʼa a skwi mbèh skwi man hori te pa, i ba i woy a i kwol ka, i woy a i pi di mwoy-ndo azɓai, ta siyè te va azɓai.

Osée 2:13

I da gedassa mwuffe nengaʼa tèlèba, a ngolala nengaʼa, a ngolala kia, a pats nshèk va na, a ngolala mbiaʼa tèlèba.

Osée 6:9

Nhèyè-va ndohi mvi skwi a Zhiklè lèmèlèmè ara nhèyè-va metsarhai, man ta pi va a ndohai. Ta keɗa ndo a civèɗ ndè Sichem a ta gi skwi horai.

Amos 4:5

Va-fa na vogwa a movar man skwi nshégèrè te dai a mbar ɓurdi, vo-boho a ta cèkèlè skwai, ko wawa ara man ndav nengaʼa a woyaʼa. Aman skwi haha ambaha kinè, ndohi Israel, Ndo nzi pèc pècèk a gaɗa.

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Romans 2:2

Aman nga suna, kita Zhiklè nzuraʼa a vava a géɗ tengaʼa man ta gi mali arsa.

Deutéronome 32:17

Tazla na skwi a mblom, man Zhiklè ka ɓai, a zhiklèhi man ta sen ta ɓai, man ta ngots mɓuaʼa, tok-tok, man babhi ngaya ta sun ɓai.

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.

Juges 5:8

Ta dzodzor zhi klèhi ngiɗè mɓuaʼa: ndohi var Zhiklè ta nza; a sam ndohi Israel 40.000 ko gambar a tsakwal a te ri ta ɓai.