Jérémie 7:7 - Ma Zhiklè

⁷ kin da nzi a kokwar haha, te kokwar man i va ta babhi kinè halaʼa a mèdèp.

Jérémie 7:7 ပူးပေါင်းရင်းမြစ်များ

II Chroniques 33:8

A i woya aman ndohi Israel ta da mbècè auda a kokwar ngiɗè ɓai a mèdèp, a ta nzi te kokwar man i va ta babhi ta. Aman sèi man ta fi gèɗ a ma tèlèba, man Moise, ɓèl ga, a va ta; ma kita tèlèba, ma nkwèrè a ma man i de ta a vna.

Exode 22:22

Ngwozi mazihai a wud dikihai, kin zumda ta gèɗ ɓai.

Esaie 1:19

Aman kin woya a kin fi gèɗ a ma ga, kin da ndi skwi gi dau kinè.

Jérémie 25:5

Ta gaɗa: Ko wawa te ndev kinè da menkada deɓa te civèɗ nengaʼa man ambaɓai, te maya nengaʼa man ambaɓai, a kin da nzi tʼherkeda man Ndo nzi pèc pècèk a va kinè, a va ta babhi kinè a mèdèp.

Jérémie 26:13

Anai, va-tila civèɗ kinè, a skwi man kin giaʼa. Va-tsena ma Ndo nzi pèc pècèk, Zhiklè kinè. Te deɓaʼa ndav Ndo nzi pèc pècèk a da mènèhai, a gi skwi ambaɓiaʼa man a hodko ma a géɗ kinè azɓai.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Sophonie 3:7

I gaɗa: Anai ta da gi zlau ga, ta da tsena man i ngatsa ta maya. A skwi man i ga ta ndzoan a pa, ta jèkeda, ta gi asaɓai. Aman ta vasko ngi skwi man ambaɓai.

Deutéronome 4:40

Kin da jèjèr ma nkwèr nengaʼa, a ma man a njè kinè a gèɗ, man i gaɗa kine a patsna, a kinè a wudahi kinè kin nzi amba amba, a kin nzi dai tʼherkeda man Ndo nzi pèc pècèk, Zhiklè kinè, a va kinè a mèdèp.