Jérémie 7:31 - Ma Zhiklè

³¹ Ta gu sam mvi skwi a zhiklè a gèɗ za te Topheth, te slrats Ben-Hinnom, aman ta bezde ta wudahi a dalahi a ndev vogwa, skwi man i gaɗa ta ɓai, a i hur ɓi pal ba.

Jérémie 7:31 ပူးပေါင်းရင်းမြစ်များ

II Rois 17:17

Tazlündo wudahi a dalahi tengaʼa a ta bizhè a ndev vogwa, ta pi kwa, ta tèwèlè gèɗ, ta preda va ta a ma, a ta gi skwi man ambaha Ndo nzi pèc pècèk ɓai, a ta poko na gèɗ ndav auda a vna.

II Rois 23:10

A ngedassa Topheth te slrats Hinnom, aman ko ndo staɗ a nzlinda kra nengaʼa, man ɓai dem nengaʼa, a mbizhè a vogwa te deɓaʼa asaɓai, a ta slébèrdè Moloc asaɓai.

II Rois 23:20

A mbazl ta ndohi mʼmbèh skwai a géɗ za, tèlèba man ta zhè a pa, a nfa ta vogwa a vatasl nckondohi ta. Te deɓaʼa a ndo na a deɓa a Jérusalem.

II Chroniques 28:3

Nengaʼa ha a nʼndara ta skwi a zhiklèhi mʼmbèh skwai te slrats Ben-Himmon, a mbezde ta wudahi nengaʼa a ndev vogwa, ara man ndohi herkeda man Ndo nzi pèc pècèk a dzam ta auda a ma Israel, ta gau, skwi horai.

II Chroniques 33:6

A mbezde ta wudahi nengaʼa a ndev vogwa te slrats Ben-Himmon, a mpu kwa, a mʼmboh skwi a zhüzhokihai, a mʼmboh skwai, a ngu vrai, a tèwèlè gèɗ, a ngau skwi kumba, man ambaha Ndo nzi pèc pècèk ɓai, a mpoko na gèɗ ndav auda vna.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 57:5

Kin gi wai a sam mʼmbèh fakalau, te verzi gagaɗ, te verzi wof mèmè, a kin zlama ta daʼai a wudahi kinè te slrats te gi za.

Jérémie 19:2

do a slrats Ben-Hinnom, a ntamagi ‘shidèf’. Te pa ka njè ma man i da gaɗa ka.

Jérémie 2:23

Ka goɗ a ka gaɗa: i lizha va ga ɓai, i dzadzara Baal ɓai, èhèmè? War civèɗ man ka bezkaɗa pa te nkulgodok, ngreda skwi man ka gau auda, ka plèsh man a woy bakai,

Jérémie 32:34

Ta ckoɗi skwi tengaʼa man hori te pa a gi ga, man ta baha na a nzlembaɗ ga, a ta lizhèʼa.

Jérémie 32:35

Ta gu sam mvi skwi a Zhiklè te géɗèʼa man a Baal, te slrats Ben-Hinnom, a ta bezde ta wudahi tengaʼa a dalahi tengaʼa te va Moloc, skwi man i njè ta ɓai, man i hur i gaɗa ta, da gu skwi hori aranta a ta kalda Juda a mali ɓai.

Ezéchiel 16:20

Ka hul wudahi a dalahi ngaya man ka yakayè, ka zlaha ta a tengaʼa. Mphömè ngaya a slra ka bi dè?

Ezéchiel 20:26

Ta lizhè va ta a skwi man ta va na vrai, man ta bezda tsuvomhi ta a ndev vogwa. A i pa ta zlau a gèɗ, a ta suna, iyè Ndo nzi pèc pècèk.

Ezéchiel 20:31

Aman kin va na skwi a vrai, a kin bezda wudahi kinè a ndev vogwa, kin lizhè va kinè te skwi mbèh skwi ha patsna. A kin dzhadyè a i cè dè, ndohi Israel? Ara man a vava i zhè, Bi Zhiklè a gaɗa, i woya aman kin dzhadyè bai.

Lèv. 18:21

Ka vau kra ngaya a Moloc bai; ka derdè nzlembaɗ Zhiklè a vna. Iyè Ndo nzi pèc nècèk.

Michée 6:7

Ndo nzi pèc pècèk a wuffè a géɗ drokhi 1.000, 1.000 ɗè? A géɗ mbar man a hi ara iyam ɗè? I va na tsuvom ga a géɗ mphömè ga ɗè, kra man i yau a skwi mpil gèɗ mali ga ɗè?

Deutéronome 12:31

Ka da gu arsa a sam Ndo nzi pèc pècèk, Zhiklè ngaya ɓai! Tengaʼa ta gu skwi man Ndo nzi pèc pècèk a gi shèwa a pa, man ambaha ɓai, a ta slubordo zhiklèhi tengaʼa a vna. Wudahi a dalahi tengaʼa ba ta bezda ta a ndev vogwa a géɗ zhiklèhi tengaʼa.

Deutéronome 17:3

a ta tawaɗaha nderzlè-ma, a ta jèjèr zhiklèhi ngidè tsaɗ, ta gi mizlinè ta, ta gurɓahi a sam ta, ta tsi ri a pats, a kia, a bantihai te giɗfèk – i nja nengaʼa ɓai;

Deutéronome 18:10

Ndo man a bezda kra na a dem na a vogwa;

Josué 15:8

Te deɓaʼa kuma a dè a nkulgodok te Ben-Hinnom, a tsagi Jé-bus, nengaʼa Jérusalem, ha ndè a gèɗ za, a ma slrats Hinnom, te civèɗ nkèl pats, a kuma slrats Rephaim, te civèɗ man a géɗèʼa.