Jérémie 7:26 - Ma Zhiklè

²⁶ Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Jérémie 7:26 ပူးပေါင်းရင်းမြစ်များ

I Rois 14:22

A Juda a nʼnga skwi man ambaha Ndo nzi pèc pècèk ɓai. A mali tengaʼa man ta gau, a fena man a babhi tengaʼa, a ta poko na gèɗ ndav auda.

I Rois 14:9

Ka gu skwi ambaɓiaʼa kumba, a fena ndohi mpats ngiɗè tèlèba. Ka gu zhiklèhi ngaya, a ka vüɗo skwi mʼmbèh skwai, a ka pokoy gèɗ ndav auda a vna, a ka ngwoday deɓa.

II Rois 17:14

Aman ta tsena gèɗ ɓai, ta sassaya ndav ta, lèmèlèmè ara man babhi tengaʼa ta gau, man ta fa gèɗ a ma Ndo nzi pèc pècèk, Zhiklè tengaʼa, ɓai.

II Rois 17:15

Ta kwola ma nkwèrè a ma nderzlè-ma man a nderzla a nda babhi ta, a ma malwudai man a mbid ta a vna. Ta dzodzor zhiklè mʼmbèh skwi ambalai, ta nda a ndohi ambalai, a verzi ndohi nte deɓa man ta zhè a tsagi ta, a géɗ tengaʼa man Ndo nzi pèc pècèk a njè ta ma a gèɗ: Kin da gu lèmèlèmè ara tengaʼa ɓai!

II Chroniques 30:8

Kin Sala va ɓai, ara man babhi kinè ta gau. Va-va na va kinè a ri a Ndo nzi pèc pècèk, vo-washkè a sam nengaʼa nkezlaʼa, man nkezla a mèdèp, va-gu mizlinè Ndo nzi pèc pècèk, Zhiklè kinè, gar a da jèkeda ndzoan nengaʼa mbiaʼa a gèɗ kinè.

II Chroniques 33:10

Ndo nzi pèc pècèk a ngaɗa na Manassé a ndohi nengaʼa. Aman ta fa na zlembaɗ ɓai.

II Chroniques 33:23

A mʼmanda gèɗ a hi a sam Ndo nzi pèc pècèk, lèmèlèmè ara man Manassé, bab na, ɓai. Amon, nengaʼa a ngau mali a ma ma.

Néhémie 9:29

Ka ngatsa ta maya, ka woy a ka helka ta a deɓa a sam ma kita ngaya. Aman tengaʼa ta gre gèɗ, ta tsena ma kita a ma nkwèr ngaya bai. Ta gu malai a sam ma man a va na nshèffè a ndo man a jèjèrèʼa. Ta gu ma, ta Sala va ta, a ta gu mèdègèɗ, ta woy a ta cinè ɓai.

Proverbes 29:1

Ndo man ka ngatsa na maya, a tsena gèɗ ɓi genè, a kèlèhi a nasa nasa, skwi ntakaha azɓai.

Esaie 48:4

A géɗ man i suna, ka tsena gèɗ ɓai, gèɗ ndangaʼa a zhiklè, ka mèdègèɗ,

Esaie 5:4

Mizlinè man i ga te gi wof barassa ɓai a zhi ɗè? I zhèr nyi wof man i gada a jèn, sata a myu man a jèn ɓai, èhèmè?

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 25:3

A hüno te mvi 13, man Josias, kra Amon, bi Juda, ha ndikèma patsna, mvi 23, man Ndo nzi pèc pècèk a gaɗayè genè, a gadayè genè, a i wurra na va ngèɗè a prèk te gai; aman kin tsena ɓai.

Jérémie 25:7

Aman kin tsena ma ga ɓai, Ndo nzi pèc pècèk a gaɗa; kin pokoy gèɗ ndav auda a skwi man kin gu a ri kinè, a kin gedassa va kinè a vna.

Jérémie 26:5

ma ɓèlèlihi ga, ndohi nhadka ma man iyè, i zlinde ta, a ta wurrkaɗa a va ngèɗè a prèk te gai, kin tsena ɓai, —

Jérémie 29:19

a géɗ man ta tsena ma ga ɓai, Ndo nzi pèc pècèk a gaɗa. I zlinde ta ɓèlèlihi ga, ndohi nhadka ma, man i zlinde ta, a ta wurra na va ngèɗè a prèk te gai, aman kin tsena ɓai, Ndo nzi pèc pècèk a gaɗa.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 34:14

Te deɓ mvi 7, kin da pre ta kramamhi kinè, ndohi Hébreu, man ta preda va ta a ma a sam kinè, a ta gu mizlinè kinè mvi 6 ma, auda te ɓèlè. Va-pre ta a sam kinè! Aman babhi kinè ta tsena ma ga ɓai, ta fa zlembaɗ ɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 35:17

Gar haha Zhiklè bi mbiaʼa, Zhiklè Israel, a ngaɗa: Anai i zlinda kinè matakwan tèlèba man i goɗ a géɗèʼa, a kokwar Juda, a ndohi kokwar Jérusalem tèlèba; te man i gaɗa ta, a ta tsena ɓai; i baha ta, a ta mbeɗay a ma ɓai.

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 6:10

I gaɗa na ma wa, i gi malwuɗi a sam ngè, a ta fi géɗèʼa? Zlembaɗ tengaʼa nʼndèʼa, ta tsena ɓai. Ma Ndo nzi pèc pècèk ambaha ta ɓai, ta ngwossaha.

Jérémie 6:17

Te deɓaʼa i gaɗa: I va kinè ndohi mɓer kinè. Va-gu maya, aman tolom a tsai! Aman ta gaɗa: Nga woy a nga gi maya ɓai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Jérémie 9:13

Ndo nzi pèc pècèk a gaɗa: A géɗ man ta kwola ma kita ga, man i va ta, ta fa gèɗ a ma ga ɓai, ta dzadzara ɓai,

Ezéchiel 12:2

Ka ndo, ka nza te ndev ndohi mèdègèɗ. Di ta a zhè, ta rka bai. Zlembaɗ ta a zhè, ta tsena ɓai, a géɗ man ta ndohi mèdègèɗ.

Ezéchiel 12:3

Aman ka, ndo, ɓica skwi ndè nshèwèlè a di patsaʼa, a sam di ta. Jèkeda kokwar ngaya a sam di ta, a ko do a kokwar ngiɗè! Wa ngiɗè ba ta rkaʼa: aman ta ndohi mèdègèɗ.

Ezéchiel 20:30

Gar haha gaɗa ta ndohi Israel: Bi Zhiklè a goɗ ar haha: kin lizhè va kinè a maya babhi kinè, a kin jèjèr mʼmbèh skwi tengaʼa dè?

Daniel 9:6

Nga fa gèɗ a ma ndohi nhadka ma, ɓèlèlihi ngaya, ɓai, man ta gada ta bihi nga a tsuvomhi nga a bababhi nga a ndohi herkeda tèlèba a nzlembaɗ ngaya.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Mal. 3:7

A hünkoɗi te bababhi kinè, kin jèkeda ma ga, a kin dzadzara ɓai. Va-menkaɗa deɓa, a i woya a i dè deɓa a sam kinè, Zhiklè bi mbiaʼa a gaɗa. A kin jhèɗèʼa: Nga menkaɗa deɓa èhèmè?

Matthew 21:38

Aman ndohi mizlinè ta rka kra, ta goɗ a va ta: nengaʼa kra nʼndi gai. Vo-washkè, nga-kuɗokoya, a nga da ndi di giaʼa.

Matthew 23:32

Anai, va-rufa skwi man babhi kinè ta gau!

Actes 7:51

Kinè ndohi mèdègèɗ, ndav kinè a zlembaɗ kinè ntil ɓai, kin Sala na va a gèɗ a Mèzhèɓ Zhiklè nkezlaʼa pèc pècèk, lèmèlèmè ara babhi kinè.

Romans 2:5

Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géɗ ngaya, ha pats ndzoan, aman kita nzuraʼa man a Zhiklè a da gudko va a dai,

Deutéronome 8:20

Ka da zi ngaya lèmèlèmè ara ndohi herkeda man Ndo nzi pèc pècèk a mbazl ta a ma ngaya, a gèɗ man ka tsena ma Ndo nzi pèc pècèk, Zhiklè ngaya, ɓai.