Jérémie 7:23 - Ma Zhiklè

²³ Sèi skwi haha man i dzhaɗ ta: Va-tsena ma ga; i da gi a Zhiklè kinè, a kin gi a ndohi ga, a kin dè a civèɗ man i njè kinè tèlèba, a kin nzi amba amba.

Jérémie 7:23 ပူးပေါင်းရင်းမြစ်များ

Job 36:11

Aman ta fa na gèɗ a ma nengaʼa, a pats nshèffè tengaʼa tèlèba ta wèl va, a ta nzi te mwuffe genè.

Psaumes 119:3

man ta gi mali azɓai, man ta dè a civèɗ Zhiklè.

Psaumes 40:6

Ka gu nrkedi kumba a sam nga, ka hur skwi a géɗ nga kumba, Ndo nzi pèc pècèk, Zhiklè ga. Skwi man a lèmdè va a ka, azɓai. I woy a i ngredè nrkedi auda, a i gèɗèʼa; aman i slaha ɓai, ta kumba, ta ngrè azɓai.

Psaumes 81:13

A i jèke ta a ri a ndav tengaʼa nsassa-yaʼa, a ta dzodzor civèɗ ara man ndav ta a woyaʼa.

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Exode 16:32

A Moise a ngaɗa: Ndo nzi pèc pècèk a goɗkoɗa: Agoda staɗ staɗ va-nghedahai, a ndohi verzi kinè ta da sun movar man kin ndau tʼhèshèkèɗ, a pats man i de kinè auda te kokwar Egypte!

Esaie 3:10

Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 13:11

Lèmèlèmè ara man skwi deɓa haha mʼmana te deɓ ndo, ar ndohi Israel tèlèba ta zleɓa a va ga, a ndohi Juda ba, Ndo nzi pèc pècèk a gaɗa, a ta gi a ndohi ga, a nʼnjèl ga, a nslébèrdè ga, a skwi va ga. Aman ta tsena ɓai.

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 38:20

Jérémie a ngaɗa: Ta da va ka a ri a tengaʼa azɓai. Tsena ma Ndo nzi pèc pècèk, man i menda ka, a ka nzi amba, a ka nzi a nshèffè!

Jérémie 42:6

Ko amba, ko ambaɓai, nga cinè ma Ndo nzi pèc pècèk, Zhiklè nga, man nga zlinde ka a sam na, a nga ngècè skwi man amba, aman nga da cinè daʼai Ndo nzi pèc pècèk, Zhiklè nga.

Sophonie 3:2

A cinè ma ndo azɓai, a cè azɓai aman ta ngatsa na maya, a pa ndav a Ndo nzi pèc pècèk ɓai, a nherda na va a Zhiklè nengaʼa ɓai.

Zacharie 6:15

Ndohi man ta zhè a sam ndraʼa, ta da shkè, a ta rèm gi Ndo nzi pèc pècèk. A kin da suna, Zhiklè bi mbiaʼa a nzlindkayè. Skwi haha a da gai, aman kin fi gèɗ a ma Ndo nzi pèc pècèk, Zhiklè kinè a vava.

Zacharie 7:7

Ma haha Ndo nzi pèc pècèk a goɗ te ma ndohi nhadka ma nengaʼa zlèzlèʼa ka ɓi ɗè, aman ndohi ta nza te Jérusalem, te kokwarhi a tsagi nengaʼa dai, a ta nza te pa a gumai, ko te kokwar Négeb a Shéphela, ndo te pa.

Romans 16:26

nʼngreda auda a ɗèlèwèr ndohi nhadka ma antanta. Bi Zhiklè man a nzi a mèdèp a goɗ aman ta senda ta ndohi nte deɓa, aman ta cè a ndav a ta fi gèɗèʼa.

2 Corinthians 10:5

Nga gédèshè skwi man amba man ta huro amba man a woya a gre gèɗ na a sam nshin Zhiklè, a nga gseda nhér gèɗ ndohi tèlèba a hai a ta fi gèɗ a ma Kristi.

Deutéronome 11:27

Ma mpshè ma, aman kin tsena ma nkwèr Ndo nzi pèc pècèk, Zhiklè kinè, man i njè kinè a gèɗ a patsna.

Deutéronome 13:4

Sèi ka jèjèr Ndo nzi pèc pècèk, Zhiklè ngaya, a ka gi zlau nengaʼa, a ka gi ara ma nkwèr nengaʼa a gaɗa, a ka tsena daʼa nengaʼa, a ka gso va a vna!

Deutéronome 13:5

Aman ndo nhadka ma matsa, a ndo man nshunè a keɗa matsa, sèi ta keɗaʼa, a géɗ man a njè ta ma a ndohai, a gaɗa ta, aman ta jèkeda civèɗ Ndo nzi pèc pècèk, Zhiklè ngaya, man a helka ka auda te kokwar Egypte, man a preka ka auda te gi ɓèlè; a ta bi-zhè ta zlawa a civèɗ man Ndo nzi pèc pècèk, Zhiklè ngaya, a nʼngra ka. Sèi ka zede skwi ambaɓiaʼa, auda te ndev ngaya!

Deutéronome 30:2

aman ka da menkada deɓa a sam Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ndav ngaya tèlèba, a nshèffè ngaya tèlèba, ki nè a wudahi ngaya, ara ma tèlèba man i njè ka a patsna,

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Deutéronome 30:8

Aman ka, ka da menkada deɓa a sam Ndo nzi pèc pècèk, ka da fi gèɗ a daʼai nengaʼa, a ka da gi skwi tèlèba ara ma nkwèr haha man i njè ka a patsna.

Deutéronome 4:10

Va-huro pats man kin zlatsa a sam di Ndo nzi pèc pècèk, Zhiklè kinè, a der za Horeb, aman Ndo nzi pèc pècèk a gaɗayè: ɓic ta ndohai, a i njè ta ma ga, a ta slebi ngi zlau ga a pats nshèffè ta tʼherkeda tèièba, a ta slebda ta wudahi ta.

Deutéronome 4:40

Kin da jèjèr ma nkwèr nengaʼa, a ma man a njè kinè a gèɗ, man i gaɗa kine a patsna, a kinè a wudahi kinè kin nzi amba amba, a kin nzi dai tʼherkeda man Ndo nzi pèc pècèk, Zhiklè kinè, a va kinè a mèdèp.

Deutéronome 5:16

Slubordo bab ngaya a mam ngaya, ara man Ndo nzi pèc pècèk, Zhiklè ngaya, a njè ka, a da nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Deutéronome 5:29

Ar a woya ndav tengaʼa ba a goɗ arsa, a ta gi zlau ga pèc pècèk, a ta jèjèr ma nkwèr ga tèlèba pèc pècèk, a tengaʼa, a wudahi tengaʼa, ta nzi amba amba a mèdèp.

Deutéronome 5:33

Va-dzodzor civèɗ man Ndo nzi pèc pècèk, Zhiklè kinè, a ngreda kinè, zuraʼa a kin nzi a nshèffè, a kin nzi a vata te kokwar man kin da kwèrèʼa.

Deutéronome 6:3

Israel, tsenaʼa, dzodzora a nlèɓèslè, a ka da nzi amba, a ka mènè a vata, te kokwar man wa a vongwom a hi te pa, ara man Ndo nzi pèc pècèk, Zhiklè babhi ngaya, a mpasla ka ri a hai.

Hébreux 5:9

Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.