Jérémie 7:20 - Ma Zhiklè

²⁰ Gar haha Bi Zhiklè Ndo nzi pèc pècèk a goɗ ar haha: I gi ndzoan ga mbiaʼa a géɗ sam haha, a géɗ ndohai, a géɗ skwi kuɗom, a géɗ wof te dak, a géɗ skwi man a ftskaɗauda tʼher-keɗa, ndzoan worworaʼa man a mbècè azɓai.

Jérémie 7:20 ပူးပေါင်းရင်းမြစ်များ

II Rois 22:17

A géɗ man ta jèkyè, a ta ndara na ɓurdi a zhiklèhi ngiɗè tsaɗ, a ta pokoy gèɗ ndav auda a skwi man ri tengaʼa a ngau tèlèba. Ndav ga a vècè ara vogwa, a mènèhi azɓai.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Esaie 66:24

Ta dè auda, a ta rka nckondo ndohai man ta kwolyè. Meturɗi te va tengaʼa a metsi azɓai, a vogwa a sam tengaʼa a mbècè azɓai, a ta ndara ta ndohi tèlèba.

Jérémie 11:16

Ndo nzi pèc pècèk a baha ka: ‘Wof tsna man a dai, man nyi nengaʼa amba’! Vogwa a ndiaʼa, nasa nhèzlèwè mbiaʼa, a jèkeda ri wofhi a pa sungwaʼa.

Jérémie 12:4

Kokwar da loyo, skwi mɓayaʼa te dak da gwor na, ta ngèmè? Skwi dak a ɗiakihai ta azɓai a géɗ shèwa ndohi na, man ta gaɗa: Zhiklè a rka civèɗ nga azɓai.

Jérémie 14:16

A ndohi man ta hada ta ma, ta tiɗ ta a mai a civèɗ Jérusalem, a ta kèlèhi a géɗ tsakwal, ndo nda re ta azɓai, tengaʼa a ngwozi ta, a wudahi a dalahi ta. Aranta i da ngwoda ta shèwa tengaʼa a gèɗ.

Jérémie 17:27

Aman kin da tsena ma ga ɓai, kin kezla pats nshèk va ɓai, a kin zhɗɓ skwi a gèɗ, a kin bizhè a ntamagi Jérusalem a pats nshèk va a vna, i da fa na vogwa a ntamagi nengaʼa, a da ndeda gihi bi te Jérusalem a ma, a mbècè azɓai.

Jérémie 17:4

Skwi nʼndi gi ngaya man i va ka asaɓai, a i ge ka a ɓèlè te kokwar man ka sun ɓai, te man ndav ga a vècè ara vogwa man nvatsa a mèdèp.

Jérémie 18:23

Aman ka, Ndo nzi pèc pècèk, ka sun skwi man ta hérèʼa; ta woy a ta kedyè. Ka pra ta mali tenga ɓai, mali tengaʼa da nza a sam di ngaya! Ka manda ndav ngaya a hi a géɗ tenga ɓai, ha pats man ka rufa ndzoan ngaya a sam ta!

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 44:6

Te deɓaʼa ndzoan ga mwuɗitpa a ngau, a nfa na vogwa a kokwarhi Juda tèlèba, a civèɗ Jérusalem, ta mbeɗ ta, ta ga a dikai, ara man a zhè a patsna.

Jérémie 6:11

Ndav ga nʼndha a ndzoan Ndo nzi pèc pècèk; i slaha a i gshè a hi ɓai. Sèi i ga na a va kra ngiɗè a civèɗ, a va golahi tè-lèba man ta ɓica va, ko ngurhi a ngwozai, ko babgihai, ko ndohi nhalaʼa, i ga ta a va.

Jérémie 6:12

Gihi tengaʼa, ndohi ngiɗè ta da ngè-cèʼa, a gi lak ba, a ngwozi ba, aman a vava i gidè ri ga a géɗ ndohi kokwar, Ndo nzi pèc pècèk a gaɗa.

Jérémie 8:13

I da ndev ta, Ndo nzi pèc pècèk a gaɗa. Nyi wof azɓai te gi lak, nyi kslor a te pa ɓai, vah a wush na, i da va ta a ndohi man ta bizhè a tsagiaʼa.

Lamentations de Jérémie 4:11

Ndo nzi pèc pècèk a ga nga ndzoan a gèɗ tèlèba, a nkoldoko nga ndzoan a gèɗ, a nfa na vogwa a Sion, man a ndu verziaʼa ba.

Ezéchiel 22:22

Ara verzhègenè man ta tia te gezla, i da te kinè te Jérusalem, a kin gi a skwi man ta wèslè te gezla, a kin da suna, lyè Ndo nzi pèc pècèk, man i ga kinè ndzoan a va.

Ezéchiel 7:12

Tiɗè samaʼa, patsa ndul ndul ma! Ndo mshum skwai da wuffa ɓai, ndo mprè skwai da hur gèɗ ɓai, aman ndzoan a mshkè a gèɗ ndohi tèlèba.

Ezéchiel 7:14

Va-tsu tolom var, va-tilda va a hai! Aman ndo a dè var azɓai, a gèɗ man ndzoan ga a shkè a géɗ tenga tèlèba.

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Sophonie 1:2

I woy a i zede skwi tèlèba a géɗ herkeda, Ndo nzi pèc pècèk a gaɗa.

Sophonie 1:3

I gedas ta, a ndohi ba, a skwi ndzham ba, a ɗia-kihi tʼhwaɗ giɗfèk ba, a klèf te woyam ba. I gi a ndohi ambaɓihiaʼa ta wush ta hai, a i zede ndo a géɗ herkeda, Ndo nzi pèc pècèk a gaɗa.

Zacharie 7:12

Ta sassaya ndav ta ara ɗazkwa, a ta tsena ma kita Zhiklè man a goɗ te ma ndohi nhadka ma nengaʼa te Mèzhèɓ nengaʼa ɓai. A Zhiklè bi mbiaʼa a ngu ndav a géɗ tengaʼa kumba.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Matthew 3:12

Kokwi te ri nengaʼa. A nengaʼa a da pèvè dau a hedak tèlèba. Dau nengaʼa a da ɓicè a wov, aman topok dau a fa na vogwa man a mbècè asaɓai.

Apocalypse 14:10

sèi a si kokwi ndzoan Zhiklè a géɗagèɗ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezlaʼa, a sam di kra tambak.