Jérémie 7:19 - Ma Zhiklè

¹⁹ Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Jérémie 7:19 ပူးပေါင်းရင်းမြစ်များ

Esdras 9:7

Daga babhi nga, ha mshkè na mpatsna, mali nga mbiaʼa, a géɗ mphömè nga man nga gau, ka pe nga a ri bihi herkeda, a ma tsakwal, a dangai, a ɓèlè, a ri metsarhai, nga a bihi nga, a ndohi mvi skwi a Zhiklè nga; a nga zhè a hori a dai a patsna.

Job 35:6

Aman ka gi malai, ka ga na Zhiklè mè? Aman ka gi mali a vata, a ga na Zhiklè dara te mè?

Esaie 1:20

Aman kin woya ɓai, a kin kwolyè genè, ta da bazl kinè a tsakwal. Aman Ndo nzi pèc pècèk a ngoɗ te ma na.

Esaie 1:24

Gar haha, Bi Zhiklè bi mbiaʼa, Bi wuɗai, a gada: Yowa, i woya aman i ngwossaha ta ndohi shèwa ga, a ndohi mayamhi ga ta pulkoy gèɗ!

Esaie 45:16

Ndohi mayamhi ngaya tèlèba ta ngots hori a dai, gèɗ ta ndzakaɓ na. Ngwozlazlihi mʼmbèh skwai ta kal ta, ta ndara ta ndo-hai.

Jérémie 15:9

Ngwoz man a myu wud 7, ani nhom na, nshèffè na a ndiv na, a metsi ara delai, hori a dai, mphomda. Njèkèdiaʼa i da pe ta a ri a mayamhi tengaʼa, tsakwal a bazl ta, Ndo nzi pèc pècèk a gaɗa.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 20:11

Aman Ndo nzi pèc pècèk a zhè a iyè, ara ngul ndo mbiaʼa. Gar haha ndohi mparahayè ta da kèlèhai, ta slaha ta gay skwa ɓai. Ta da ngècè hori a di a nasa nasa, ta slaha ɓai, hori mbiaʼa a pca ta a gèɗ azɓai.

Jérémie 22:22

Ndohi nwèr skwi ngaya, kozlar a da hel ta ma; a ndohi man ta woy ka, ta da gi ɓèlè. Te deɓaʼa ka ngècè hori a dai, gèɗ ngaya ndzakaɓa te ri mali ngaya tèlèba.

Jérémie 25:7

Aman kin tsena ma ga ɓai, Ndo nzi pèc pècèk a gaɗa; kin pokoy gèɗ ndav auda a skwi man kin gu a ri kinè, a kin gedassa va kinè a vna.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 44:3

A géɗ skwi man ambaɓai man ta gau, a ta pokoy gèɗ ndav auda a vna, a to do a ta vi skwi a ta gi mizlinè zhiklè ngiɗè, man ta sen ta ɓai. Kinè a babhi kinè kin gau arsa.

Jérémie 8:19

Fu zlembaɗ, kuɗ ndohi ga a cinè dra! Ndo nzi pèc pècèk nte Sion ka ɓi dè, bi na nte pa ka ɓi dè? Ta pokoy gèɗ ndav auda a mʼmbèh skwi tengaʼa èhèmè? A mʼmbèh skwi te kokwar ngiɗè man a takaha ta azɓai?

Jérémie 9:19

Wobau a tsenkaɗi te Sion. Nga gedassa! Hori a di nga! Sèi nga jèkeda kokwar, gi nga ngedassaʼa.

Ezéchiel 16:26

Ka gu mphömè a nda ndohi Egypte, nslamagihi ngaya man wuɗi ta zhè, a ka gu mphömè a ma ma, a ka pokoy gèɗ ndav auda a vna.

1 Corinthians 10:22

Aman nga woy a nga poko na gèɗ auda a Bi Yèsu a ngi srak ɗè? Nga fena wuɗi nengaʼa ɗè?

Deutéronome 32:16

Ta poko na gèɗ ndav auda a srak a nda mblom; ta poko na gèɗ ndav auda a nda skwi mʼmbèh skwai.