Jérémie 7:17 - Ma Zhiklè

¹⁷ Ka rka skwi man ta gu te kokwar Juda, a civèɗ Jérusalem ka ɓi dè?

Jérémie 7:17 ပူးပေါင်းရင်းမြစ်များ

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 32:29

Ndohi Chaldée ta da shkè a pa, ta da gi var a kokwar haha, ta da fa na vogwa a kokwar haha, a vogwa a nʼndeda ma. Lèmèlèmè gihai man ta va na skwi a Baal a géɗèʼa, a ta va ta skwi a zhiklèhi ngiɗè, a ta pokoy gèɗ ndav auda a vna.

Jérémie 32:32

A géɗ skwi man ambaɓi tèlèba man ndohi Israel a ndohi Juda ta gau, a ta pokoy gèɗ ndav auda a vna, tengaʼa bihi ta a wud bihi ta, ndohi mvi skwi a Zhiklè ta, a ndohi nhadka ma ta, ndo te Juda a ndohi kokwar Jérusalem.

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Jérémie 44:4

I zlinde ta ɓèlèlihi ga tèlèba, ndohi nhadka ma, i zlinde ta a ta wurra na va a ngèɗè a prèk te gai, a i gaɗa ta: Kin gu skwi hori man a ndarayè ɓai!

Jérémie 44:6

Te deɓaʼa ndzoan ga mwuɗitpa a ngau, a nfa na vogwa a kokwarhi Juda tèlèba, a civèɗ Jérusalem, ta mbeɗ ta, ta ga a dikai, ara man a zhè a patsna.

Jérémie 6:27

Zhiklè a ngaɗa na Jérémie: I ge ka a ndo njkeda ndohi ga, a ka suna, a ka jkeda maya nshèffè ta.

Jérémie 7:16

Zhiklè a ngaɗa na Jérémie: Aman ka, ka tsu ri a géɗ ndohi haha ɓai, ka gu mbuh mbuh a géɗ tenga ɓai, ka tsu ri kam kam ɓai, i cè ntsi ri ngaya azɓai.

Jérémie 7:18

Wudahi ta pèr shègwa, babhi ta ta kèl vogwa, ngwozi ta shidè a ta ta na movar a ngwoz man ta sla na zhiklè, a ta va ta skwi nsai a zhiklèhi mbèh skwai, a ta pokoy gèɗ ndav auda a vna.

Ezéchiel 14:23

Ta da bid kinè, aman kin rka maya nshèffè ta, a skwi man ta giaʼa, a kin da suna, skwi tèlèba man i ga na kokwar, i gau ambali ka ɓai, Bi Zhiklè a gaɗa.