Jérémie 7:13 - Ma Zhiklè

¹³ A géɗ man kin gi skwi haha tèlèba, Ndo nzi pèc pècèk a gaɗa, a kin woy a kin tsena ma ga ɓai, ko i gèɗè a prèk, ko i gèɗè a dakwaɗ, ko i baha kinè, kin mbeɗay a pa azɓai,

Jérémie 7:13 ပူးပေါင်းရင်းမြစ်များ

Proverbes 1:24

I baha kinè – kin woya ɓai. I kutèka kinè rai – kin paka di azɓai.

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 65:12

i woya a i zlinda kinè tsakwal, a kin tè-lèba kin güɓdè deɓ a hai a sam man ta bazl kinè a pa. Aman i boho, kin mbeɗay a pa ɓai; aman i godo, kin tsena ɓai; aman kin gau skwi man ambaɓai a sam ga, a skwi man i woya ɓai kin woya holholaʼa.

Esaie 66:4

Lèmèlèmè i da wuffè a gèɗ skwi man ambaɓai man i da ga ta, man a ndara ta. Aman i boho, ta mbeɗkay a ma ɓai. Aman i goɗo, ta tsena ɓai. Aman ta gu skwi man ambaɓai a sam ga; a skwi man i woya ɓai, ta woya holholaʼa.

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 13:11

Lèmèlèmè ara man skwi deɓa haha mʼmana te deɓ ndo, ar ndohi Israel tèlèba ta zleɓa a va ga, a ndohi Juda ba, Ndo nzi pèc pècèk a gaɗa, a ta gi a ndohi ga, a nʼnjèl ga, a nslébèrdè ga, a skwi va ga. Aman ta tsena ɓai.

Jérémie 25:3

A hüno te mvi 13, man Josias, kra Amon, bi Juda, ha ndikèma patsna, mvi 23, man Ndo nzi pèc pècèk a gaɗayè genè, a gadayè genè, a i wurra na va ngèɗè a prèk te gai; aman kin tsena ɓai.

Jérémie 26:5

ma ɓèlèlihi ga, ndohi nhadka ma man iyè, i zlinde ta, a ta wurrkaɗa a va ngèɗè a prèk te gai, kin tsena ɓai, —

Jérémie 29:19

a géɗ man ta tsena ma ga ɓai, Ndo nzi pèc pècèk a gaɗa. I zlinde ta ɓèlèlihi ga, ndohi nhadka ma, man i zlinde ta, a ta wurra na va ngèɗè a prèk te gai, aman kin tsena ɓai, Ndo nzi pèc pècèk a gaɗa.

Jérémie 32:33

Ta ngwoday deɓa, ma ka ɓai. Ko i slebda ta daga pats nshèlèkuraʼa, ta tsena ɓai, ta ca skwi man i slebda ta ɓai.

Jérémie 35:14

Ta co ma Jonadab, te verzi Recab, man a njè ta a gèɗ a wudahi na, da sau zom ɓai, a ta sa ɓai ha patsna, a géɗ man ta tsena ma man bab ta a njè ta a gèɗ. A iyè, i gaɗa kinè, i wurra na va a prèk te gai, aman kin tsena ma ga ɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 35:17

Gar haha Zhiklè bi mbiaʼa, Zhiklè Israel, a ngaɗa: Anai i zlinda kinè matakwan tèlèba man i goɗ a géɗèʼa, a kokwar Juda, a ndohi kokwar Jérusalem tèlèba; te man i gaɗa ta, a ta tsena ɓai; i baha ta, a ta mbeɗay a ma ɓai.

Jérémie 44:23

A géɗ man kin vau skwi a kin gau malai a sam Ndo nzi pèc pècèk, kin tsena ma nengaʼa ɓai, a kin dzadzara ma kita nengaʼa ɓai, ma nkwèr nengaʼa, ma malwuɗi nengaʼa, a géɗ nengaʼa kin kala a matakwan, ara man kinè te pa, a patsna.

Jérémie 44:4

I zlinde ta ɓèlèlihi ga tèlèba, ndohi nhadka ma, i zlinde ta a ta wurra na va a ngèɗè a prèk te gai, a i gaɗa ta: Kin gu skwi hori man a ndarayè ɓai!

Jérémie 5:21

Kinè ndohi nrzlaʼa, man maya kinè azɓai, va-tsena ma haha! Di kinè a zhè, kin rka ɓai; zlembaɗ kinè a zhè, kin tsena ɓai.

Jérémie 6:10

I gaɗa na ma wa, i gi malwuɗi a sam ngè, a ta fi géɗèʼa? Zlembaɗ tengaʼa nʼndèʼa, ta tsena ɓai. Ma Ndo nzi pèc pècèk ambaha ta ɓai, ta ngwossaha.

Jérémie 7:25

Daga pats man i helka ta babhi kinè auda te kokwar Egypte, ha patsna, i zlinde ta ɓèlèlihi ga tèlèba, ndohi nhadka ma, a prèk ba, a dakwaɗ ba.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Osée 9:17

Zhiklè ga a da kwol ta, te man ta tsena ma nenga ɓai, a ta da zlak ta te va ndohi herkeda.

Zacharie 7:13

Aman a mboho, tengaʼa ta fa zlembaɗ ɓai, Zhiklè bi mbiaʼa a gaɗa. Lèmèlèmè tengaʼa ta bèhè antanta, a iyè, i fi zlembaɗ azɓai.

Matthew 23:37

Jérusalem, Jérusalem, man ka bazl ta ndohi nhadka ma, man ka kal ta ndohi man Zhiklè a nzlinde ta a sam ngaya, a kwa! Sak ngama, man i woy a i ɓic ta wudahi ngaya a sam ga, ara wotsak, man a ɓic ta wudahi na a hwaɗ kelpasl na. Kin woya ɓai.