Jérémie 6:23 - Ma Zhiklè

²³ Lèkèd a tsakwal te rai; ndohi mwuɗitpa, ndo a se ta te va azɓai. Ta hakaɗai ara iyam mbiaʼa, ta a deɓ plèsh, skwi var a va, a géɗ ngaya, kokwar Sion.

Jérémie 6:23 ပူးပေါင်းရင်းမြစ်များ

Esaie 10:32

A patsna ba a zhè te Nob, a kutèka na ri a di a za a kokwar Sion, a di a za Jérusalem.

Esaie 13:18

Ta ɓàr ta golahi a lèkèɗ. Wud ndohai, ko kra nkèshèʼa, ta jèkè azɓai, ta se ta te va azɓai.

Esaie 17:12

Hai, wobau! Nrubai ndohi herkeda kumba! A cinè ara iyam mbiaʼa man a hai.

Esaie 19:4

A i woya a i va ta ndohi Egypte a ri a bi man mwuɗitpa, bi man a ga ta shèwa, a da kwor ta, Bi Zhiklè bi mbiaʼa a gaɗa.

Jérémie 25:32

Zhiklè bi mbiaʼa a gaɗa: Skwi ambaɓiaʼa a zlèzlèmè a géɗ ndohi herkeda a ma ma, ara ndombozlor man a tèuda herkeda.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 4:13

Na haha ndo a slambaɗkaɗa ara vanai, kiki nengaʼa, ara kozlar, plèshi nengaʼa ta hai ta fena vezai. Woba nga, nga za!

Jérémie 4:16

Va-gaɗa ta ndohi herkeda ma haha, va-njè ta ndohi Jérusalem! Ndohi nʼnza na a ma kokwar Jérusalem ta shkè te kokwar ngiɗè dra, ta bèhè a géɗ kokwarhi Juda.

Jérémie 4:29

Ndohi kokwar tèlèba ta hu ta a sam nhèzlèwè ndohi plèsh a ndohi lèkèɗ. Ta ngheda va a hwaɗ skwai, ta hu ta a za. Ta jèkeda kokwarhi tèlèba; ndohi a te pa ɓai.

Jérémie 5:16

godoma tengaʼa, mʼmetsi te pa, tèlèba ngul ndohai.

Jérémie 50:41

Na haha ndohi herkeda ta shkè te man a géɗèʼa, ndohi herkeda mbiaʼa, a bihi kumba, ta da slèmbèdè te verzi herkeɗa.

Jérémie 50:42

Lèkèɗ a zhèngèzhè te rai, wuɗitpa, ndo a se ta te va azɓai, daʼai tengaʼa nara kuɗ iyam. Ta a deɓ plèsh, ta ʼdaha va a var, ara ndo staɗ a gèɗ ngaya, kokwar Babylone.

Jérémie 6:4

Va-tila va a var a géɗ kokwar haha! Va-slambaɗa, ngo-dokona var a géɗ pats! Woba nga, pats a kèlèhi ma, sam a pizlè ma.

Jérémie 8:16

Te Dan a tsenko kuɗ plèshihi na, nhèzlèwè ndohi plèsh nengaʼa a gudzeda herkeda tèlèba. Ta da shkè a ta ndeda kokwar a skwi na tèlèba a ma, kokwar a ndohi te pa.

Ezéchiel 21:31

Bi Zhiklè a goɗ ar haha: Feda mpèɗè gèɗ a hai, ce na mpèɗè gèɗ auda te gèɗ! Skwa da nza a gèɗ bai! Skwi tʼhai do do a géɗèʼa! Skwi nte géɗèʼa da shkè a hai, a i woy a i mbeda kokwar, i mbeda mʼmbedè.

Deutéronome 28:49

Ndo nzi pèc pècèk a da zlinde ta ndohi herkeda ngiɗè te verzi herkeda dra, man ta shkè a géɗ ngaya ara mangayak; ndohi herkeda man ka sun daʼai tengaʼa ɓai,