Jérémie 6:19 - Ma Zhiklè

¹⁹ Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 6:19 ပူးပေါင်းရင်းမြစ်များ

Proverbes 15:26

Skwi ambaɓiaʼa man ndo a hérèʼa, a ndara na Ndo nzi pèc pècèk; aman ma mbelaʼa, ntila a sam na.

Proverbes 28:9

Ndo man a ndè zlembaɗ a ma kita Zhiklè, ko ntsi ri nengaʼa a ndara na Zhiklè.

Esaie 1:2

Kin giɗfèkihai, vatsenaʼa! Herkeda, fu zlembaɗ! Aman Ndo nzi pèc pècèk a gèɗè: I gra wudahai, a ta ge ta a mbiaʼa, a ta kwolyè.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Esaie 59:7

Sak tengaʼa ta hi a sam ambaɓiaʼa, ta vèshè va a nkédè ndo. Skwi man ta hérèʼa, skwi malai. A sam man ta bizhè a pa, ta jèkeda gi mʼmbeɗa, a dikai, a pa.

Esaie 66:18

I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Jérémie 11:11

Gar haha Ndo nzi pèc pècèk a gaɗa: Na haha i ngwoda ta matakwan a gèɗ, man ta slaha ta mbelè auda te pa azɓai. Ta da kuɗi a sam ga, aman i da cinè ma tengaʼa azɓai.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 17:10

Iyè Ndo nzi pèc pècèk, i jkeda ndav ndo, i wuzhèʼa tʼhwaɗaʼa, a i va na a ndo staɗ staɗ ara skwi man a giaʼa, a skwi man a nʼngots te pa.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 19:3

Goɗ: Kinè bihi Juda a ndohi Jérusalem, va-tsena ma Ndo nzi pèc pècèk! Zhiklè bi mbiaʼa, Zhiklè Israel, a goɗ ar haha: i da geda matakwan a sam nta, ko wawa man a tsenaʼa, a woya a mpizlè zlembaɗ na.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 22:29

Herkeda, herkeda, herkeda, tsena ma Ndo nzi pèc pècèk!

Jérémie 29:19

a géɗ man ta tsena ma ga ɓai, Ndo nzi pèc pècèk a gaɗa. I zlinde ta ɓèlèlihi ga, ndohi nhadka ma, man i zlinde ta, a ta wurra na va ngèɗè a prèk te gai, aman kin tsena ɓai, Ndo nzi pèc pècèk a gaɗa.

Jérémie 4:14

Jérusalem, pana ndav ngaya te mali tèlèba, aman ka mbél ngaya! Mali man ka hérèʼa a da nzi a ndav ngaya ta ahngwa?

Jérémie 4:16

Va-gaɗa ta ndohi herkeda ma haha, va-njè ta ndohi Jérusalem! Ndohi nʼnza na a ma kokwar Jérusalem ta shkè te kokwar ngiɗè dra, ta bèhè a géɗ kokwarhi Juda.

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jérémie 49:37

Ndohi Elam ta da gudzi te ri mayamhi ta, man ta woy a ta zede nshèf-fè ta. I da ga ta matakwan, a ndzoan ga mbiaʼa, Ndo nzi pèc pècèk a gaɗa. I prè tsakwal a verzi ta, ha man i da ndev ta.

Jérémie 6:10

I gaɗa na ma wa, i gi malwuɗi a sam ngè, a ta fi géɗèʼa? Zlembaɗ tengaʼa nʼndèʼa, ta tsena ɓai. Ma Ndo nzi pèc pècèk ambaha ta ɓai, ta ngwossaha.

Jérémie 6:18

Gar haha, kinè ndohi herkeda, kinè ndohi mɓicaʼa, va-tsena skwi man a da ga ta.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Osée 10:13

Kin zlekau malai, kin ɓico skwi nzura ka ɓai. Kin ndau skwi man a shkè auda te ncèkèlma. Aman ka pu di a civèɗ ngaya, a ka pu ndav a ngul ndohi ngaya kumba,

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Amos 2:4

Ndo nzi pèc pècèk a goɗ ar haha: A géɗ mali kokwar Juda man a gi makar, a gi faɗ, i méndè kita a deɓa azɓai, a géɗ man ta kwola ma kita Ndo nzi pèc pècèk, a ta dzadzara ma nkwèr nengaʼa ɓai, ta gau ara babhi ta, ncèkèlma tengaʼa a nzlakede ta.

Michée 1:2

Kinè ndohi tèlèba, va-tsenaʼa! Herkeda a skwi tèlèba te pa, va-fu zlembaɗ! Bi Zhiklè, Ndo nzi pèc pècèk, da gu malwuɗi a géɗ kinè; Bi Zhiklè da gu malwuɗai te gi nengaʼa nkezlaʼa!

Michée 6:2

Zahai, va-tsena mversl ma Ndo nzi pèc pècèk, verzi herkeda, fu zlembaɗ! Aman Ndo nzi pèc pècèk a virslè a ndohi na, a gi kita ndohi Israel.

Jean 12:48

Ndo man a kwolyè, a cè ma ga azɓai, kita nengaʼa a zhè ma. Ma man i gèɗèʼa, nengaʼa a gi a kita na, a pats nʼndikèma skwai.

Actes 8:22

Gar haha sèi ka menkada deɓa te mali ngaya, a ka tsi ri a Bi Zhiklè, gar a pra ka mali man ka hur arsa.

Deutéronome 30:19

A patsna giɗfèk a herkeda malwuɗihi ga: i ngra ka nshèffè a mʼmetsai, mpshè ma a ma mphomdaʼa. Ngotsko nshèffè auda! – a ka da nzi a nshèffè, ka a ndohi te verzi ngaya,

Deutéronome 32:1

Kinè giɗfèkihai, va-fu zlembaɗ, i woy a i gèɗè. Herkeda, tsena ma ga!

Deutéronome 4:26

a patsna i bèhè giɗfèk a herkeda a malwuɗi a géɗ kinè — kin da zi kinè tʼherkeda man kin tawaɗa woyam Jourdain a pa, a kin nzi a pa azɓai, kin da gedas kinè.

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.

I Samuel 15:26

Samuel a ngaɗa na Saul: Nga dè a ka azɓai; a géɗ man ka kwola ma Ndo nzi pèc pècèk, Ndo nzi pèc pècèk a kwol ka, a ka gi bi ndohi Israel asaɓai.