Jérémie 6:17 - Ma Zhiklè

¹⁷ Te deɓaʼa i gaɗa: I va kinè ndohi mɓer kinè. Va-gu maya, aman tolom a tsai! Aman ta gaɗa: Nga woy a nga gi maya ɓai.

Jérémie 6:17 ပူးပေါင်းရင်းမြစ်များ

Esaie 21:11

Nhodko ma a géɗ Duma. I tsena man ta bahayè te kokwar Seir: Ndo mɓer kokwar, vaɗ a pa di ɗè? Sam ntèkè? Ndo mɓer kokwar, vaɗ a pa di ɗè? Sam ntèkè?

Esaie 56:10

Ndohi mɓer ndohi ga ta tèlèba mandazlihai, ta sun skwa ɓai. Ta tèlèba kdadihai man ta winè ma azɓai, ta slaha ta bkwè ɓai. Ta nzi zumbutaʼa, ta manahai, ta woy ta nzhun ta.

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Esaie 62:6

Jérusalem, i pau ndohi mɓer zlazlar kokwar ngaya. Ta nzi ɓeslè azɓai, ko pats ko vaɗ. Kinè man kin wina na zlembaɗ a Ndo nzi pèc pècèk, aman Sion a pca na a gèɗ azɓai, kin jèkeda mbèhè ɓai!

Jérémie 18:12

Aman ta da gaɗa: Nga geda matakwan a va ambalai. Aʼai, nga woya nga jèjèr skwi te ndav nga, staɗ staɗ tèlèba a gi ara man a hur te ndav nengaʼa nsassayaʼa, man ambaɓai.

Jérémie 25:4

Ndo nzi pèc pècèk a nzlinda kinè ɓèlèlihi nengaʼa tèlèba, ndohi nhadka ma, a ta wurra na va nhèd ma a prèk te gai; aman kin tsena ɓai, kin fa ta zlembaɗ ɓai.

Jérémie 6:18

Gar haha, kinè ndohi herkeda, kinè ndohi mɓicaʼa, va-tsena skwi man a da ga ta.

Jérémie 7:28

Ka da gaɗa ta; na haha ndohi herkeda man ta woy a ta tsena ma Ndo nzi pèc pècèk, Zhiklè tengaʼa ɓai, ta cè azɓai man a ngatsa ta maya. Ma nzuraʼa azɓai, ma nzuraʼa a te ma ta ɓai.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 3:7

Aman ndohi Israel ta woy a ta tsena bai, ta fi zlembaɗ a ma ga azɓai; aman gèɗ ndohi Israel tèlèba nshfaʼa ndav tengaʼa ngwora.

Osée 8:1

Tsu tolom! Kala ta va a ndohi gi Ndo nzi pèc pècèk, ara mangayak, a géɗ man ta tawaɗaha nderzlè-ma ga, a ta gu malai, a ta jèkeda ma kita ga.

Habakuk 2:1

I woy a i zlècè a sam man i ɓer kokwar a pa, i zlècè a géɗ gi ndakmaʼa, a i zhèrèʼa, a i rka, a da gaɗkay ma mè? A da mbeɗkay a ntsi ri ga kè?

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Hébreux 13:17

Va-fa na gèɗ a ma ndohi ncè kinè ma, va-dzodzor tengaʼa man ta ɓer nshèffe kinè; ta ara ndohi man Zhiklè a da dzhaɗ ta a géɗèʼa. Va-gu aman ta slaha a ta gi mizlinè tengaʼa a mwuffè; man ta ɗish va a ta kuɗai, a takaha kinè te mè?