Jérémie 6:15 - Ma Zhiklè

¹⁵ A woy ta gi hori a géɗ skwi man ta gau, skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Jérémie 6:15 ပူးပေါင်းရင်းမြစ်များ

Genèse 19:34

A prèk tsuvomaʼa a ngaɗa na mbegéɗèʼa: Na haha nga mana a bab ga adatsa. A patsna a vad nga da va na barassa zaʼa, te deɓaʼa ka, kin dè mènè a vna, a verzi bab nga a zi azɓai.

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Proverbes 29:1

Ndo man ka ngatsa na maya, a tsena gèɗ ɓi genè, a kèlèhi a nasa nasa, skwi ntakaha azɓai.

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Jérémie 14:15

Gar haha Ndo nzi pèc pècèk a goɗ ar haha a géɗ ndohi nhadka ma, man ta hodko ma a nzlembaɗ ga, man i zlinde ta ɓai, a ta gaɗa: tsakwal a mai a gi a kokwar haha azɓai. Ndohi nhadka ma haha sèi da bazl ta a tsakwal, da teɗ ta a mai!

Jérémie 18:23

Aman ka, Ndo nzi pèc pècèk, ka sun skwi man ta hérèʼa; ta woy a ta kedyè. Ka pra ta mali tenga ɓai, mali tengaʼa da nza a sam di ngaya! Ka manda ndav ngaya a hi a géɗ tenga ɓai, ha pats man ka rufa ndzoan ngaya a sam ta!

Jérémie 23:12

Gar haha civèɗ tengaʼa a da slafadama ta sak te ruva: kwa a da tsama ta sak, a ta wush ta hai, aman i da ngwoda ta mali ta a gèɗ, tʼhwaɗ mvi kita ta, Ndo nzi pèc pècèk a gaɗa.

Jérémie 3:3

A iyam a ngakaɗa herkeda ɓai, iyam nzlekai mshkè ɓai. Di ngaya di fali ngwoz, ka woy a ka gi hori ɓai.

Jérémie 44:10

Kin hur mali ɓai, ha patsna, kin ga zlau ɓai, kin dzadzara ma kita a ma nkwèr ga man i va kinè, a i va ta babhi kinè, ɓai.

Jérémie 5:29

I gi ndzoan a pa azɓi ɗè? I ga ta kita a ndohi ar haha, a ta pil gèɗ, azɓi dè? Ndo nzi pèc pècèk a gaɗa.

Jérémie 5:9

I gi ndzoan a pa azɓi dè? Ndo nzi pèc pècèk a gaɗa. Ndohi herkeda aranta ta pil gèɗ azɓi dè?

Jérémie 8:12

A woy ta gi horai a gèɗ man ta gau skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Ezéchiel 13:14

I da mbeɗa zlazlar man kin geda slalia a pa, a i mbeɗdahai kala verziaʼa. A mʼmbeɗ na, a kin zi kinè te pa, a kin da suna, i Ndo nzi pèc pècèk.

Ezéchiel 2:4

I zlinde ka a sam ta, a sam ndohi haha man ta sassaya di ta, a ta gwora ndav ta. A ka da gaɗa ta: Bi Zhiklè Ndo nzi pèc pècèk, iyè man i goɗ ar haha:

Ezéchiel 24:7

Aman Pombaz man ta badahi a zhè a pa dai, a géɗ pra, ta vsha na herkeda a di bai.

Osée 4:5

Skwi a slafadama ka sak a pats, a ndo mvi skwi a Zhiklè ba a kèlèhi a nda ka a vaɗ, a i da gedassede mam ngaya aussa.

Osée 9:7

Pats kita a mshkè ma, pats mpil gèɗ a mshkè ma. Ndohi Israel ta da suna. Ndo nhadka ma a nrzl na a pa. Ndo man Mèzhèɓ Zhiklè te ndav na, a nyakedama na gèɗ. A géɗ mali ngaya man kumba, kita ba a gi mbiaʼa.

Michée 3:6

Gar haha kin da nzi te ruva. Kin rka skwi man a ma azɓai, kin ngècè skwi man kin hèdè ma a géɗèʼa azɓai. A sam ndohi nhadka ma haha pats a kèlèhai, pats a ngwoda na a ruva.

Michée 7:4

Mwoy-ndo man ta woy ndo a vna, nara ncèkncèkè sulom. Ngi-zuraʼa tengaʼa nara zlazlar vatak. Pats man ta da war ka, a ta ga ka kita, kalka ma. Antanta ta gi zlau ma.

Sophonie 2:1

Va-haya va, va-ɓica va, kinè nder-kèzhè ndohai,

Sophonie 3:5

Ndo nzi pèc pècèk te ndev tengaʼa, zuraʼa, a gi skwi zuraʼa ka ɓi azɓai. A prèk a prèk a bèzlè kita, skwi nhél sam na zhè, aman a ngreda malai.

Zacharie 13:4

A da gi a pats nasa, ndohi nhèdè ma tèlèba, hori a da gi a di ta, man mèzhèɓ nhèd ma a shkè a géɗ tengaʼa; a ta vi bkwi a va ara maslaka, a ta cèkèl ma azɓai.

Matthew 15:14

Va-jèke ta, tengaʼa ndohi ncè ta ma mandazlihai, man ta rka di ɓai. Aman mandazlai a fidè ma mandazli ngiɗè, cèw, ba ta da wushè a vèvèɗ.

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.