Jérémie 52:27 - Ma Zhiklè

²⁷ A bi Babylone a mbazl ta, a mbazl ta te Ribla, te kokwar Hamath. Aranta Juda a ndo a ngu ɓèlè, dra a sam herkeda na.

Jérémie 52:27 ပူးပေါင်းရင်းမြစ်များ

II Samuel 8:9

Aman Thoi, bi Hamath, a ntsenaʼa, David a mbazl ta ndohi var Hadedézer tèlèba,

II Rois 17:20

A Ndo nzi pèc pècèk a nkwol ta ndohi Israel, a mʼmanda ta gèɗ a hai, a mpe ta a ri metsarhai, ha a ndzam ta auda a sam di nengaʼa dra.

II Rois 17:23

ha Ndo nzi pèc pècèk a ndzam ta auda a sam di na dra, ara man a nguv ta te ma ndohi nhadka ma, ɓèlèlihi nengaʼa tèlèba, a ndohi Assyrie ta hel ta ndohi Israel a ɓèlè, ha patsna.

II Rois 23:27

Ndo nzi pèc pècèk a gada: Ko Juda ba, i da dzama na auda dra a sam di ga, lèmèlèmè ara man i dzama Israel. A i kwola kokwar haha, Jérusalem, man i ngotskoɗauda, a gi ba, te nengaʼa man i gada: nzlembaɗ ga a da nzi a pa, i da kwolaʼa.

Esaie 24:3

Herkeda nkslahdaussa, herkeda mʼmbatseda pa. Ndo nzi pèc pècèk a ngoda.

Esaie 27:10

Kokwar mbiaʼa a nza, ndohi ta jèkeda, ndo a te pa ɓai, nʼnza a pa ara hèshèkèɗ. Kra zlè a da ndi mandi te pa, a mènè a pa, a ndeda vah ntustusaʼa tèlèba a ma.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Jérémie 13:19

Kokwarhi te dukwaɗ ta pizlèa ma, ndo mwinèa azɓai. Ndohi Juda tèlèba ta hel ta a ɓèlè, a ɓèlè tèlèba.

Jérémie 20:4

Gar haha Ndo nzi pèc pècèk a gaɗa: Na haha i praka kinè zlau a va a mandalahi ngaya tèlèba. Ta da bazl ta a tsakwal mayamhi ta, a sam di ngaya. A Juda tèlèba i vi a ri a bi Babylone. Nengaʼa a da hel ta ma a kokwar Babylone, a da bazl ta a tsakwal.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 39:10

Nebuzaradan, bi ndohi sojè, a njè-keɗa ndohi ntawassaʼa te kokwar Juda, man skwi ta azɓai, a mva ta gi lak a gi dau a pats nasa.

Jérémie 39:9

Njèkèdi ndohi te kokwar, a ndohi man ta hu ta, man ta vu va ta a ri na, njèkèdi ndohi mizlinè, Nebuzaradan, bi ndohi sojè, a nhel ta a kokwar Babylone.

Jérémie 52:9

Ta gso hai, a ta daʼa a sam bi Babylone, a kokwar Ribla, a kokwar Hamath, a nengaʼa a mbazla kita na.

Ezéchiel 33:28

I ndeda kokwar a hèshèkèɗ, a sam ngedassaʼa. Wuɗi nengaʼa mbiaʼa klèng. Zahi Israel ta ndi a hèshèkèɗ, ndo a shèwèlè a pa azɓai. A ta da suna, i Ndo nzi pèc pècèk,

Michée 4:10

Dem Sion, ngoy va, ɗüsh va, ara ngwoz man a yi kra! Aman antanta ka da shkè auda te kokwar a ka nzi a dak, ka da dè a kokwar Babel. Te pa ka da mbél ngaya. Te pa Ndo nzi pèc pècèk a da preka ka auda te ri mayamhi ngaya.

Deutéronome 28:36

Ndo nzi pèc pècèk a da zlinde ka, kinè a bi ngaya man ka da fu a gèɗ ngaya, a sam ndohi herkeda man ko ka, ko babhi ngaya, kin sen ta ɓai. Te pa ka da tsi ri a zhiklèhi ngidè, ngaʼa a wof a kwa.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.

Deutéronome 4:26

a patsna i bèhè giɗfèk a herkeda a malwuɗi a géɗ kinè — kin da zi kinè tʼherkeda man kin tawaɗa woyam Jourdain a pa, a kin nzi a pa azɓai, kin da gedas kinè.