Jérémie 52:13 - Ma Zhiklè

¹³ a nfa na vogwa a gi Zhiklè, a gi bai, a gi te Jérusalem tèlèba. A nfa ta vog-wa a gihi mbibihiaʼa tèlèba.

Jérémie 52:13 ပူးပေါင်းရင်းမြစ်များ

I Rois 9:8

Gi haha a da mbeɗ na. Ndohi tèlèba man ta da bizhè a samaʼa, ta da rzl ta, a ta ngwèshè a pa, a ta jhèɗèʼa: Ndo nzi pèc pècèk a nʼnga ta ndohi kokwar, a gi haha, aranta èhèmè?

II Rois 25:9

a nfa na vogwa a gi Zhiklè, agi bai, a gihi Jérusalem tèlèba. A gi ndohi mbibihiaʼa tèlèba, a nfa ta vogwa.

II Chroniques 36:19

Ta fa na vogwa a gi Zhiklè, ta mbeɗa zlazlar Jérusalem, ta fa na vogwa a gihi bi nengaʼa tèlèba, a ta gedassa kolongwi mbelaʼa tèlèba.

Psaumes 79:1

Psaume Asaph. Bi Zhiklè, ndohi nte deɓa ta kala na va a kokwar ngaya, ta lizhè gi ngaya nkezlaʼa, a ta ndeda Jérusalem a kwazlazlam.

Jérémie 19:13

Gihi Jérusalem a gihi bihi Juda, sèi ta gi lèmèlèmè ara sam te Topheth, man ta lizhèʼa, gihi tèlèba a géɗ gi tèlèba man ta zla ta skwi a bantihai a giɗfèk, a ta va ta skwi nsai a zhiklèhi ngiɗè tsaɗ.

Jérémie 21:10

Aman i pi di a kokwar haha, a i faha ta matakwan, i va ta manam ka ɓai, Ndo nzi pèc pècèk a gaɗa. I pe ta a ri a bi Babylone, a nengaʼa a da fa na vogwa, a kokwar.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 22:14

Nengaʼa man a gaɗa: I woya a i gi gi ga mbiaʼa, man sam a zhè a vata! I viɗèʼa a züdo, i slekaɗaʼa a slaha, nvakavar mwinèʼa.

Jérémie 32:29

Ndohi Chaldée ta da shkè a pa, ta da gi var a kokwar haha, ta da fa na vogwa a kokwar haha, a vogwa a nʼndeda ma. Lèmèlèmè gihai man ta va na skwi a Baal a géɗèʼa, a ta va ta skwi a zhiklèhi ngiɗè, a ta pokoy gèɗ ndav auda a vna.

Jérémie 34:22

Na haha iyè i njè ma haha, Ndo nzi pèc pècèk a gaɗa: I da helka ta a deɓa a kokwar haha, a ta gi var a kokwar haha. Ta da dumaʼa, a ta da fa na vogwa. Aman kokwarhi Juda, i da ndeda a kokwar ngedassaʼa, ko ndo staɗ a nzi a pa azɓai.

Jérémie 38:23

A vava, ngwozi ngaya tèlèba, a wudahi ngaya tèlèba, ta de ta a sam ndohi Chaldée; aman géɗ va ngaya, ka da mbélè auda te ri tengaʼa azɓai. Bi Babylone a da gs ka, a da fa na vogwa a kokwar haha.

Jérémie 6:5

Va-slambaɗa, ngo-dokona a vad, a nga gedassa gi bihai!

Jérémie 7:14

a sam gi man ta baha na a nzlembaɗ ga, man kin gso va a vna, sam ga nkezlaʼa man i va kinè, a i va ta babhi kinè, i gia lèmèlèmè ara Silo.

Lamentations de Jérémie 2:5

Bi Zhiklè nʼngaʼa a mayam, a ngedassa Israel, a ngedassa gi bihi nengaʼa tèlèba, a ngedassa gihi ndakmaʼa, a mfaha nlèyè genè, nlèyè genè a kokwar Juda.

Lamentations de Jérémie 2:6

A ngedassa gi na, a nzeda sam mɓicè-va nengaʼa. Ndo nzi pèc pècèk a ngu aman sam ngolala, a pats nshèk va, a pca, ta a gèɗ a ndohi te Sion, a nkwol ta bihai a ndohi mvi skwi a Zhiklè a ndav man a dza na kumba.

Lamentations de Jérémie 2:7

Bi Zhiklè a nkwola sam man ta va na skwi a pa, a woya sam nengaʼa nkezlaʼa ɓai, a mpa na zlazlar gihi bi Sion a ri a mayamhai. Ta tsi lalau mwuffe te gi Ndo nzi pèc pècèk lèmèlèmè ara pats ngolala.

Lamentations de Jérémie 2:8

Ndo nzi pèc pècèk a mhur a woya a ngedassa zlazlar kokwar Sion, a mpra teɓa nlivè skwai, a mpra ri nengaʼa, aman a gédèshè skwai. Zlazlar kokwar, a kokwar nʼngala te pa, sèi ta lèyè, ta mbeɗ ta tèlèba.

Ezéchiel 16:41

Ta da fa na vogwa a gi ngaya, ta gi kita ngaya a sam di ngwozi kumba. I gia arsa, aman i ndeva ngi mphömè ngaya, a ka vi skwi mbalai a géɗ mphömè te deɓaʼa asaɓai.

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Amos 2:5

I da fa na vogwa a Juda, a da ndeda gi-bihi te Jérusalem a ma.

Amos 6:11

Ndo nzi pèc pècèk a goɗ ma bi nengaʼa: Gi mbiaʼa a da wal na.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.

Zacharie 11:1

Liban, winè ntamagi ngaya, a vogwa da ndeda wof tsna ngaya a ma!

Matthew 24:2

A Yèsu a ngaɗa ta: Kin rka skwi haha tèlèba ka ɓi ɗè? A vava i gaɗa kinè: Ko kwa staɗ a da nzi a géɗ ngiɗè azɓai, ta da mbeɗ ta tèlèba.