Jérémie 51:51 - Ma Zhiklè

⁵¹ Aman nga tsena, ara man ta dérɗèʼa, a nga gu horai, hori a di nga; aman ndohi verzi tsaɗ ta shkè a sam nkezlaʼa, a gi Zhiklè.

Jérémie 51:51 ပူးပေါင်းရင်းမြစ်များ

Psaumes 109:29

Aman gèɗ ndohi mayamhi ga da dzakaɓ na, hori da pad ta pa ara maslaka.

Psaumes 71:13

Tengaʼa man ta gi shèwa a nshèffè ga, sèi ta ngècè hori a dai a ta zi ta. Tengaʼa man ta wuffè a gèɗ matakwan ga, hori da keɗ ta, a ta ndi a ndohi mphomaʼa!

Psaumes 79:1

Psaume Asaph. Bi Zhiklè, ndohi nte deɓa ta kala na va a kokwar ngaya, ta lizhè gi ngaya nkezlaʼa, a ta ndeda Jérusalem a kwazlazlam.

Psaumes 79:12

A nslamagihi nga, menda ta ngwoshè man ta ngwossaha ka, Bai, Zhiklè, a deɓa a gi sak tsaraɗ.

Psaumes 79:4

Ndohi a tsagi nga ta derd nga, ta liv nga, ta ngwossaha nga, ta tèlèba man nslamagihi nga.

Psaumes 89:46

Ka herdaha mvi gol nengaʼa, ka pa na hori a dai.

Esaie 13:1

Skwi man a da gi a ma, man a rka na di a Esaie, kra Amots, a géɗ Babylone.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 21:1

Nhèdè ma a géɗ Babylone: Te civèɗ hèshèkèɗ, a dal Négeb, ndombozlor a nslambaɗkaɗa te kokwar te dukwaɗ.

Esaie 47:1

Washkèhai, nza a va mèrwèc, bidalai, dem Babylone! Nza a herkeɗa, washkè auda a sam nʼnzi ɓai, dem Chaldee! Ta baha ka dem röftukwaʼa; a lèɓèslè te deɓaʼa asaɓai.

Jérémie 14:3

Ndohi mbibihiaʼa ta zlündo ɓèlèlihi ta a iyam. Aman ta ngatsa iyam ɓai, ta shkè a deɓa a motozl duzlak. Ta gu horai, gèɗ ta ndzakaɓa, ta ngheda di ta.

Jérémie 25:26

bihi te man a géɗèʼa, ko ndul ndul ko dra, ngiɗè a sam ngiɗè, kokwar-bihi Tʼherkeda tèlèba man ta zhè a géɗ herkeda. Te deɓ tengaʼa bi Babylone a da siaʼa.

Jérémie 31:19

Te deɓ man i ngwoda ndav, i kuɗi a géɗ mali ga. Te deɓ man i sun mali ga, i pi ri a bazlazlam, i gi horai, gèɗ ga ndzakaɓa, hori gol ga a dai.

Jérémie 52:13

a nfa na vogwa a gi Zhiklè, a gi bai, a gi te Jérusalem tèlèba. A nfa ta vog-wa a gihi mbibihiaʼa tèlèba.

Lamentations de Jérémie 1:10

Ndo mayam a ntorko ri a va skwi mbelaʼa te Jérusalem tèlèba, Jérusalem a nrkaʼa ara man ndohi nte deɓa to do a gi nenga nkezlaʼa, man ka fa ta ma a gèɗ: do do a va mpi ndohi nengaʼa ɓai!

Lamentations de Jérémie 2:20

Ndo nzi pèc pècèk, wora, pu dai! Ka ga na skwi aranta a wa? Mam wudahi da ndau wudahi man ta yu ɗè? Wudahi man ta feda a gsa dè? Da bazl ta ndo mvi skwi a Zhiklè a ndo nhadka ma a sam Bi Zhiklè nkezlaʼa dè?

Lamentations de Jérémie 5:1

Ndo nzi pèc pècèk, hur skwi man a ga nga, rka hori nga!

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Ezéchiel 36:30

I gi aman nyi wof a zhè a vata, a skwi te dak, a kin ngècè hori a di a sam ndohi herkeda azɓai a géɗ mi man a keɗ kinè.

Ezéchiel 7:18

Ta da fi maslaka sam kuɗa a va, ta gudzai, tèlè hori a dai, ta tèlèba gèɗ mshaʼa.

Ezéchiel 9:7

Te deɓaʼa a ngaɗa ta: Va-lizhè gi Zhiklè, va-ndheda ndohi mbazlaʼa a gala! Te deɓaʼa vo-do auda, va-bazl ta te kokwar!

Daniel 11:31

Ndohi var nengaʼa ta zhè, ta da derâa sam nkezlaʼa ngedeng-gedengaʼa, ta jèkeda mvi skwi a Zhiklè pèc pècèk, a ta hinè ngédèshè skwai a maya man a ndèrè a ndo.

Amos 7:9

Mblomhi a géɗ za man a Isaac, a sam mʼmbèh skwai man a Israel, i da gedas ta. A i da bazl ta ndohi Jéroboam a tsakwal.

Michée 6:16

Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Michée 7:10

Mayam ga da rkaʼa, da ngots hori a dai, nengaʼa man a gaɗayè: Ndo nzi pèc pècèk, Zhiklè ngaya, tema? Di ga a da wuffè a géɗ nengaʼa, man ta mbatsaha a sak ara koskosi a civèɗ.