Jérémie 51:5 - Ma Zhiklè

⁵ Aman Zhiklè Israel a Juda, Zhiklè bi mbiaʼa, a jèkeda kokwar ta a gèɗ ta ɓai, ko herkeda tengaʼa nʼndha a malai a sam Zhiklè Israel nkezlaʼa.

Jérémie 51:5 ပူးပေါင်းရင်းမြစ်များ

I Rois 6:13

I da nzi a gi te ndev ndohi Israel, a i jèkeda Israel, ndohi ga, asaɓai.

II Rois 21:16

Manassé a mbazl ta ndohi man mali ta azɓai, Pombaz tengaʼa te Jérusalem a hi a civèɗ ngiɗè, a hi a civèɗ ngiɗè; a ngu mali a vata, man a mpe ta ndohi Juda a wai, a ta gu skwi man ambaha Ndo nzi pèc pècèk ɓai.

Esdras 9:9

Ko nga te ɓèlè, nga pca na a gèɗ ɓai, a Zhiklè a mva nga pombai a sam bihi Perse, a mʼmendaka nga nshèffè a pa, aman nga rèm gi Zhiklè nga zaʼa, a nga til skwi mʼmbeɗa sa, a nga gi zlazlar te Juda, te Jérusalem.

Psaumes 94:14

Aman Ndo nzi pèc pècèk a da kwol ta ndohi nengaʼa azɓai, a da jèkeda skwi nʼndi gi nengaʼa azɓai.

Esaie 44:21

Huro, Jacob, huro, Israel, ka ɓèl ga! I ge ka, ka ɓèl ga! Israel, i da pca ka a gèɗ ɓai!

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Jérémie 14:19

Kos ka kwola Juda dè? Sion nʼngezla ka a gèɗ dè? Ka bazl nga aranta, ndo ntakaha nga azɓai, èhèmè? Nga zhor gumai – a shkè azɓai; nga zhor skwi mʼmbél nga – zlau a mshkè.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 16:18

Gar haha i jhèɗè skwi mpil gèɗ sak cèw a géɗ mali ta a mphömè ta, a gèɗ man ta derde kokwar ga, a skwi hori tengaʼa man nhusla sa.

Jérémie 19:4

A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 23:15

Gar haha Zhiklè bi mbiaʼa a goɗ a géɗ ndohi nhadka ma: Iyè i da va ta skwi nsi mwuɗitpa, i da va ta iyam man dèrè te pa. Aman ma nʼngwèɗè ndo te kokwar tèlèba a shkè auda te ndohi nhadka ma te Jérusalem.

Jérémie 31:37

Ndo nzi pèc pècèk a goɗ ar haha: Aman agassa ndo a slaha a nlivè giɗfek, aman ndo a slaha a nwuzhè verzi herkeda tʼhai, ar i slaha a i kwola ndohi te verzi Israel, a géɗ skwi tèlèba man ta gau, Ndo nzi pèc pècèk a gaɗa.

Jérémie 46:28

Ka, Jacob, ɓèl ga, ka gu zlau ɓai, Ndo nzi pèc pècèk a gaɗa; aman i zhè a nda ka, aman i da zede ndohi herkeda tèlèba, man i ksar kinè a pa. I jèkaha kita kinè azɓai; aman i da ngatsa kinè maya a kita genè, i da zede kinè azɓai.

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Jérémie 51:19

Zhiklè Jacob az arsa ɓai. Aman nengaʼa a ngau skwi tèlèba, nengaʼa a ngau herkeda. Israel, verzi ndohi man ta ndi gi nengaʼa. Nzlembaɗ na Zhiklè bi mbiaʼa.

Ezéchiel 8:17

A ngaɗayè: ka ndo, ka rka dè? Aman ndohi Juda ta gi skwi hori a haha, a slra ta ɓi ɗè? A ta ndha kokwar tèlèba a skwi man ta gi a wuɗai, a ta pokoy gèɗ ndav auda zaʼa. Ta gedko htsan a vah man ta peda a pa.

Ezéchiel 9:9

A mbeɗkay a ma: Mali ndohi Israel a ndohi Juda mbiaʼa holholaʼa. Kokwar nʼndha a Pombaz, malai a nʼndha te kokwar. Ta gaɗa: Ndo nzi pèc pècèk kal na auda te kokwaraʼa, Ndo nzi pèc pècèk a nrka ɓai.

Osée 2:1

Te deɓaʼa ndohi Israel kumba, ta ngrè azɓai, ta livè azɓai ara wyak te woyam. I da gaɗa ta azɓai: Kinè ndohi ga ka ɓai; aman i da gaɗa ta: Wudahi Zhiklè man a zhè a nshèffè.

Osée 2:3

Va-baha ta kramamhi kinè: Ammi, ndohi ga! a demamhi kinè: Ruchama, tengaʼa man ta si ndo te va.

Osée 4:1

Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Osée 4:2

Ta mbèɗè, ta cèkèlma, ta kéɗ ndo, ta gi metsar, ta gi mphöme, ta gi skwi a wuɗai, mali nkéɗè ndo a dè a ma ma.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Michée 7:20

Ka lèɓèslè a sam Jacob, ka va na pombai a Abraham, ara man ka pasla ta ri a babhi nga zlè-zlèzlèʼa.

Zacharie 12:6

A pats nasa i ge ta ndohi Juda ara skwi nvècè vogwa ntsamaʼa, ara skwi ntiv vogwa te va pandar, a ta nde ta ndohi herkeda te civèɗ ri mandai, te civèɗ ri gula, tèlèba a ma. Aman Jérusalem a da nzi a samaʼa.

Zacharie 12:8

A pats nasa Ndo nzi pèc pècèk a da ɓer ta ndohi Jérusalem, a ndo man wuɗi na azɓai te va tengaʼa a gi lèmèlèmè ara David. A ndohi gi David lèmèlèmè ara Zhiklè; gol Zhiklè tsuvom tengaʼa.

Zacharie 2:12

Ndo nzi pèc pècèk a da gi Juda a skwi na, te herkeda nkezlaʼa, a nda ngècè Jérusalem auda zaʼa.

I Samuel 12:22

Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.