Jérémie 51:36 - Ma Zhiklè

³⁶ Gar haha Ndo nzi pèc pècèk a gaɗa: Na haha, iyè i nza ka a deɓa, i da ngatsa ka skwi mpil gèɗ. I da gwora iyam mbiaʼa, a nlèlè na a she na.

Jérémie 51:36 ပူးပေါင်းရင်းမြစ်များ

Psaumes 107:33

A nʼngwode woyamhi a hèshèkèɗ, a nlèlè iyamhai a tazli hèshèkèɗ.

Psaumes 140:12

Ndo nʼngre ndo a nzi a gèɗ herkeda azɓai. Ndo ngi ma a wuɗai, matakwan da dzodzora, da kaldahi a mèdèp!

Proverbes 22:23

Te man Ndo nzi pèc pècèk a da nza ta a deɓa, a gedassa ta nshèffè a ndohi man ta gedassa nshèffè mbelaw ndohai.

Proverbes 23:11

Te man nengaʼa man a da pelko na di man a na auda, wuɗi na zhè, nengaʼa a da ga ka kita a gèɗ.

Esaie 19:5

Iyam te woyam Nil a da she na, iyam a gwor na kusalaʼa.

Esaie 43:14

Ndo nzi pèc pècèk, man a mbel kinè, Zhiklè Israel nkezlaʼa, a goɗ aranta: I zlindè ndohi var a kokwar Babylone, a ndohi tenga tèlèba ta hi ta auda a sam ta, a i ngwoda mwuffè ndohi Chaldée a wobau, a gèɗ kinè.

Esaie 44:27

A i gaɗa na iyam mbiaʼa: Gwor ngaya! A i gwora woyamhai.

Jérémie 50:38

Iyam nengaʼa da gwor na, da she na! Aman kokwar haha, kokwar mʼmbèh skwai, skwi horai a pa ta a pa a ndav.

Jérémie 51:11

Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.

Jérémie 51:6

Va-hu kinè te ndev Babylone, staɗ staɗ tèlèba da mbelda nshèffè na, man ɓai kin da zi kinè te mali Babylone; aman pats kita Ndo nzi pèc pècèk. A da ga na ara skwi man a gau.

Ezéchiel 25:14

I woya aman Israel, ndohi ga, ta gi kita a géɗ Edom te di man a ga. Ta da gi a sam Edom lèmèlèmè ara ndzoan ga, ara ndav ga man a dzay worworaʼa. A Edom a sun kita ga, Bi Zhiklè a gaɗa.

Osée 13:15

Epraim, ko a wèl va te va kramamhi na, kozlar te civèɗ mvèng pats a slèmbèɗè, Ndo nzi pèc pècèk a saffka te civèɗ hèshèkèɗ, a ngwora thal iyam na, a gi a nlèlè iyam a she na, a nengaʼa a ceda skwi mèshèlè nengaʼa tèlèba a ma.

Romans 12:19

Dalahimam ga, kin pulko di man a kinè auda a ri kinè ɓai, aman va-jèka na a ri a Zhiklè. Aman a sam ngiɗè ɗèlèwèr Zhiklè a gaɗa: Mpil gèɗ, iyè mpilèʼa. I woy a i pela na di man a ndo. Bai Zhiklè a gaɗa. A sam ngiɗè a gaɗa:

Deutéronome 32:35

Ha pats kita, pats mpil gèɗ, a pats man ta da kèlèhai. Aman pats ngédèshè tengaʼa ndul ndul, ndikè-ma tengaʼa a herdeka va.

Deutéronome 32:43

Kinè ndohi nte deɓa, vo-slubordo ndohi na; aman nengaʼa a jhèdè aman ndohi nʼnga na matakwan ta pil gèɗ a géɗ Pombaz ɓèlèlihi na, a tila ta kokwar na a ndohi na.

Apocalypse 16:12

A gol Zhiklè mamokwaʼa a mbada kokwi na a géɗ Euphrate, woyam mbiaʼa. A iyam nengaʼa a nshe na, aman civèɗ ntila, man a bihi te man a mvèng pats.