Jérémie 51:12 - Ma Zhiklè

¹² Va-zlatseda bata a géɗ zlazlar Babylone, va-pu ndohi a vaʼa, va-pe ta ndohi mɓer kokwar a pa, va-ɗizla kwa, aman skwi man Ndo nzi pèc pècèk a huro, a nhodko ma a géɗ ndohi Babylone, a giaʼa.

Jérémie 51:12 ပူးပေါင်းရင်းမြစ်များ

Proverbes 21:30

Skwi ngiɗè azɓai, maya ngiɗè azɓai, nshin skwi ngiɗè azɓai, man a slaha a nzlècè a sam Ndo nzi pèc pècèk.

Esaie 11:12

A zlècedè skwi malwuɗai a sam ndohi tèlèba. A da ɓicka ta ndohi Israel man ta hu ta, a deɓa, a da lèka ta ndohi Juda man ta ksar ta a deɓa te tsagi herkeda faɗ.

Esaie 13:2

Va-zlatseda lamba a géɗ za kurn-dazlndazlaʼa. Vo-boho a wuɗai! Va-kutèka ta rai, a ta bizhè a pa, a ntamagi ndohi mbibihiaʼa.

Jérémie 23:20

Ndo nzi pèc pècèk a gi ndav, ndav nengaʼa a mènèhi azɓai, ha a rufa skwi na, a nʼnga skwi man a nhuro. A pats nʼndikèma skwai kin da cinè zuraʼa.

Jérémie 4:28

Herkeɗa a da lèyè, giɗfèk a da madz na te géɗèʼa. Iyè a ngoɗa, i basla na gèɗ a va, i mindè ma ga a deɓa azɓai, i ngwèdè gèɗ ga azɓai.

Jérémie 50:2

Va-njo a sam ndohi herkeda, va-ngreda, va-zlatseda bata, va-ngreda, kin ngheda ɓai! Vo-goɗa: Babylone, nduma ma, Bel a nʼngots hori a dai, Merodac mʼmbeɗ na, skwi mbèh skwi nengaʼa klèng, mblomhi nengaʼa ta mbeɗ ta.

Jérémie 50:25

Ndo nzi pèc pècèk a winè gi skwi var na, a nhulkoɗi skwi var ndzoan nengaʼa auda; aman mizlinè Bi Zhiklè, Zhiklè bi mbiaʼa, a zhè tʼherkeda Chaldée.

Jérémie 51:11

Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.

Jérémie 51:27

Va-zlatseda bata te kokwar! Va-tsu tolom te ndev ndohi herkeda! Va-til ta ndohi herkeda, va-bahka ta kokwar-bihai a sam na: Ararat, Minni a Ashkenaz! Va-ɓicka ta bihi a sam na, va-zlinda plèshi kumba ara dzarai a pa!

Jérémie 51:29

Aman Ndo nzi pèc pècèk a ga na Babylone skwi man a nhuro, herkeda a gi zlau, a gudzai, aman a ndeda kokwar Babylone a hèshèkèɗ, a kokwar man ndo a te pa ɓai.

Lamentations de Jérémie 2:17

Ndo nzi pèc pècèk a nrufa skwi man a huro, a ngu skwi man a nguv ta a vna halaʼa: A mbeɗdahai, a sia te va azɓai, a ngu aman ndo mayam a wuffè a géɗ nengaʼa, a mva ta wuɗi a ndohi nʼnga ka matakwan.

Joel 3:2

a i da ɓic ta ndohi herkeda tèlèba zaʼa, a i de ta a dal Josaphat. Te pa i da ga ta kita a géɗ ndohi Israel, ndohi ga, a géɗ man ta ksar ta a va ndohi herkeda, a ta kezla kokwar a va ta.

Nahum 2:1

Na haha, sak ndo man a dè a géɗ za, a njè ma mbelaʼa. Juda, gau ngolala ngaya! Gau ara man ka gaɗda hai! Ndo shèwa a da kala ka va te deɓaʼa asaɓai, nʼngedas na ma.

Josué 8:14

Aman bi Ai a nrkaʼa, ndohi kokwar ta slambaɗa tsam tsam a prèk te gai, aman ta dè a ta da gi var a ndohi Israel. Bai a ndohi var nengaʼa tèlèba to do a sam man ta sulomkaɗahi nshülömè, a dal Arabah, a sun a ngaɗa ta pau nzliagi a tsagi kokwar te civèɗ nkèl pats ɓai.