Jérémie 50:9 - Ma Zhiklè

⁹ Aman i bahka ta ndohi rè-dèdèʼa, ndohi herkeda mbibihiaʼa te man a géɗèʼa, a ta gi var a Babylone. Ta da dèhè va a sam na, a ta dumda ma. Sulom tengaʼa, sulom ndo man a sun var, man a kèlèhi ambali azɓai.

Jérémie 50:9 ပူးပေါင်းရင်းမြစ်များ

II Samuel 1:22

Lèkèɗ Jonathan a tsakwal Saul ta kalahi ambali ɓai.

Cantique des Cantiques 3:8

Tèlèba a tsakwal te rai, ndohi man ta sun ngi var, staɗ staɗ tèlèba a tsakwal te zlazlar, a hulko zlau auda te gèɗ a vaɗ.

Esaie 21:2

Skwi mwuɗitpa man a da gi a ma a nrkay a dai: Ndo metsar a gi metsar, ndo ngédèshè skwai a gédèshè skwai. Ndohi Elam, vo-washkè dai! Ndohi Médie, va-ɗaha va! — I da ndevda na nlèyè na.

Esaie 41:25

I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Jérémie 15:14

A ka gi a ɓèl ndohi mayamhi ngaya te kokwar man ka sun ɓai, te man ndav ga nvatsa ara vogwa, a nde kinè a ma.

Jérémie 25:14

Aman tengaʼa ba, kokwar bihi mbibihiaʼa, a bihi mbibihiaʼa ta da ga ta ɓèlè. I da ga ta ara skwi man ta gau, ara man ri ta a ngau.

Jérémie 25:26

bihi te man a géɗèʼa, ko ndul ndul ko dra, ngiɗè a sam ngiɗè, kokwar-bihi Tʼherkeda tèlèba man ta zhè a géɗ herkeda. Te deɓ tengaʼa bi Babylone a da siaʼa.

Jérémie 50:14

Va-ɗaha va a kin gu var a Babylone a sam tèlèba, kinè man kin lata lèkèɗ. Va-ɓor a sulom, kin ngheda sulom ɓai, te man a ngu malai a sam Ndo nzi pèc pècèk!

Jérémie 50:21

Do a ka gu var a kokwar Merathaim! Do a ka gu var a nengaʼa, a ndohi Pekod! Gedas ta, zede ta njèkèɗi tèlèba, Ndo nzi pèc pècèk a gaɗa. Gau tèlè ara man i njè ka a gèɗ.

Jérémie 50:26

Vo-washkè a sam na te verzi herkeda tèlèba, va-winè wov na, va-tsam ta ara nkèl dau, va-ndevda, kin jèkaha ɓai!

Jérémie 50:29

Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Jérémie 50:3

Aman ndohi herkeda te man a géɗèʼa ta shkè a ta gi var a Babylone, ta da gédèshè kokwar na, ndo a nzi a pa azɓai, ko ndo, ko skwi dak, tèlèba ta hu ta, to do ta.

Jérémie 51:11

Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.