Jérémie 50:4 - Ma Zhiklè

⁴ A pats nasa, te ndev nasa, Ndo nzi pèc pècèk a gaɗa, ndohi Israel a ndohi Juda ta da shkè a sam nstaɗ, ta da shkè, a ta kuɗai, a ta woy Ndo nzi pèc pècèk, Zhiklè ta.

Jérémie 50:4 ပူးပေါင်းရင်းမြစ်များ

II Chroniques 7:14

a ta da manda gèɗ ta a hai, a ta tsi rai a ta hassyè, a ta ngwodko ndav ta, a ta jèkeda civèɗ tengaʼa man ambaɓai, i woya aman i tsena te zhiklè te géɗèʼa, a i pra ta mali ta, a i mbela kokwar ta zaʼa.

Psaumes 105:4

Vo-hoss Ndo nzi pèc pècèk vo-hoss wuɗi nengaʼa, va-woy di nengaʼa pèc pècèk!

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Esaie 55:6

Va-woy Ndo nzi pèc pècèk, aman ani a zhè dai. Va-baha na, aman ani a zhè ndul ndul a sam kinè dai!

Esaie 63:4

I hur pats mpil gèɗ ndohai te géɗ ga ma, a mvi nsumka ta ndohi a deɓa kalka ma.

Jérémie 31:31

Na haha pats ngiɗè a di a shkè, Ndo nzi pèc pècèk a gaɗa, nga da derzlè ma mɓuaʼa a nda ndohi Israel a ndohi Juda.

Jérémie 33:15

A pats nasa, te ndev nasa, i da gi a ngi-zuraʼa a fcè te David, man a da gi kita zuraʼa, a ngi-zuraʼa te kokwar.

Jérémie 41:6

Ismael, kra Nethania, a mshkè auda te Mitspa, a ta zlü gèɗ a nda ta. Nengaʼa man a dè a kuɗai, aman a ndikè a sam ta, a ngaɗa: Vo-washkè a sam Guedalia, kra Achikam!

Ezéchiel 16:61

Ka da hér civèɗ ngaya a ka gi horai, aman i da hel ta demamhi ngaya, tsuvomhi a ntabawhia a i pa ka a dalahi ngaya; aman i pa ka a géɗ nderzlè-ma ga ka bai.

Ezéchiel 39:25

Gar haha Bi Zhiklè a goɗ ar haha: Antanta i woya a i helka ta ndohi ɓèlè Jacob a deɓa. Ndohi gi Israel tèlèba ta siyè te va, i gi srak a géɗ nzlembaɗ ga nkezlaʼa.

Osée 11:10

i kezla, i gédèshè ndo ka ɓai. Ta da jèjèr Ndo nzi pèc pècèk man a kuɗi ara marizhèlè. Aman a kuɗai, wudahi tʼherkeda a ma woyam mbiaʼa ta gudzai.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Jacques 4:9

Va-hur mali kinè, va-loyo, va-kuɗau! Nʼngwèshè kinè da ngwode na a kuɗa; mwuffe kinè da ngwode na a nlèyè.