Jérémie 50:35 - Ma Zhiklè

³⁵ Tsakwal a va ndohi Chaldée! Ndo nzi pèc pècèk a gaɗa. A va ndohi Babylone, a wud bihi na, a ndohi maya nengaʼa!

Jérémie 50:35 ပူးပေါင်းရင်းမြစ်များ

Esaie 29:14

ko pats ngiɗè i woya a i vi skwi nrkedi mbiaʼa a sam ndohi haha, nrkedai man ta rzl ta a pa, a i gedassa maya ndohi maya tengaʼa, a mwèsl ndohi mwoslaʼa a zi na te pa.

Esaie 41:25

I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Esaie 44:25

I gedassa ta njè-ma ndohi vri aussa. I ndede ta ndohi mpi kwa a madaɗauhai, a i wushede ta ndohi maya aussa, a i ndeda skwi man ta slebda ta ndohai a skwi nrzlaʼa.

Esaie 45:1

Ndo nzi pèc pècèk a ngaɗa na Cyrus, ndo man a bada na mbar a gèɗ: Ka man i gs ka te ri mandai, a i bazl ta ndohi herkeda a ma ngaya. I pra skwi deɓ bihai, a i winè ntamagi mpizlèa a ma ngaya.

Esaie 66:16

Ndo nzi pèc pècèk a gi kita a sam ndohi haha tèlèba a vogwa, a tsakwal te rai, a ndohi man Zhiklè a bazl ta ta gi a vata.

Jérémie 10:7

Ngi zlau ngay azɓi wa? Ka bi ndohi herkeda. A woy ta gi zlau ngaya, te man te va ndohi maya herkeda tèlèba, te kokwar-bihi tengaʼa tèlèba, ngiɗè ngar ka azɓai.

Jérémie 47:6

Wobau, tsakwal Ndo nzi pèc pècèk, ka da shèk va a ngèmè? Do a gi ngaya, nzau a ka gu skwa ɓai!

Jérémie 50:27

Va-zlaha marihi nengaʼa tèlèba, va-hel ta a sam nzli ta. Wobau a géɗ tengaʼa, aman a patsna pats kita tenga a mshkè ma!

Jérémie 50:30

A géɗ nengaʼa golahi nengaʼa ta bazl ta a civèɗ, a ndohi var nengaʼa ta ndev ta a pats sa, Ndo nzi pèc pècèk a gaɗa.

Jérémie 51:39

Nté-tékè a keɗ ta, i da va ta zom a nda keɗ ta, a ta gi ngolala; te deɓaʼa ta nzhun ta a mèdèp, ta pidèkwe ta asaɓai, Ndo nzi pèc pècèk a gaɗa.

Jérémie 51:47

Aman pats ngiɗè a di a shkè, i da gi kita a géɗ skwi mbèh skwi te Babylone. Herkeda tèlèba a ngècè horai a dai, ndohi ta bèzl ta te ndevaʼa.

Jérémie 51:57

I gi a zom a keɗ ta wud bihai a ndohi maya nengaʼa, mbibihiaʼa te pa, bihi na a ndohi var na. A ta da nzhun ta a mèdèp, ta da pidèkwè asaɓai. Bai, man nzlembaɗ na Zhiklè bi mbiaʼa, a ngoɗa.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Ezéchiel 14:2

A Ndo nzi pèc pècèk a ngaɗayè ar haha:

Daniel 5:30

A vaɗ sa, ta keɗa Belshatsar, bi Chaldée.

Osée 11:6

Tsakwal a da gedassa kokwarhi tengaʼa, a da bazl ta ndohai.

Lèv. 26:25

I bazl kinè a tsakwal, da pulkoy di man a nderzlè-ma ga auda. Aman te deɓaʼa kin hi a kokwar kinè, i pra kinè gidibèr a va, a i va kinè a ri a mayamhi kinè.

Zacharie 11:17

Wobau a géɗ ndo nwèr skwi man ambaɓai, man a jèke ta tambakihi a pa! Tsakwal a da tizhè riaʼa, a di ri mandi na. Ri nengaʼa da gwor na, di ri mandi nengaʼa da ngezl na!