Jérémie 50:29 - Ma Zhiklè

²⁹ Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Jérémie 50:29 ပူးပေါင်းရင်းမြစ်များ

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 47:10

Ko ka fi gèɗ a shèwa ngaya a ka huro: Ndo ngiɗè a nrka ɓai. Maya ngaya, kilèa ngaya, ta zlakede ka, a ka hur te ndav ngaya: Iyè genè, ndo ngiɗè azɓai!

Jérémie 25:14

Aman tengaʼa ba, kokwar bihi mbibihiaʼa, a bihi mbibihiaʼa ta da ga ta ɓèlè. I da ga ta ara skwi man ta gau, ara man ri ta a ngau.

Jérémie 48:26

Va-va na zom da keɗaʼa, a géɗ man a nslambaɗa na va a Ndo nzi pèc pècèk. Moab da zlur va, da vünoho! Nenga ba da ga a skwi man ta ngwèshè a pa!

Jérémie 49:16

Zlau man ka pra ta va a ndohi ngrè gèɗ ngaya, a nfi va te ndav ngaya, ta zlakede ka. Ka man ka nza te slrats za, ka man ka nza a géɗ za. Aman ka da geda gi ngaya te géɗèʼa ara mangayak, i da cka ka a hai, Ndo nzi pèc pècèk a gaɗa.

Jérémie 50:24

I nga ka ɓalai a hai, iyè ngse ka arsa, Babylone! Ka sun ɓai, aman ta ngats ka; ta gs ka langa, a géɗ man ka gu var a Ndo nzi pèc pècèk.

Jérémie 50:26

Vo-washkè a sam na te verzi herkeda tèlèba, va-winè wov na, va-tsam ta ara nkèl dau, va-ndevda, kin jèkaha ɓai!

Jérémie 50:32

Nengaʼa man a fi va, a da kèlèhai, ndo a slèmbèɗdè azɓai. I da fa na vogwa a kokwarhi nengaʼa, a nʼndeda samaʼa, a sam a tsagiaʼa, a ma tèlèba.

Jérémie 50:9

Aman i bahka ta ndohi rè-dèdèʼa, ndohi herkeda mbibihiaʼa te man a géɗèʼa, a ta gi var a Babylone. Ta da dèhè va a sam na, a ta dumda ma. Sulom tengaʼa, sulom ndo man a sun var, man a kèlèhi ambali azɓai.

Jérémie 51:24

I da ngwoda ta skwi ambaɓiaʼa tèlèba man Babylone a ndohi Chaldée ta ga na Sion, a gèɗ, a sam di kinè, Ndo nzi pèc pècèk a gaɗa.

Jérémie 51:3

Va-lata lèkèɗ a ndo man a lata lèkèɗ na, a ndo man a fi va, man skwi var a va. Va-bazla golahi na, va-ndevda ndohi var nengaʼa tèlèba!

Jérémie 51:49

Babylone ba a da kè-lèhai, a géɗ kinè ndohi Israel mbazlaʼa, lèmèièmè ara man ndohi a géɗ herkeda tèlèba ta bazl ta a géɗ Babylone.

Jérémie 51:56

Halau, ndo ngédèshèʼa a shkè a sam na, a kokwar Babylone, a dzaw ta ngul ndohai, a pasla lèkèɗ ta; aman Ndo nzi pèc pècèk Zhiklè man a va na ndo staɗ staɗ lèmèièmè ara man a gau, a pela ta.

Lamentations de Jérémie 1:9

Derɗa ntotpa a maslaka na, a mhur nʼndikè-ma nengaʼa ɓai, a nkalahi a vata, ndo mbidèʼa azɓai. Ndo nzi pèc pècèk, wor matakwan ga, aman ndo mayam a fi va!

Lamentations de Jérémie 3:64

Ndo nzi pèc pècèk, pulkoy di man a ga auda a sam ta, ara skwi man ta gau.

Daniel 11:36

Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Daniel 5:23

ka goɗ aman ta hulko ka kokwi te gi nengaʼa, a kinè a ndohi ngaya mbibihiaʼa a ngwozi ngaya a ngwozi kalak ngaya, kin si zom a vna. Ka slubordo zhiklèhi verzhègenè a guro a zi pats a züdo a wof a kwa, man ta rka di ɓai, man ta tsena zlembaɗ ɓai, man ta sun maya ɓai. Aman Bi Zhiklè man nshèffê ngaya te ri nengaʼa, man civèɗ ngaya tèlèba nte ri nengaʼa, ka slebarda bai.

Abdias 1:15

Pats Ndo nzi pèc pècèk a zhè ndul ndul a sam ndohi herkeda tèlèba.

2 Thessalonians 1:6

Nengaʼa kita nzuraʼa a sam Zhiklè, aman a pela ta ndohi man ta ga kinè matakwan, a matakwan.

2 Thessalonians 2:4

Nengaʼa mayam, man a fi va a géɗ skwi Zhiklè tèlèba, a géɗ ntsi ri Zhiklè ba, a nzi a hai te gi Zhiklè, a da fi va na a Zhiklè.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.

Apocalypse 18:6

Va-ga na, ara man a ga kinè. Skwi man a ga kinè, va-ga na ta ta man a nengaʼa cèw. A kokwi man a hala kinè a vna, va-ɓala na a nengaʼa te pa cèw.