Jérémie 50:20 - Ma Zhiklè

²⁰ A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Jérémie 50:20 ပူးပေါင်းရင်းမြစ်များ

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Psaumes 17:3

Ka jkeda ndav ga, ko a vaɗ ka rkaʼa. Ka wuzhè ndav ga, ka ngècè skwi ambaɓiaʼa a sam ga azɓai. Ma ga a gi mali azɓai.

Psaumes 85:3

Ka pra ta malai a ndòhi ngaya, ka fa na kwa a gèɗ a mali tengaʼa tèlèba.

Esaie 1:9

Aman agassa Zhiklè bi mbiaʼa a njèkaha nga kèshkata ɓai, ar nga lèmèlèmè ara Sodome, ara Gomorrhe.

Esaie 10:21

Njèkèɗi ndohi kètè, ndohi gi Jacob, ta da menkaɗa deɓa a sam Zhiklè wuɗai.

Esaie 33:24

Ndo man a gaɗa: i mbelakaɓai, az te kokwar ɓai. A ndohi te kokwar Jérusalem, mali tengaʼa mpraʼa.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 33:15

A pats nasa, te ndev nasa, i da gi a ngi-zuraʼa a fcè te David, man a da gi kita zuraʼa, a ngi-zuraʼa te kokwar.

Jérémie 33:8

I da pan ta te mali tengaʼa tèlèba, man ta gu mali a sam ga; i da pra ta mali tengaʼa tèlèba, man ta gu mali a sam ga, a ta jèkyè.

Jérémie 44:14

Ndo man a hi azɓai; ndo man a mʼmbelda va na ɓai te va njèkèdi ndohi Juda, te va ndohi man ta dè a kokwar Egypte, a ta nzi a pa. Ta dè deɓa a kokwar Juda, man ta woy a ta dè deɓa, azɓai. A vava ta da shkè a deɓa asaɓai; man ndohi man ta wuc ta kètè genè kla!

Jérémie 50:4

A pats nasa, te ndev nasa, Ndo nzi pèc pècèk a gaɗa, ndohi Israel a ndohi Juda ta da shkè a sam nstaɗ, ta da shkè, a ta kuɗai, a ta woy Ndo nzi pèc pècèk, Zhiklè ta.

Lamentations de Jérémie 4:22

Kokwar Sion, mali ngaya mpana ma, kin dè ɓèlè asaɓai. Aman kinè, ndohi Edom, kin ngècè kita a géɗ mali kinè, mali kinè a ngredè auda.

Ezéchiel 18:22

Mali nenga tèlèba man a gau, ta hérèʼa asaɓai, a géɗ ngi-zuraʼa nengaʼa man a gau, a da nzi a nshèffè.

Michée 7:19

Nga da sia te va zaʼa, a da kerɗda mali nga a hwaɗ sak na. Ka da wusheda mali nga tèlèba a drav iyam mbiaʼa.

Sophonie 3:12

Aman i da jèkeda te va kinè ndohi man ta manda gèɗ a hai, ta az a vata ɓai, man ta fu nzlembaɗ Ndo nzi pèc pècèk a skwi mʼmbél ta.

Zacharie 3:9

Na haha, kwa man i fedahi a sam Josué, di a pa tsaraɗ. Na haha iyè i windè skwi a pa, Zhiklè bi mbiaʼa a gaɗa. I cè mali herkeda haha auda a pats staɗ.

Nombres 23:21

A nʼngots mali a sam ndohi Jacob bai, a nrka skwi ambaɓiaʼa a sam ndohi Israel bai. Ndo nzi pèc pècèk, Zhi-klè nengaʼa, a zhè a sam na nengaʼa bi ta, man ta slébèrdèʼa,

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

Actes 3:26

Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.

Romans 11:6

A géɗ pombi na, a géɗ skwi man ta gia ka ɓai. Man ɓai, pombi nara pombi ka ɓai.

Romans 5:16

Mba skwi man Zhiklè a vau, a géɗ skwi ngedassaʼa a géɗ mali ndo staɗ. Aman kita mali ndo staɗ a dè a sam mphomdaʼa. Aman pombai a takaha ta ndohi malihi kumba, a ta ndi a ndohi nzuraʼa.

Romans 6:13

Kin pa na nfèfèn va kinè a malai a ngi skwi ambaɓiaʼa a vna ɓai! Aman va-vau va kinè a Bi Zhiklè a ri kinè, ara ndohi mʼmetsaʼa, man antanta ta zhè a nshèffè. Va-pa na nfèfèn va kinè a Zhiklè a ngi skwi nzuraʼa a vna.

2 Peter 3:15

Aman Bai Yèsu a zhèr skwi a ma ma, va-rkaʼa ara skwi mʼmbél kinè, ara man Paul ba, kramam nga man nga woya a ndav nga, a winda kinè a maya, man Zhiklè a va na.