Jérémie 50:2 - Ma Zhiklè

² Va-njo a sam ndohi herkeda, va-ngreda, va-zlatseda bata, va-ngreda, kin ngheda ɓai! Vo-goɗa: Babylone, nduma ma, Bel a nʼngots hori a dai, Merodac mʼmbeɗ na, skwi mbèh skwi nengaʼa klèng, mblomhi nengaʼa ta mbeɗ ta.

Jérémie 50:2 ပူးပေါင်းရင်းမြစ်များ

Psaumes 64:9

A gi aman ta kèlèhai, a géɗ ma tengaʼa. Tèlèba man ta rka ta, ta gidè gèɗ kwotakwotaʼa.

Psaumes 96:3

Va-njè ta nʼnjèl nengaʼa a ndohi nte deɓa, a nrkedi nengaʼa a ndohi herkeda tèlèba!

Psaumes 97:7

Ndohi man ta gi vrai, ta ngècè hori a dai, tengaʼa tèlèba man ta jégèr va a géɗ mblom. Zhiklèhi tèlèba ta da gurɓèhai a sam Ndo nzi pèc pècèk.

Esaie 12:4

Kin tèlèba kin da gada a pats nasa: Va-shida na gèɗ a Ndo nzi pèc pècèk, va-slubordo nzlembaɗ nengaʼa, va-ngreda skwi man a ga ta ndohi a géɗ herkeda, va-ngreda nzlembaɗ nengaʼa nʼnzalaʼa!

Esaie 13:2

Va-zlatseda lamba a géɗ za kurn-dazlndazlaʼa. Vo-boho a wuɗai! Va-kutèka ta rai, a ta bizhè a pa, a ntamagi ndohi mbibihiaʼa.

Esaie 21:9

Na ahngata, ndohi plèsh, ta ɗaha cèw cèw! A nengaʼa a ngaɗa: Kokwar Babylone nduma ma, nduma ma, a zhiklèhi mbèh skwi tengaʼa ta bazldaussa.

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Esaie 39:1

A pats nasa, Merodac-Baladan, kra Baladan, bi Babylone, a nzlin-da na ɗèlèwèr a skwi mbalai a bi Ezéchias, a géɗ man a tsenaʼa, nengaʼa mbelakaɓai, a ngau daraʼa.

Esaie 46:1

Bel a nhurv na. Nébo a ngurɓahai. Ta vi skwi mbèh skwi tengaʼa a deɓ kɗèh, a deɓ zlugumai, a nzala ta kumba.

Esaie 48:20

Va-jèkeda Babylone! Va-hu auda te ndev ndohi Chaldée! Ndo nzi pèc pècèk a nsumko Jacob, ɓèl nengaʼa, a deɓa.

Esaie 48:6

Ka tsena tèlèba; anai ka rkaʼa. Kin woy a kin njè ɓi ɗè? A hinè antanta, ka da cinè skwi mɓuaʼa a skwi nʼnghedaʼa, man ka sun halaʼa ɓai.

Jérémie 10:11

Gar haha kin da gaɗa ta: Zhiklèhi man ta ga giɗfèk a herkeda ɓai, sèi da zeda a géɗ herkeda ba, tʼhwaɗ giɗfèk ba.

Jérémie 10:15

Skwi ambalai, skwi man ta ngwèshè a pa, a pats kita ta, ta zi ta.

Jérémie 31:10

Va-tsena ma Ndo nzi pèc pècèk, ndohi herkeda! Va-njo dra Tʼherkeda nte ndev iyam! Va-gaɗa: Nengaʼa man a nksara Israel, a da ɓicèʼa, a da ɓirèʼa, ara ndo mɓer skwai man a wèr rèwè na.

Jérémie 4:16

Va-gaɗa ta ndohi herkeda ma haha, va-njè ta ndohi Jérusalem! Ndohi nʼnza na a ma kokwar Jérusalem ta shkè te kokwar ngiɗè dra, ta bèhè a géɗ kokwarhi Juda.

Jérémie 4:6

Va-zlatseda lamba Sion, va-hu kinè, kin zlatsahi bai! I cko matakwan a skwi mwuɗitpa te man a géɗèʼa.

Jérémie 46:14

Va-njo te Egypte! Vo-goɗ te Migdol, a ta cinè te Noph, te Tachpanès! Vogoda: Slambaɗa, tila va ngaya, aman tsakwal a keɗa ndo a tsagi ngaya.

Jérémie 50:46

Aman Babylone a kèlèhai, herkeda a gudzai. Wobau a cinè te va ndohi herkeda.

Jérémie 51:12

Va-zlatseda bata a géɗ zlazlar Babylone, va-pu ndohi a vaʼa, va-pe ta ndohi mɓer kokwar a pa, va-ɗizla kwa, aman skwi man Ndo nzi pèc pècèk a huro, a nhodko ma a géɗ ndohi Babylone, a giaʼa.

Jérémie 51:27

Va-zlatseda bata te kokwar! Va-tsu tolom te ndev ndohi herkeda! Va-til ta ndohi herkeda, va-bahka ta kokwar-bihai a sam na: Ararat, Minni a Ashkenaz! Va-ɓicka ta bihi a sam na, va-zlinda plèshi kumba ara dzarai a pa!

Jérémie 51:31

Ndohi a ɗèlèwèr te rai, ta zli gèɗ, ndohi sak ta zli va auda a tsagai, aman ta da njè na bi Babylone, ara man kokwar na ndumda ma, a tsagi kokwar tèlèba,

Jérémie 51:44

I gi kita a géɗ Bel, te Babylone, i ngézlè skwi te ma na, man a gerdè a hwaɗ. A ndohi herkeda ta haya a sam na asaɓai. Ko zlazlar Babylone mʼmbeɗ na!

Jérémie 51:47

Aman pats ngiɗè a di a shkè, i da gi kita a géɗ skwi mbèh skwi te Babylone. Herkeda tèlèba a ngècè horai a dai, ndohi ta bèzl ta te ndevaʼa.

Jérémie 51:52

Gar haha, patsaʼa a di a shkè, Ndo nzi pèc pècèk a gaɗa, aman i da gi kita a skwi mbèh skwai tʼherkeda nengaʼa tèlèba. Ndohi mbazlaʼa ta ngèy va.

Jérémie 51:8

Tsam-tsam Babylone nkalahai, mʼmbeɗ na. Vo-ngoy va a géɗèʼa, vo-co madzaf a géɗ skwi ndzi na, wa ngiɗè ba a da mbél na!

Jérémie 52:31

Te deɓaʼa, mvi 37, man Jojakin, bi Juda, te ɓèlè, a ki 12, mʼmèn 25, Evil-Merodac, bi Babylone, man a gu bi mvi nshèlèkuraʼa, a nslambaɗda na gèɗ a Jojakim, bi Juda, a mpra auda te ɓèlè.

Jérémie 6:18

Gar haha, kinè ndohi herkeda, kinè ndohi mɓicaʼa, va-tsena skwi man a da ga ta.

Daniel 1:2

A Bi Zhiklè a mva na Jojakim, bi Juda, a ri a Nebucadnetsar, a kolongwi gi Zhiklè mba man a helda ma. A nengaʼa a ndaʼa a kokwar Shinear, a mpeda kolongwi a gi mèshèlè zhiklè na.

Daniel 3:14

Bi Nebucadnetsar a ndzhaɗ ta: Mè? Kinè nda Shadrac, a Méshac, a Abed-Nego, kin slébèrdè zhiklè ga a kin tsi ri a skwi guro man i Zlatseda azɓi ɗè?

Sophonie 2:11

Ndo nzi pèc pècèk a da gi skwi mwuɗitpa a sam tengaʼa, a da zede zhiklèhi mbèh skwi tengaʼa tèlèba tʼherkeda, a ndohi herkeda a ma woyam tèlèba ta da gurɓèhai a sam nengaʼa, staɗ staɗ tèlèba a sam nʼnzi na.

Apocalypse 18:2

A mboho a wuɗai, a ngaɗa: Mʼmbeɗ na, mʼmbeɗ na, Babylone, kokwar mbiaʼa. A nʼnde na a gi madzagihai, a gi dangi mèzhèɓhi ambaɓih-iaʼa tèlèba, a sam nʼnzi ɗiakihi ambaɓihiaʼa, tèlèba man ndo a woya ɓai.