Jérémie 50:19 - Ma Zhiklè

¹⁹ Te deɓaʼa i da helka ta ndohi Israel a deɓa a sam nʼnzi ta. Ta da ndi mandai te Carmel, te Basan, te za Ephraim, te Galaad, a ta da ngeza hwaɗ.

Jérémie 50:19 ပူးပေါင်းရင်းမြစ်များ

Esdras 2:1

Na haha ndohi man ta shkè a deɓa te ɓèlè. Ndohi man Nebucadnetsar, bi Babylone, a hel ta a ɓèlè a kokwar Babylone, ta shkè a deɓa a kokwar Jérusalem a Juda, staɗ staɗ tèlèba a kokwar na.

Cantique des Cantiques 6:5

Ka pakay di ɓai, a mbeɗamay ndav! Gwots gèɗ ngaya say-sayaʼa ara hutor plèsh.

Esaie 33:9

Herkeda a lèyè, a gwor na. Liban a gi horai, a metsi na. Saron nara hèshèkèɗ, wof a te pa ɓai. Basan a Carmel, vahaʼa a wush na.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Jérémie 23:3

Aman iyè, i da ɓicka ta njèkèdi ndohi ga te verzi herkeda, a sam man i dzam ta a pa, a i da helka ta a deɓa a sam nʼnzi ta. Ta da yi wuda, a ta mènè a vata.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Jérémie 30:10

Aman ka, ka gu zlau ɓai, Jacob, ɓèl ga, Ndo nzi pèc pècèk a gaɗa. Israel, ka gudzu ɓai, aman i da mbelka ka dra, i da mbel ta ndohi te verzi ngaya te kokwar man ta te ɓèlè. Jacob a di a shkè deɓa, a nzi a gumai, skwa a ga na azɓai, ndo a pra na zlau a va azɓai.

Jérémie 30:18

Ndo nzi pèc pècèk a gaɗa: Na haha i da helka ta ndohi ɓèlè te gi Jacob a deɓa, a gihi tengaʼa ta siyè te va. Ta da ɗèɗèy kokwar a pa, ta da gi gi bai a sam nhalaʼa.

Jérémie 30:7

Wobau! Pats mbiaʼa, ngiɗè ngar nengaʼa azɓai! Nlèyè mbiaʼa a sam Jacob; aman nengaʼa a da shkè auda te pa, a di a mbelda auda te pa.

Jérémie 31:14

Ndohi mvi skwi a Zhiklè ta ngézhè a mbeza, a ndohi ga ta wèl va te mpshè ma ga, Ndo nzi pèc pècèk a gaɗa.

Jérémie 31:25

Aman ndav ndohi tèlèba i ga latsatsaʼa, a ndav tèlèba man nʼngeza, i pa ta a pa a ndav.

Jérémie 31:6

a pats nasa, aman ndohi mɓer kokwar ta da bèhè te za Ephraim: Va-slambaɗa, ngo-dokoya a Sion, a sam Ndo nzi pèc pècèk, Zhiklè nga!

Jérémie 32:37

Na haha, iyè i da ɓic ta te herkeda tèlèba, man i dzam ta a pa a ndav, a ndzoan, a shèwa ga mbiaʼa, a i da helka ta a deɓa a haha, a i gi aman ta nzi a gumai.

Jérémie 46:27

Aman ka, ka gu zlau ɓai, Jacob, ɓèl ga, ka gudzu ɓai, Israel. Na haha i mbel ka, ko ka dra; a ndohi te verzi ngaya, te kokwar man kinè te pa te ɓèlè. Jacob a di a shkè deɓa, a nzi a gumai, skwa a da ga na azɓai, ndo a da pra na zlau a va azɓai.

Jérémie 50:6

Ndohi ga ara rèwè tambakihai man ta zlak ta. Ndohi mɓer skwi tengaʼa ta zlakede ta te za, to do a géɗ za, rèwè skwi ta mpca ta a gèɗ.

Ezéchiel 11:17

Aman i da ɓicka ta a deɓa te ndev ndohi herkeda, te kokwar man i ksar ta a pa, a i ɓic ta a i va ta kokwar Israel.

Ezéchiel 36:24

I da parka kinè a deɓa tʼherkeda tèlèba. I da ɓic kinè, a i de kinè a deɓa a ngwai a kokwar kinè.

Ezéchiel 36:33

Gar haha Bi Zhiklè a gaɗa: A pats man i da pan kinè te mali kinè tèlèba, i da pe ta ndohi a kokwar zaʼa, a i da ɗèɗèyè diki zaʼa.

Ezéchiel 38:8

Te deɓ nʼnzi a zhè i da baha ka, te deɓ mvi kumba ka dè a sam ndohi man ta mbel ta auda te ri tsakwal, man i ɓic ta te va ndohi herkeɗa kumba a deɓa a géɗ za Israel, man nʼnzi a zhè a nʼnza ara hèshèkèɗ. Ta shkè auda te va ndohi herkeda ma, a ta nzi amba amba.

Ezéchiel 47:18

Civèɗ mvèng pats: Woyam Jourdain, te ndev Havran, Damas a Galaad a kokwar Israel. A hinè a ma iyam mbiaʼa, te civèɗ mvèng pats, ha ndè Thamar; nasa civèɗ mvèng pats.

Michée 7:14

Ɓür ndohi ngaya a gada mɓer skwi ngaya! Ara rèwè skwi ngaya, man ta nza a géɗ ta te za Carmel. Sèi ka lè ta a sam mbelaʼa te Basan, te Galaad, ara nzlèzlèʼa!

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Zacharie 10:10

I woya a i helka ta a deɓa te kokwar Egypte, te Assyrie, i ɓicka ta, a i helka ta a deɓa a kokwar Galaad a Liban, sam a da slra ta ɓai.

Nombres 32:1

A ndohi Ruben a ndohi Gad ta ngots rèwè skwi mbiaʼa. Ta rkaʼa, kokwar Jaezer a kokwar Galaad, sam mwèr skwi a zhè te pa.

Nombres 32:4

Nebo a Beon, kokwar man Ndo nzi pèc pècèk a mpa ta a ri ndohi Israel, sam mwèr skwai. Anai ɓèlèlihi kine ta ngots rèwè skwai.

Josué 17:15

Josué a ngaɗa ta: Aman kin kumba, aman za Ephraim a slra kinè ɓai, vo-do a sam man wof a nhaya a pa, va-ɗotso wofaʼa te kokwar ndohi Phérez a Rephaim.