Jérémie 50:14 - Ma Zhiklè

¹⁴ Va-ɗaha va a kin gu var a Babylone a sam tèlèba, kinè man kin lata lèkèɗ. Va-ɓor a sulom, kin ngheda sulom ɓai, te man a ngu malai a sam Ndo nzi pèc pècèk!

Jérémie 50:14 ပူးပေါင်းရင်းမြစ်များ

II Samuel 10:9

Aman Joab a nrka, ta hakaɗa ma, ta hakaɗa te deɓa, a nhel ta ndohi te va ndohi Israel mparaʼa, a nzlatsede ta zuraʼa a ma ndohi Syrie.

Psaumes 51:4

Ponkoy mali ga auda te ndav, a i gi ndzuwaɗaɗaʼa; pa-nyè te maharam ga!

Esaie 13:4

Tsena dakwa! Nhèzlèwè te za ara nhè-zlèwè ndohi var kumba. Tsena ɗakwa! Ara nrubai kokwar-bihai a ndohi herkeda mɓicaʼa! Zhiklè bi mbiaʼa a par ta ndohi var.

Esaie 5:28

Sulom tengaʼa ntasla, ncwèr lèkèɗ tengaʼa mʼmana, kotèkwèr plèsh tengaʼa nara kwa, sak kiki var tengaʼa ta hai ara ko-zlar.

Jérémie 46:9

Va-hau, plèshihai! Va-gu shèwa, kiki var! Ngul ndohai, vo-do auda! Ethiopie a Puth, man ta gidè gambar, a ndohi Lud man ta lètè lèkèɗ!

Jérémie 49:14

I tsena ma mɓuaʼa, a sam Ndo nzi pèc pècèk, a nzlinde ndo sak a sam ndohi herkeda: Va-ɓica va, vo-do va-gu var a nengaʼa! Va-slambaɗa a var!

Jérémie 49:35

Zhiklè bi mbiaʼa a goɗ ar haha: Na haha i pasla lèkèɗ Elam, nshè-lèkur skwi wuɗi ta.

Jérémie 50:11

Kinè man kin duma skwi nʼndi gi ga, va-wuffa, va-gu langlangaʼa, va-nzevau ara dem zlè te ndev mandai a kin kuɗi ara plèsh ndzagara;

Jérémie 50:29

Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Jérémie 50:42

Lèkèɗ a zhèngèzhè te rai, wuɗitpa, ndo a se ta te va azɓai, daʼai tengaʼa nara kuɗ iyam. Ta a deɓ plèsh, ta ʼdaha va a var, ara ndo staɗ a gèɗ ngaya, kokwar Babylone.

Jérémie 50:7

Ko wawa man a ngats ta, ta nde ta ma, ndohi mayamhi ta, ta gaɗa: mali nga ka ɓai; a géɗ man ta gu mali a sam Zhiklè, sam nʼnzi ngi-zuraʼa, a sam Ndo nzi pèc pècèk, man babhi ta ta zhèrèʼa.

Jérémie 50:9

Aman i bahka ta ndohi rè-dèdèʼa, ndohi herkeda mbibihiaʼa te man a géɗèʼa, a ta gi var a Babylone. Ta da dèhè va a sam na, a ta dumda ma. Sulom tengaʼa, sulom ndo man a sun var, man a kèlèhi ambali azɓai.

Jérémie 51:2

Te deɓaʼa i da zlinde ta ndohi mpèvè dau a kokwar Babylone, a ta pèvè skwai; ta ndeda herkeda a ma a sam tèlèba, a pats matakwan.

Jérémie 51:27

Va-zlatseda bata te kokwar! Va-tsu tolom te ndev ndohi herkeda! Va-til ta ndohi herkeda, va-bahka ta kokwar-bihai a sam na: Ararat, Minni a Ashkenaz! Va-ɓicka ta bihi a sam na, va-zlinda plèshi kumba ara dzarai a pa!

Jérémie 51:3

Va-lata lèkèɗ a ndo man a lata lèkèɗ na, a ndo man a fi va, man skwi var a va. Va-bazla golahi na, va-ndevda ndohi var nengaʼa tèlèba!

Habakuk 2:17

Mali man ka ga na Liban, a da ngwoda ka va a gèɗ, skwi dak a da pa ka zlau a gèɗ, te man ka ga na wuɗi a kokwar, ka bazl ta ndohi te kokwar tèlèba.

Habakuk 2:8

Njèkèɗi ndohi herkeda ta da dum ka, a géɗ man ka, ka dum ta ndohi herkeda kumba, a géɗ man ka bazl ta ndohai, a ka gu shèwa a kokwar, a ndohi kokwar tèlèba man ta te pa.

Apocalypse 17:5

A medi nengaʼa mwindèʼa nzlembaɗ ngiɗè, man ndo a sun verzia ɓai: Babylone mbiaʼa, mam mphömè, mam skwi tèlèba man a ndèrè ndo a géɗ herkeda.

I Samuel 17:20

David a nslambaɗa a prèk te gai, a njèka ta tambakihi a ri ndo nwar ta, a nco skwai, a ndo, ara man Isai a ngra na. A ndikè a sam mɓicè ndohi var, a ndohi var ta ɗaha va a ta guzlai.