Jérémie 5:7 - Ma Zhiklè

⁷ Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Jérémie 5:7 ပူးပေါင်းရင်းမြစ်များ

II Chroniques 13:9

Kin kwola ndohi mvi skwi a Zhiklè, Ndo nzi pèc pècèk, wudahi Aaron a ndohi Lévi ka ɓi ɗè? A kin pu ndohi mvi skwi a zhiklè ngiɗè, lèmèlèmè ara ndohi kokwar ngiɗè ka bi dè? Ko wawa man a shkè a kra marai, a tambakihi 7, a jhèɗè man ta fi a mizlinè, ta gaʼa a ndo mvi skwi a Zhiklè; aman skwi haha Zhiklè a woya ɓai.

Job 31:12

Nara vogwa man a ndi skwi te vèvèɗ mpèltemtemaʼa, da ndeda skwi man i ɓüco tèlè a ma.

Psaumes 50:18

Aman ka rka ndo metsar, ka hi ngaya a verzi na, a kin humdè va a ndohi mphömè.

Jérémie 12:16

Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Jérémie 13:27

Mphömè ngaya, ntétékè baki ngaya, mphömè ngaya holholaʼa man hori te pa. A géɗ za, te dak, i rka skwi ngaya man a ndèrè a ndo. Woba ka, Jérusalem! Ka pan ɓai, ka lizhè genè pèc pècèk, ta ngèmè?

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 16:20

Ndo a slaha a nrèm zhiklèhi na ɗè? Ta Zhiklè ka ɓai!

Jérémie 2:11

Daga halaʼa ndohi ngiɗè man ta humbaɗa Zhiklè a zhiklèhi ncèkèlma, tazhi dè? Aman ndohi ga ta humbaɗa nʼnjèl ga a skwi ambalai.

Jérémie 2:31

Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Jérémie 23:10

Aman herkeda nʼndha a mphöme. Kokwar mphomda a géɗ nengaʼa, a lèyè. Sam nɗaʼa tʼhèshè-kèɗ ngwora. Nshèffè tengaʼa, maya man ambaɓai. Ta manda ndav ta a verzi skwi nzura ka ɓai.

Jérémie 3:19

Zhiklè a gaɗa: I woy a i fe ka a kra ga, a i va ka kokwar mbelaʼa; skwi nʼndi gi ngiɗè gar nengaʼa azɓai tʼherkeda. I hur i gaɗa: Kin da bahayè ‘Bab ga’, a kin da jèkyè asaɓai.

Jérémie 3:8

Nrkaʼa, i jèkeda Israel a géɗ mphömè nengaʼa tèlèba, a i va na ɗèlèwèr njèkè ngwoz. Aman Juda, man nlèɓèslɓai, nʼnga zlau ɓai. Nenga ba a mdo, a ngau mphömè.

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Jérémie 9:2

Nda vay gèjèk dak tʼhèshèkèɗ wa? A i jèke ta ndohi ga a pa, a i dè ga; ta tèlèba ndohi mphömè, ndohi ngi rai.

Lamentations de Jérémie 3:42

Nga gu mèdègèɗ, nga tsena gèɗ ɓai, gar haha ka pra nga mali ɓai.

Ezéchiel 22:11

Ngiɗè a mènè a ngwoz nslamagi na, ngiɗè a gi mwèslè a dem kra na, ngiɗè a gi mwèslè a demam na, dem bab na.

Osée 11:8

Ephraim, i jèke ka èhèmè? Israel, i pre ka èhèmè? I kwol ka ara Adma èhèmè, i ge ka ara Tseboim èhèmè? A mbeɗamay ndav, a ndaramay ndav tʼhwaɗaʼa.

Osée 13:6

Aman ta ngots skwi nʼndai, a ta ngeza, ta gre gèɗ ta, i pca ta a gèɗ.

Osée 4:2

Ta mbèɗè, ta cèkèlma, ta kéɗ ndo, ta gi metsar, ta gi mphöme, ta gi skwi a wuɗai, mali nkéɗè ndo a dè a ma ma.

Osée 7:4

Ta tèlèba ndohi mphömè, ta lèmèlèmè ara rèwèc nti daf, man daf te pa, vogwa a te pa ɓai, ha a ɓesl na a pa.

Lèv. 20:10

Aman ndo ngiɗè a gi mphömè a ngwoz nslamagi na, sèi ta bazl ta cèw ba, nguraʼa a ngwoz man ta gu mphömè.

Amos 8:14

Tengaʼa man ta mbada a sam mʼmbèh skwi te Samarie, a ta mbada a géɗ nshèffè vri Dan, a géɗ nshèffè vri Beer-Shéba, ta da kèlèhai, a ta da slèmbèɗè te deɓaʼa asaɓai.

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

1 Corinthians 6:9

Kin sun ɓi ɗè, ndohi nzura ka ɓai, ta ndi kokwar-Bi Zhiklè azɓai. Kin peda ndav kinè a wai a ri kinè ɓai! Ko ndohi mphömè, ko ndohi vrai, ndohi ngi ngwoz a dala, ko ndohi mphömè nguraʼa a nguraʼa,

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

Galates 4:8

Te va nasa, aman kin sun Zhiklè ɓai, kin gu ɓèlèlihi zhiklèhai, man ta a vava zhiklèhi ka ɓai. Aman antanta kin sun Zhiklè –

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.

Deutéronome 32:21

A ta pokoy gèɗ ndav auda a srak a skwi man Zhiklè ka ɓai. Ta pokoy gèɗ ndav auda a skwi mʼmbèh skwi tengaʼa man ambalai. Iyè i da poko ta gèɗ ndav auda a srak a ndohi ambaɓihiaʼa. I poko ta gèɗ ndav auda a ndohi nrzlaʼa.

Hébreux 13:4

Va-slubordo nʼnzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè.

Jacques 4:4

Kinè ndohi mphömè, kin sun ɓi ɗè, ndo man a gi mandala a herkeda, a gi a mayam Zhiklè. Ndo man a woya a gi mandala a herkeda, nengaʼa a ndi a ndo mayam Zhiklè.

Josué 23:7

Kin dzakaɓa va a njèkèɗi ndohi herkeda haha ɓai! Kin slefu nzlembaɗ zhiklèhi tengaʼa bai, kin mbaɗa a nzlembaɗ tengaʼa ɓai! Kin dzodzor tengaʼa ɓai, kin tsu ri a tengaʼa ɓai!