Jérémie 5:5 - Ma Zhiklè

⁵ I woy a i dè a sam ndohi mbibihiaʼa a i gaɗa ta, te man tengaʼa ta sun civèɗ Ndo nzi pèc pècèk, ta sun kita Zhiklè tengaʼa. Aman tengaʼa ba ta proslko wof nkelawa auda te daʼai, ta pra teɓa.

Jérémie 5:5 ပူးပေါင်းရင်းမြစ်များ

II Chroniques 36:14

Bihi Juda a ndohi mvi skwi a Zhiklè ta gu malai a vaʼa a vaʼa, a ta dzodzor skwi man a ndèrè a ndo man ndohi nte deɓa ta giaʼa. Ta derɗa gi Zhiklè man Ndo nzi pèc pècèk a kezlaʼa te kokwar Jérusalem.

Exode 32:25

Aman Moise a nrka, ndohi ta gucè azbai, a Aaron a mpra ta civèɗ a ndohai, a ta mbèh skwai, a mayamhi tengaʼa ta ngwossaha ta ɓukɓukaʼa,

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Jérémie 2:20

Nʼnzi a zhè ma, ka proslko wof nkelawa te daʼai ngaya auda, ka ngesla teɓa ngaya, a ka gaɗa: I woy a i nzi a ɓèlè ɓai! Aman a géɗ za mbiaʼa tèlèba, a verzi wof ndizlimaʼa tèlèba, ka mana tʼhai, fali dam!

Jérémie 2:31

Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 8:7

Ko ngalawai a sun man tiɗè sama ma; tèlègwai a mbékbèkèu ta sun pats man ta menkaɗa deɓa. Aman ndohi ga ta sun ma nkwèr Ndo nzi pèc pècek ɓai.

Jérémie 9:3

Nèʼèn ta mwosla a ncèkèlma, skwi nzura ka ɓai a gi bi te kokwar. Ta gu mali a ma ma, a ta senyè ɓai, Ndo nzi pèc pècèk a gaɗa.

Ezéchiel 11:2

A ngaɗayè: Ka ndo, nasa ndohai man ta hér malai a skwi ambaɓiaʼa te kokwar haha.

Amos 4:1

Va-tsena ma haha, dalahi zlèhi te Basan, te za Samarie, man kin ga ta matakwan a ndohi ntawassaʼa, a kin zumda ta gèɗ a mbelawhai. Man kin gaɗa ta ndohi kine mbibihiaʼa: Va-hulko skwi man nga siaʼa!

Amos 6:1

Wobau a géɗ ndohi te Sion, man ta hér skwi ngidè azɓai, man ta gshè va a za Samarie, a ta nzi a géɗ za, man ta baha ta ndohi mbiaʼa te va ndohi herkeda, bihi ndohi gi Israel.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Mal. 2:7

Ndo mvi skwi a Zhiklè a sun ma maya; a ndohi ta hèsh maya kita auda te ma na, te man nengaʼa ndo sak Zhiklè bi mbiaʼa.

Luke 18:24

Aman Yèsu a rkaʼa, ndav nengaʼa a kuɗai, a ngaɗa: Wuɗitpa a ndohi man skwi tengaʼa a zhè a vata, man ta dè a kokwar Bi Zhiklè.

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!